Levitico 7:12 - Chol: I T’an Dios

¹² Che' mi cʌq'uentel c majtan che' mi la' subeñon wocolix cʌlʌ, yom jini woch'esʌbil bʌ waj mach bʌ anic i levadurajlel, xajc'ubil bʌ yic'ot aceite, yic'ot galleta tac bombil bʌ yic'ot harina xajc'ubil bʌ yic'ot olivo aceite, yic'ot waj melbil bʌ ti harina xajc'ubil bʌ yic'ot olivo aceite.

Chol de Tumbalá Bible

¹² Che' mi cʌq'uentel c majtan che' mi la' subeñon wocolix cʌlʌ, yom jini woch'esʌbil bʌ waj mach bʌ anic i levadurajlel, xajc'ubil bʌ yic'ot aceite, yic'ot galleta tac bombil bʌ yic'ot harina xajc'ubil bʌ yic'ot olivo aceite, yic'ot waj melbil bʌ ti harina xajc'ubil bʌ yic'ot olivo aceite.

Jiñi Tsiji' bʌ Wen T'añ cha'añ Estudio

¹² Che' mi cʌq'uentel c majtañ che' mi la' su'beñon wocolix cʌlʌ, yom jiñi waj mach bʌ añic i levadurajlel wen juch'bil bʌ trigo bombil bʌ yic'ot olivo aceite, yic'ot woch'esʌbil bʌ waj mach bʌ añic i levadurajlel bombil bʌ ti olivo aceite, yic'ot waj ch'ilbil bʌ melbil bʌ ti harina xajc'ubil bʌ yic'ot olivo aceite,

Levitico 7:12 Iomraidhean Croise

2 Cronicas 29:31

Jini rey Ezequías tsi' yʌlʌ: Tsa'ix la sʌq'uesa la' bʌ ti' tojlel lac Yum. Lʌc'tesan la' bʌ. Ch'ʌmʌla jini majtañʌl tac. Subenla wocolix i yʌlʌ lac Yum yic'ot majtañʌl, che'en. Che' jini pejtelel jini winicob tsi' ch'ʌmʌyob tilel majtañʌl ti chajp ti chajp. Tsa' caji i subeñob wocolix i yʌlʌ lac Yum. Che' bajche' jaytiquil yomob tsi' ch'ʌmbeyob tilel i majtan lac Yum cha'an mi' pulbentel.

2 Cronicas 33:16

Tsi' cha' mele jini pulʌntib i cha'an lac Yum. Tsi' tsʌnsʌbe i majtan lac Yum cha'an i ñʌch'tʌlel i pusic'al. Tsi' yʌq'ue i yofrenda yic'ot wocolix i yʌlʌ. Tsi' sube pejtelel jini año' bʌ ti Judá cha'an mi' melob chuqui yom lac Yum, i Dios israelob.

Nehemias 12:43

Tsi' tsʌnsʌbeyob cabʌl i majtan tac Dios ti ili q'uin. Tsa' ñuc'ayob i pusic'al, come Dios tsi' yʌq'ueyob cabʌl i tijicñʌyel. Tsa' ñuc'ayob i pusic'al x'ixicob yic'ot alʌlob ja'el. Tsa' ñajti tsictiyi i t'an jini año' bʌ ti Jerusalén cha'an wen tijicñayob.

Salmos 107:8

La' lac suben wocolix i yʌlʌ lac Yum cha'an i yutslel, Cha'an ñuc bʌ i melbal mu' bʌ i pʌsbeñonla.

Salmos 116:17

Mi caj c subeñet wocolix a wʌlʌ che' mi cʌq'ueñet tsʌnsʌbil bʌ a majtan. Mi caj c pejcañet ti a c'aba'.

Salmos 50:23

Majqui jach mi' subeñon wocolix cʌlʌ woli' yʌq'ueñon tsʌnsʌbil bʌ c majtan yilal. Mi caj c pʌsben i coltʌntel majqui jach mi' sajcan wen bʌ c bijlel, che'en Dios.

Jeremias 33:11

i t'an jini tijicñayo' bʌ woliyo' bʌ ti tse'ñal. Mi caj i cha' ubintel i t'an jini xñujpuñijel yic'ot jini c'ajtibil bʌ i cha'an. Wʌ' ti ili tejclum mi caj i cha' ch'ujutesañoñob yic'ot c'ay. Mi caj i yʌlob: “Subenla lac Yum wocolix i yʌlʌ come i Yumʌch Panchan yic'ot Pañimil. Mi' pʌsbeñonla i yutslel i pusic'al ti pejtelel ora”. Che'ʌch mi' cajelob ti c'ay. Mi caj i cha' ch'ʌmbeñoñob tilel c majtan tac wʌ' tic Templo, come mi caj c cha' mel ti ñuc ili lum che' bajche' ti oñiyi, che'en lac Yum.

Oseas 14:2

Yom mi la' c'ajtiben lac Yum ti wocol t'an: Lu' loc'sʌbeñon lojon c sojquemal. Pʌsbeñon lojon i yutslel a pusic'al. Yom uts'at ma' q'uelon lojon. Che' jini mi caj c sub lojon a ñuclel.

Levitico 2:4

Ba' ora ma' wʌc' waj ti horno cha'an mi' tic'an c majtan, wen juch'bil yom. Yom xajc'ubil yic'ot olivo aceite, pero mach yomic yic'ot levadura. Mi mejlel a wʌq'ueñon galleta ja'el, pero mach yomic yic'ot levadura. Yom ma' bon yic'ot olivo aceite.

Levitico 2:5

Che' ja'el mi tsa' wʌc'ʌ jini majtañʌl tac ch'ilbil bʌ ti sartén, yom wen juch'bil bʌ harina. Mach yomic che' an levadura. Yom xajc'ubil yic'ot aceite.

Levitico 22:29

Che' ma' tsʌnsʌbeñon c majtan che' bajche' yom a pusic'al cha'an ma' subeñon wocolix cʌlʌ, aq'ueñon wen sʌc bʌ cha'an uts'at mij q'uel jini a wofrenda. Ti jini jach bʌ q'uin yom mi' laj c'uxtʌl, mach yomic mi' cʌytʌl c'ʌlʌl ti' yijc'ʌlal. Joñoñʌch a Yumon.

Levitico 6:16

Aarón yic'ot i yalobilob mi caj i c'uxob i colobal mu' bʌ i cʌytʌl. Mach yomic mi' c'uxtʌl yic'ot levadura ya' ti Ch'ujul bʌ Ajñibʌl. La' i c'uxob i colobal c majtan ya' ti' pat jini pisil bʌ cotot.

Levitico 7:15

Jini alʌc'ʌl mu' bʌ cʌq'uentel cha'an mic subentel wocolix cʌlʌ mi caj i c'uxtʌl i bʌc'tal ti jini jach bʌ q'uin. Mach yomic mi' wis cʌytʌl i colobal cha'an yambʌ q'uin.

Amos 4:5

Woli la' pulben Dios caxlan waj am bʌ i levadurajlel i wenta i majtan Dios cha'an mi la' suben wocolix i yʌlʌ. Woli la' sub ti tejclum chuqui tsa' la' wʌc'ʌ ti ofrenda, come che'ʌch yom la' pusic'al, winicob x'ixicob ti Israel. Che'ʌch woli' yʌl lac Yum Dios.

Numeros 6:15

Che' ja'el yom jump'ejl alʌ chiquib waj mach bʌ xʌbilic yic'ot levadura, melbil bʌ ti sʌsʌc bʌ harina xajc'ubil bʌ yic'ot aceite yic'ot hojuela (galleta) bombil bʌ yic'ot aceite mach bʌ anic i levadurajlel. Yom majtañʌl ja'el melbil bʌ ti trigo, yic'ot japbil bʌ majtañʌl tac.

Lucas 17:16

Tsi' pʌcchoco i bʌ ti' tojel Jesús. Tsi' sube wocolix i yʌlʌ. Ch'oyol ti Samaria ili winic.

Lucas 17:18

Ma'anic majqui tsa' cha' tili i sub i ñuclel Dios, cojach jini juntiquil ch'oyol bʌ ti yambʌ lum.

Romanos 1:21

Anquese tsi' cʌñʌyob Dios, ma'anic tsi' ch'ujutesayob. Ma'anic tsi' subeyob wocolix i yʌlʌ. Tsa' lon tejchi i bajñel ña'tʌbal. Utsilix tsa' p'ojli tonto bʌ i pusic'al.

Efesios 5:20

Pejtelel ora subenla Dios lac Tat wocolix i yʌlʌ ti' c'aba' lac Yum Jesucristo cha'an pejtelel chuqui jach mi' yujtel.

Hebreos 13:15

Jini cha'an che' coltʌbilonla cha'an Jesús, la' lac chʌn sub i ñuclel Dios ti' tojlel winicob. Jiñʌch mero i majtan.

1 Pedro 2:5

Jatetla ja'el lajaletla bajche' cuxul bʌ xajlel. Woli la' wa'chocontel ti' yotot Dios. Yom ch'ujul bʌ motomajetla i cha'an Jesucristo cha'an mi la' wʌq'uen ch'ujul bʌ i majtan Dios mu' bʌ i mulan.