Levitico 7:11 - Chol: I T’an Dios

¹¹ Jiñʌch mandar cha'an c majtan che' mi la' subeñon wocolix cʌlʌ cha'an la' coltʌntel.

Chol de Tumbalá Bible

¹¹ Jiñʌch mandar cha'an c majtan che' mi la' subeñon wocolix cʌlʌ cha'an la' coltʌntel.

Jiñi Tsiji' bʌ Wen T'añ cha'añ Estudio

¹¹ “Jiñʌch jiñi mandar cha'añ c majtañ mu' bʌ la' wʌq'ueñon cha'añ i ñʌch'tʌlel la' pusic'al:

Levitico 7:11 Iomraidhean Croise

2 Cronicas 29:31

Jini rey Ezequías tsi' yʌlʌ: Tsa'ix la sʌq'uesa la' bʌ ti' tojlel lac Yum. Lʌc'tesan la' bʌ. Ch'ʌmʌla jini majtañʌl tac. Subenla wocolix i yʌlʌ lac Yum yic'ot majtañʌl, che'en. Che' jini pejtelel jini winicob tsi' ch'ʌmʌyob tilel majtañʌl ti chajp ti chajp. Tsa' caji i subeñob wocolix i yʌlʌ lac Yum. Che' bajche' jaytiquil yomob tsi' ch'ʌmbeyob tilel i majtan lac Yum cha'an mi' pulbentel.

2 Cronicas 33:16

Tsi' cha' mele jini pulʌntib i cha'an lac Yum. Tsi' tsʌnsʌbe i majtan lac Yum cha'an i ñʌch'tʌlel i pusic'al. Tsi' yʌq'ue i yofrenda yic'ot wocolix i yʌlʌ. Tsi' sube pejtelel jini año' bʌ ti Judá cha'an mi' melob chuqui yom lac Yum, i Dios israelob.

Proverbios 7:14

Sajmʌl tsa cʌq'ue Dios tsʌnsʌbil bʌ i majtan cha'an mi' ts'ʌctiyel c t'an tsa' bʌ c sube.

Ezequiel 45:15

Yom mi la' wʌq'uen yumʌl juncojt ña' tiñʌme' che' an lujunc'al la' cha'an. Jiñʌch majtañʌl tac melbil bʌ ti trigo, yic'ot pulbil bʌ majtañʌl cha'an mi la' wʌq'ueñon wocolix cʌlʌ. Cha'añʌch i ñusʌntel mulil, che'en lac Yum.

Levitico 19:6

Ti jini jach bʌ q'uin yom mi la' c'ux, mi ti yijc'ʌlal. Pero mi anto i colobal che' ti yuxp'ejlel q'uin yom mi' pulel ti c'ajc.

Levitico 22:29

Che' ma' tsʌnsʌbeñon c majtan che' bajche' yom a pusic'al cha'an ma' subeñon wocolix cʌlʌ, aq'ueñon wen sʌc bʌ cha'an uts'at mij q'uel jini a wofrenda. Ti jini jach bʌ q'uin yom mi' laj c'uxtʌl, mach yomic mi' cʌytʌl c'ʌlʌl ti' yijc'ʌlal. Joñoñʌch a Yumon.

Levitico 7:10

Pejtelel yan tac bʌ majtañʌl xajc'ubil bʌ yic'ot aceite, o mi tiquin jach melbil, ti' pejtelel jini i cha'añobʌch i yalobilob Aarón. Junlajal yom mi' tajob.

Amos 5:22

Anquese mi la' pulbeñon c majtan, anquese mi la' wʌq'ueñon c majtan melbil bʌ ti trigo, ma'anic mi caj c ch'ʌm la' wacax mu' bʌ la' wʌq'ueñon cha'an mi' ñʌjch'el c pusic'al.

Numeros 7:23

Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Natanael i yalobil Zuar.