Levitico 6:18 - Chol: I T’an Dios

¹⁸ Pejtelel winic bʌ i p'olbal Aarón mi mejlel i c'uxob c'ʌlʌl ti pejtelel ora jini loq'uem tac bʌ tic majtan. Cojach jini motomajob mi mejlel i c'uxob jini majtañʌl. Ch'ujul mi' yajñel majqui jach mi' tʌl jini majtañʌl tac, che'en lac Yum.

Chol de Tumbalá Bible

¹⁸ Pejtelel winic bʌ i p'olbal Aarón mi mejlel i c'uxob c'ʌlʌl ti pejtelel ora jini loq'uem tac bʌ tic majtan. Cojach jini motomajob mi mejlel i c'uxob jini majtañʌl. Ch'ujul mi' yajñel majqui jach mi' tʌl jini majtañʌl tac, che'en lac Yum.

Jiñi Tsiji' bʌ Wen T'añ cha'añ Estudio

¹⁸ Pejtelel wiñic bʌ i p'olbal Aarón mi' mejlel i c'uxob jiñi loq'uem tac bʌ tic majtañ. Jiñʌch xuc'ul bʌ mandar cha'añ la' walobilob che' bajche' yom mi cʌq'uentel pulbil bʌ c majtañ. Pejtelel mu' bʌ i xʌb i bʌ yic'ot ili majtañʌl ch'ujul mi yajñel.”

Levitico 6:18 Iomraidhean Croise

Exodo 29:37

Wucp'ejl q'uin yom ma' chʌn ac' pulbil bʌ c majtan ya' ti pulʌntib cha'an sʌq'uesʌntel, cha'an ch'ujulʌch mi' majlel. Majqui jach mi' tʌl jini pulʌntib ch'ujulʌch mi caj i majlel ja'el.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Levitico 4:24

Yom mi' c'ʌcchocon i c'ʌb ti' jol jini chivo. Yom mi' tsʌnsan ya' baqui mi' tsʌnsʌntel jini pulbil tac bʌ majtañʌl. Che' jini yom mi' yʌq'ueñon. Jiñʌch majtañʌl cha'an i mul.

Levitico 4:3

Mi an juntiquil motomaj mu' bʌ i cha'len mulil che' mach tsajalic i cha'an, mi' tajob i mul pejtel winicob ti' caj. La' i yʌq'ueñon juncojt alʌ wacax i tat bʌ mach bʌ wis anic i chʌmel mi i lojwel, cha'an mi' ñusʌntel mulil.

Levitico 4:33

Yom mi' pʌy tilel ba' mi' tsʌnsʌntel majtañʌl. Yom mi' c'ʌcchocon i c'ʌb ya' ti' jol jini tiñʌme'. Che' jini mi caj i tsʌnsan jini tiñʌme' cha'an i mul.

Levitico 6:10

Che' ti sʌc'ajel jini motomaj mi caj i lʌp lino bʌ i pislel ti' pejtelel i cuctal, lino bʌ i borwex, yic'ot lino bʌ i bujc. Yom mi' much'quiben i tʌñʌl ya' ti pulʌntib. Che' jini much'ul jach mi' cʌy ya' ti' t'ejl pulʌntib.

Levitico 6:19

Che' ja'el lac Yum tsi' sube Moisés: Ti jim bʌ ora che' mi' wa'chocontel Aarón yic'ot i yalobilob ti' ye'tel motomaj, la' i yʌq'ueñon majtañʌl bʌ harina, wen chʌmen bʌ juch'bil. Yom chʌmp'ejl litro. La' i yʌc'ob ojlil ti sʌc'ajel, ojlil ti ic'ajel.

Levitico 6:27

Cojach jini wa'chocobilo' bʌ ti motomajob mi mejlel i tʌlob ili we'elʌl. Mi tsa' pʌjq'ui i pislel ti' ch'ich'el alʌc'ʌl, yom mi' pojquel ya' ti Ch'ujul bʌ Ajñibʌl.

Levitico 6:29

Cojach jini motomajob yic'ot ch'iton bʌ i yalobilob mi mejlel i c'uxob jini we'elʌl, come c'ax ch'ujulʌch.

Levitico 7:6

Cojach jini motomajob yic'ot ch'iton bʌ i yalobilob mi mejlel i c'uxob. Yom mi' c'uxob ya' ti Ch'ujul bʌ Ajñibʌl, come c'ax ch'ujulʌch jini majtañʌl.

Numeros 18:10

Ya' jach ti Ch'ujul bʌ Ajñibʌl mi mejlel la' c'uxe'. Cojach winicob mi mejlel i c'uxob.

Numeros 18:8

Lac Yum tsi' cha' sube Aarón: Joñon tsa'ix cʌq'ueyet ti a wenta jini c majtan tac. Jiñʌch majtañʌl tac mu' bʌ i yʌq'ueñoñob israelob. A cha'añʌch yic'ot i cha'añʌch ja'el a walobilob c'ʌlʌl ti pejtelel ora, come ch'ujuletla, motomajetla. La' tem cha'an jach pejtelel c majtan mu' bʌ i yʌq'ueñoñob.

1 Corintios 9:13

¿Mach ba la' wujilic? Jini mu' bʌ i cha'leñob e'tel ti templo mi' c'uxob jini ac'bil bʌ ti templo. Jini mu' bʌ i yʌq'ueñob i majtan Dios ya' ti pulʌntib mi' c'uxob chuqui ac'bil ya'i.

1 Pedro 1:16

Come ts'ijbubil: “Ajñenla ti ch'ujul, come ch'ujulon”, che'en lac Yum.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.