Levitico 5:6 - Chol: I T’an Dios

⁶ Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Chol de Tumbalá Bible

⁶ Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Jiñi Tsiji' bʌ Wen T'añ cha'añ Estudio

⁶ yic'ot yom mi yʌc' tic tojlel jump'ejl ofrenda cha'añ i ñusʌntel i mul tsa' bʌ i mele, yom juncojt xch'oc tʌñʌme' o xch'oc chivo. Che'ʌch mi caj i mel jiñi motomaj cha'añ mi' ñusʌbentel i mul jiñi wiñic.”

Levitico 5:6 Iomraidhean Croise

Ezequiel 40:39

Ya' ba' mi la cochel ti puerta ya'an cha'p'ejl mesa ti junwejl, yambʌ cha'p'ejl ti yambʌ junwejl. Jiñʌch mu' bʌ i c'ʌjñel che' mi' tsʌnsʌntel jini alʌc'ʌl tac mu' bʌ i pulel cha'an i ñusʌntel mulil.

Ezequiel 42:13

Tsi' subeyon: Ch'ujulʌch jini tsalʌl tac am bʌ ti norte ti sur ya' bʌ an ti' tojel jini patio cha'an Templo. Jini motomajob i cha'an lac Yum mi caj i c'uxob jini majtañʌl tac ya'i. Ya'ʌch mi caj i yʌc'ob jini majtañʌl tac cha'an i ñusʌntel mulil, come ch'ujulʌch ili tsalʌl tac.

Ezequiel 44:27

Ti jini q'uin che' mi' yochel ti Ch'ujul bʌ Ajñibʌl ya' ti patio am bʌ ti mal cha'an mi' mel jini e'tel, wersa yom mi' tsʌnsan jini majtañʌl cha'an mulil, che'en lac Yum Dios.

Levitico 4:20

Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Levitico 4:28

Ti wi'il che' mi' ña'tan an i mul la' i pʌy tilel juncojt i ña'al bʌ chivo, mach bʌ wis anic i c'amʌjel mi i lojwemal cha'an i tojol i mul tsa' bʌ i mele.

Levitico 4:31

Yom mi' loc'sʌbentel pejtelel i lewil che' bajche' tsa' loc'sʌnti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pam jini pulʌntib. Mi caj c mulan jini c majtan. Che'ʌch yom mi' mel jini motomaj cha'an mi' tojbentel i mul ili winic. Mi caj i ñusʌbentel i mul.

Levitico 4:32

Che' ja'el mi tsi' pʌyʌ tilel juncojt alʌ tiñʌme' cha'an i ñusʌntel mulil, yom juncojt i ña'al bʌ tiñʌme' mach bʌ wis anic i c'amʌjel mi i lojwemal.

Levitico 4:35

La' i loc'sʌben pejtel i lewil che' bajche' tsa' loc'sʌbenti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pulʌntib che' bajche' yambʌ pulbil bʌ c majtan. Che' jini mi caj i tsʌnsʌbeñon cha'an i ñusʌntel mulil. Mi caj c ñusʌben i mul jini winic.

Levitico 6:6

La' i pʌybeñon tilel juncojt wen uts'at bʌ tat tiñʌme' mach bʌ wis anic i c'amʌjel. Yom mi' yʌq'uen jini motomaj cha'an i tojol i mul.

Numeros 6:12

Che' jini mi' cha' cajel i sʌq'uesan i jol tic tojlel cha'an mi' ts'ʌctesan i ye'tel ti nazareo che' bajche' jayp'ejl q'uin tsi' wʌn ña'ta. Wersa mi' pʌy tilel juncojt tat tiñʌme' am bʌ jump'ejl i jabilel cha'an mi' ñusʌbentel i mul. Jini ñaxan bʌ q'uin tac che' bʌ tsa' ochi ti nazareo ma'anix mi' ch'ʌjmel ti wenta, come tsa' bib'esʌnti.