Levitico 5:4 - Chol: I T’an Dios

⁴ Che' ja'el che' an juntiquil mu' bʌ i payxo ac' i t'an ti ora cha'an chuqui mi caj i mel, mi uts'at o mi mach uts'atic, añʌch i mul che' mi' cajel i ña'tan chuqui tsi' mele.

Chol de Tumbalá Bible

⁴ Che' ja'el che' an juntiquil mu' bʌ i payxo ac' i t'an ti ora cha'an chuqui mi caj i mel, mi uts'at o mi mach uts'atic, añʌch i mul che' mi' cajel i ña'tan chuqui tsi' mele.

Jiñi Tsiji' bʌ Wen T'añ cha'añ Estudio

⁴ “Mi añ mu' bʌ i payxo ac' i t'añ ti ora cha'añ añ chuqui mi caj i mel, mi uts'at o mi mach uts'atic, come che'ʌch ñʌmʌl i yʌc' i t'añ ti ora che' maxto añic tsi' wen ch'ʌmbe isujm, pero mi ti wi'il tsi' cha' wen ch'ʌmbe isujm, añʌch i mul cha'añ ti' caj jiñi xuc'ul bʌ i t'añ.”

Levitico 5:4 Iomraidhean Croise

2 Samuel 21:7

David ma'anic tsi' choco majlel Mefiboset (i yalobil Jonatán i yalobil bʌ Saúl), cha'an jini t'an tsa' bʌ i yʌq'ue Jonatán ti' tojlel lac Yum.

2 Reyob 6:31

Jini rey tsi' yʌlʌ: La' i tsʌnsañon Dios mi ma'anic tsac set' t'ojbe loq'uel i jol Eliseo wʌle, che'en.

Salmos 106:33

Che' bʌ tsi' techbeyob i mich'ajel, tsʌts tsa' caji' yʌ'leñob.

Levitico 5:13

Che' jini, jini motomaj mi caj i yʌc' majtañʌl cha'an i tojol ti chajp ti chajp mulil. Mi caj i ñusʌbentel i mul jini winic. Jini i colobal i cha'añix jini motomaj che' bajche' c majtan trigo. Che' tsi' yʌc'ʌ mandar lac Yum.

Levitico 5:3

Mi tsi' tʌlbe i pʌjq'uemal juntiquil winic, bibi' mi' cʌytʌl tic wut che' mi' cajel i ña'tan.

Numeros 30:6

Pero mi ñujpuñemix jini x'ixic mu' bʌ i yʌc' i t'an cha'an chuqui mi caj i melben lac Yum, mi tsi' yʌc'ʌ lolom jach bʌ i t'an,

Numeros 30:8

Pero mi jini i ñoxi'al tsi' tiq'ui che' bʌ tsi' yubibe i t'an i yijñam, che' jach mi' cʌytʌl pejtelel i t'an jini x'ixic. Lac Yum mi caj i ñusʌben i mul.

Mateo 14:7

Tsi' wersa wa'choco i t'an. Tsi' yʌlʌ mi caj i yʌq'uen jini xch'oc pejtelel mu' bʌ i c'ajtiben.

Mateo 14:9

Jini rey tsi' mele i pusic'al. Pero wa'chocobilix i t'an ti' tojlel xq'uiñijelob. Jini cha'an Herodes tsi' yʌc'ʌ mandar cha'an mi' yʌq'uentel jini woli bʌ i c'ajtin.

Marcos 6:23

Tsi' wersa wa'choco i t'an. Tsi' sube: Chuqui jach ma' c'ajtibeñon mi caj cʌq'ueñet c'ʌlʌl ti yojlil c yumʌntel, che'en.

Hechos 23:12

Ti sʌc'ajel cabʌl judíojob tsi' tempayob i bʌ. Tsi' temeyob i t'an cha'an mi' tsʌnsañob Pablo. Tsi' bajñel ch'ʌcʌyob i bʌ cha'an ma'anic chuqui mi caj i c'uxob, ma'anic chuqui mi caj i japob jinto mi' tsʌnsañob Pablo.

Josue 2:14

Jini winicob tsi' jac'ʌyob: Lajal yom mic chʌmel lojon la' wic'ot mi ma'anic tsa' ts'ʌctiyi lojon jini c t'an. Jini jach mach yomic ma' sub chuqui wolic mel lojon. Che' tsa'ix i yʌq'ueyon lojon ili lum lac Yum, mi caj j q'uelet lojon ti' yutslel c pusic'al lojon ti isujm, che'ob.

Josue 9:15

Josué tsi' pejcayob ti uts'at. Tsi' yʌc'ʌ i t'an cha'an ma'anic mi' tsʌnsañob. Jini año' bʌ i ye'tel ti Israel tsi' yʌc'ʌyob i t'an ja'el.

Juezob 11:31

che' jini mi caj cʌq'ueñet a majtan. Che' mi yujtel guerra ti' tojlel amoñob, majqui jach mi' ñaxan loq'uel tilel ti cotot cha'an mi' tajon mi caj cʌc' ti' wenta lac Yum che' bajche' pulbil bʌ i majtan, che'en.

Juezob 21:18

Pero ti lac tojlel mach mejlic lac sijibeñob la quixic'al cha'an i yijñamob. Come tsa'ix lac mele trato. Jini israelob tsi' yʌlʌyob: “La' aq'uentic i wocol jini mu' bʌ i sijibeñob i yixic'al jini benjamiñob”, che'ob.

Juezob 21:7

Jini cha'an tsi' c'ajtibeyob: ¿Bajche' mi caj laj coltan jini winicob tsa' bʌ cʌleyob cha'an mi' tajob i yijñam? Come tsa'ix lac cha'le trato ti' tojlel lac Yum cha'an ma'anic mi caj lac sijibeñob la quixic'al, che'ob.

Juezob 9:19

¿Che' ba yom melol ti isujm? ¿Uts'at ba chuqui tsa' la' melbe Jerobaal yic'ot i yalobilob? Mi jump'ejl la' pusic'al, mi toj, yom mi la' wubin i tijicñʌyel la' pusic'al yic'ot Abimelec. Che' ja'el la' i yubin i tijicñʌyel Abimelec la' wic'ot.

1 Samuel 1:11

Tsi' wa'choco i t'an ti' tojlel lac Yum. Tsi' yʌlʌ: C Yum, i Yumet Panchan yic'ot Pañimil, q'ueleyon a mozojon. P'untañon cha'an woli cubin wocol. Mach a ñajatesañon, pʌsbeñon i yutslel a pusic'al. A wocolic aq'ueñon juntiquil ch'iton bʌ calobil, come a mozojon. Che' jini mi caj c cha' aq'ueñet cha'an mi' melbeñet a we'tel ti pejtelel ora. A cha'añʌch mi caj i majlel. Ma'anic mi caj i set'bentel i jol. Che'ʌch tsi' pejca lac Yum Ana.

1 Samuel 25:22

Mich' David tsi' yʌc'ʌ i t'an: La' i tic'lañon Dios mi ma'anic mic tsʌnsan pejtelel jini winicob año' bʌ ti' wenta Nabal ti wʌle jach bʌ ac'ʌlel, che'en.