Levitico 5:16 - Chol: I T’an Dios

¹⁶ Che' jini mi caj i ñusʌntel i mul cha'an tsi' yʌsi jini ch'ujul tac bʌ. Mi tsi' cʌyʌ i yʌc' i diezmo, mi caj i toj jini an to bʌ yom yic'ot i ñumel, cha'p'ejl i diezmojlel. Mi caj i yʌq'uen motomaj. An ti' wenta jini motomaj cha'an mi' yʌc' ti ñusʌntel jini mulil. Mi caj i yʌq'ueñon jini tat tiñʌme' cha'an mulil. Che' jini, mi' taj c ñusʌben i mul.

Chol de Tumbalá Bible

¹⁶ Che' jini mi caj i ñusʌntel i mul cha'an tsi' yʌsi jini ch'ujul tac bʌ. Mi tsi' cʌyʌ i yʌc' i diezmo, mi caj i toj jini an to bʌ yom yic'ot i ñumel, cha'p'ejl i diezmojlel. Mi caj i yʌq'uen motomaj. An ti' wenta jini motomaj cha'an mi' yʌc' ti ñusʌntel jini mulil. Mi caj i yʌq'ueñon jini tat tiñʌme' cha'an mulil. Che' jini, mi' taj c ñusʌben i mul.

Jiñi Tsiji' bʌ Wen T'añ cha'añ Estudio

¹⁶ Jiñi wiñic mi caj i yʌq'ueñ i q'uexol jiñi ch'ujul tac bʌ tsa' bʌ i yʌsi, yic'ot mi caj i yʌc' i cha'yajlel i diezmojlel cha'añ mi' yʌq'ueñ jiñi motomaj. Ti wi'il jiñi motomaj mi caj i yʌc' ti ñusʌntel jiñi mulil che' bʌ mi yʌq'ueñon jiñi tʌñʌme'. Jiñʌch tsʌnsʌbil bʌ c majtañ cha'añ mulil, che' jiñi mi' taj i ñusʌntel i mul.”

Levitico 5:16 Iomraidhean Croise

Salmos 69:4

Cabʌlobʌchix mu' bʌ i ts'a'leñon anquese ma'anic c mul. Ñumen cabʌlob ti tsicol bajche' i tsutsel c jol. P'ʌtʌlob jini yomo' bʌ i jisañon. Mi' lon contrajiñoñob. Ma'anic chuqui tsac tumbeyob. Jini mach bʌ anic tsac xujch'ibeyob wersa mic to'o q'uextʌbeñob.

Exodo 22:1

Majqui jach mi' xujch'in mi wacax mi tiñʌme', mi tsi' tsʌnsa, mi tsi' choño, wersa mi' q'uextʌben i yum jo'cojt wacax mi chʌncojt tiñʌme'.

Levitico 22:14

Mi tsi' c'uxu we'elʌl juntiquil winic che' ma'anic tsi' ña'ta mi ch'ujul, che' jini la' i cha' aq'uen jini motomaj i q'uexol jini we'elʌl yic'ot i ñumel che' bajche' cha'p'is loq'uem bʌ ti lujump'is.

Levitico 27:13

Mi yom mi' cha' ch'ʌm alʌc'ʌl jini winic, la' i yʌc' i tojol. Che' ja'el yom mi' yʌc' i ñumel che' bajche' cha'yajl bʌ i diezmojlel.

Levitico 27:15

mi yom i cha' ch'ʌm, uts'at mi' q'uel jini motomaj cha'an mi' ña'tan bajche' i tojol. Che'ʌch yom mi' yʌc' i tojol jini winic. Yom mi' yʌc' i ñumel ja'el, che' bajche' cha'yajl bʌ i diezmojlel. Che' jini i cha'anix jini otot.

Levitico 27:27

Pero mi mach sʌquic jini alac'ʌl, mi mejlel la' wʌq'ueñon taq'uin cha'an i wentajlel jini la' wʌlac' che' bajche' mi' ña'tan jini motomaj. Yom mi la' wʌc' yic'ot i ñumel, che' bajche' cha'yajl bʌ i diezmojlel. Mi mach la' womic la' cha' ch'ʌm, mi mejlel la' chomben yambʌ winic.

Levitico 27:31

Mi an juntiquil yom bʌ i cha' mʌn jini diezmo, mi tsepbil bʌ i wut jam, mi i wut pʌc'ʌbʌl, ts'ʌcʌl yom mi' yʌc' i tojol yic'ot i ñumel che' bajche' cha'yajl i diezmojlel.

Levitico 4:20

Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Levitico 4:26

Pejtelel i lewil tac yom mi' pulel ya' ti jini pulʌntib che' bajche' mi' pulel i lewil yan tac bʌ majtañʌl mu' bʌ cʌq'uentel cha'an wocolix cʌlʌ. Che'ʌch mi caj i yʌc' majtañʌl jini motomaj cha'an i tojol i mul jini yumʌl. Mi caj i ñusʌbentel i mul.

Levitico 5:10

Jini yambʌ juncojt mi caj i pule' che' bajche' i tilel ti pejtelel ora. Che' jini, jini motomaj mi caj i yʌc' jini majtañʌl cha'an i mul jini winic. Mi caj c ñusʌben i mul.

Levitico 5:13

Che' jini, jini motomaj mi caj i yʌc' majtañʌl cha'an i tojol ti chajp ti chajp mulil. Mi caj i ñusʌbentel i mul jini winic. Jini i colobal i cha'añix jini motomaj che' bajche' c majtan trigo. Che' tsi' yʌc'ʌ mandar lac Yum.

Levitico 5:6

Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Numeros 5:7

Wersa yom mi' sub i mul tsa' bʌ i mele. Wersa yom mi' toj yic'ot i ñumel. Yom cha'yajl i diezmojlel i ñumel mi' cha' aq'uen i yum che' bajche' tsi' xujch'i.

Numeros 5:8

Pero mi tsa' chʌmi jini winic tsa' bʌ tic'lʌnti, mi ma'anix lʌc'ʌl bʌ i pi'ʌl, la' aq'uentic jini motomaj i tojol tic wut. La' aq'uentic jini motomaj juncojt i tat tiñʌme' cha'an mi' ñusʌbentel i mul.

Lucas 19:8

Che' wa'al Zaqueo ba'an lac Yum, tsi' sube: Awilan, c Yum, mi caj cʌq'ueñob ojlil c chubʌ'an jini mach bʌ añobic i chubʌ'an. Mi tsac chilbe i chubʌ'an winic mi caj c cha' sutq'uiben uxyajl i ñumel, che'en Zaqueo.

Hechos 26:20

Ñaxan tsac subeyob jini año' bʌ ti Damasco yic'ot ti Jerusalén yic'ot ti pejtelel Judea, yic'ot gentilob cha'an mi' cʌyob i mul cha'an mi' sutq'uiñob i bʌ cha'an mi' ñopob Dios. Tsac subeyob cha'an mi' cha'leñob chuqui wen, cha'an mi' tsictiyel tsa'ix i cʌyʌyob i mul.

1 Samuel 6:3

Tsi' yʌlʌyob: Yom mi la' cha' choc majlel jini Arca i cha'an bʌ i Dios israelob. Pero mach yomic jochol mi la' choc majlel. Yom mi la' wʌq'uen i majtan Dios cha'an mi' ñusʌbeñetla la' mul. Che' jini mi la' cajel ti lajmel. Muq'uix cajel la' ña'tan chucoch woli' tic'lañetla, che'ob.