Levitico 5:13 - Chol: I T’an Dios

¹³ Che' jini, jini motomaj mi caj i yʌc' majtañʌl cha'an i tojol ti chajp ti chajp mulil. Mi caj i ñusʌbentel i mul jini winic. Jini i colobal i cha'añix jini motomaj che' bajche' c majtan trigo. Che' tsi' yʌc'ʌ mandar lac Yum.

Chol de Tumbalá Bible

¹³ Che' jini, jini motomaj mi caj i yʌc' majtañʌl cha'an i tojol ti chajp ti chajp mulil. Mi caj i ñusʌbentel i mul jini winic. Jini i colobal i cha'añix jini motomaj che' bajche' c majtan trigo. Che' tsi' yʌc'ʌ mandar lac Yum.

Jiñi Tsiji' bʌ Wen T'añ cha'añ Estudio

¹³ Jiñi motomaj mi caj i yʌc' majtañʌl cha'añ i tojol ti' chajp ti' chajp mulil, che' jiñi, jiñi xmulil mi' ñusʌbentel i mul. I colojbal jiñi majtañʌl i cha'añix jiñi motomaj che' bajche' mi' mejlel ti jiñi majtañʌl loq'uem bʌ ti trigo.”

Levitico 5:13 Iomraidhean Croise

Oseas 4:8

Tijicñayob jini motomajob che' cabʌl i mul c tejclumob. Mi' mulañob mulil.

Levitico 2:10

Jini i colobal majtañʌl mu' bʌ i cʌytʌl i cha'anix Aarón yic'ot i yalobilob cha'an mi' c'uxob. Pero ch'ujulʌch c majtan ti pejtelel.

Levitico 2:3

Jini i colobal jini juch'bil bʌ trigo i cha'anix Aarón yic'ot i yalobilob cha'an i bʌlob i ñʌc'. Pero mic ch'ʌm ti wenta pejtelel jini majtañʌl che' bajche' ch'ujul bʌ c majtan.

Levitico 4:20

Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Levitico 4:26

Pejtelel i lewil tac yom mi' pulel ya' ti jini pulʌntib che' bajche' mi' pulel i lewil yan tac bʌ majtañʌl mu' bʌ cʌq'uentel cha'an wocolix cʌlʌ. Che'ʌch mi caj i yʌc' majtañʌl jini motomaj cha'an i tojol i mul jini yumʌl. Mi caj i ñusʌbentel i mul.

Levitico 4:31

Yom mi' loc'sʌbentel pejtelel i lewil che' bajche' tsa' loc'sʌnti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pam jini pulʌntib. Mi caj c mulan jini c majtan. Che'ʌch yom mi' mel jini motomaj cha'an mi' tojbentel i mul ili winic. Mi caj i ñusʌbentel i mul.

Levitico 5:10

Jini yambʌ juncojt mi caj i pule' che' bajche' i tilel ti pejtelel ora. Che' jini, jini motomaj mi caj i yʌc' jini majtañʌl cha'an i mul jini winic. Mi caj c ñusʌben i mul.

Levitico 5:12

Mi caj i ch'ʌmben tilel jini motomaj mu' bʌ caj i ch'ʌm junmujch' harina cha'an mi' pule' ya' ti pam jini pulʌntib ba' mi' pulbeñon c majtan. Jiñʌch majtañʌl mu' bʌ i yʌjq'uel cha'an mulil.

Levitico 5:14

Lac Yum tsi' sube Moisés: Che' an majch mi' taj i mul tic tojlel cha'an tsi' yʌsi chuqui tac ch'ujul che' mach tsajalic i cha'an, la' i pʌybeñon tilel juncojt i tat tiñʌme' mach bʌ wis anic i c'amʌjel mi i lojwemal. Yom tiñʌme' am bʌ i tojol che' bajche' c'amel i multa jini winic. Jiñʌch c majtan cha'an i mul jini winic.

Levitico 5:16

Che' jini mi caj i ñusʌntel i mul cha'an tsi' yʌsi jini ch'ujul tac bʌ. Mi tsi' cʌyʌ i yʌc' i diezmo, mi caj i toj jini an to bʌ yom yic'ot i ñumel, cha'p'ejl i diezmojlel. Mi caj i yʌq'uen motomaj. An ti' wenta jini motomaj cha'an mi' yʌc' ti ñusʌntel jini mulil. Mi caj i yʌq'ueñon jini tat tiñʌme' cha'an mulil. Che' jini, mi' taj c ñusʌben i mul.

Levitico 5:4

Che' ja'el che' an juntiquil mu' bʌ i payxo ac' i t'an ti ora cha'an chuqui mi caj i mel, mi uts'at o mi mach uts'atic, añʌch i mul che' mi' cajel i ña'tan chuqui tsi' mele.

Levitico 5:5

Ti jujunchajp i mul tsa' bʌ i mele yom mi' tsictesan.

Levitico 5:6

Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Levitico 7:6

Cojach jini motomajob yic'ot ch'iton bʌ i yalobilob mi mejlel i c'uxob. Yom mi' c'uxob ya' ti Ch'ujul bʌ Ajñibʌl, come c'ax ch'ujulʌch jini majtañʌl.

1 Corintios 9:13

¿Mach ba la' wujilic? Jini mu' bʌ i cha'leñob e'tel ti templo mi' c'uxob jini ac'bil bʌ ti templo. Jini mu' bʌ i yʌq'ueñob i majtan Dios ya' ti pulʌntib mi' c'uxob chuqui ac'bil ya'i.

1 Samuel 2:28

Joñon tsac yajca a tat Aarón. Tsa cotsa ti motomaj ti' tojlel jini lajchʌnmojt i p'olbal Israel cha'an mi' yʌq'ueñoñob c majtan ti pulʌntib. Tsa cʌq'ue i ch'ʌm pejtelel jini ofrenda i cha'an bʌ israelob.