Levitico 4:7 - Chol: I T’an Dios

⁷ Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Chol de Tumbalá Bible

⁷ Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Jiñi Tsiji' bʌ Wen T'añ cha'añ Estudio

⁷ Jiñi motomaj mi caj i c'ʌn lamital jiñi ch'ich' cha'añ mi' bomben i xulub tac pulʌntib ba' mi' pulel pom ya' bʌ añ ya' ti Tabernáculo ba' mi la' tempan la' bʌ tic tojlel. I colojbal jiñi ch'ich' la' i bec' ya' ti' ye'bal jiñi pulʌntib ya' ti ti' jiñi Tabernáculo ba' mi la' tempan la' bʌ.

Levitico 4:7 Iomraidhean Croise

Salmos 118:27

Jiñʌch Dios lac Yum. Tsi' yʌc'ʌ i sʌclel pañimil ti lac pusic'al. Cʌchʌla jini tsʌnsʌbil bʌ i majtan ti ch'ajan wʌ' ti' xulub pulʌntib.

Exodo 29:12

Yom ma' ts'aj i yal a c'ʌb ya' ti' ch'i'ch'el jini wacax cha'an ma' bomben i xulub tac jini pulʌntib. I colojbal jini ch'i'ch' yom ma' bec' ya' ti yebal jini pulʌntib.

Levitico 1:5

Jini motomajob i yalobilob Aarón mi caj i tsʌnsañob jini alʌc'ʌl tic tojlel. Mi caj i ch'ʌmob jini ch'ich' cha'an mi' tsijcañob i joytʌlel i pulʌntib jini majtañʌl am bʌ ti' tojel i ti' jini Tabernáculo.

Levitico 16:18

yom mi' loq'uel majlel ya' ba'an jini pulʌntib tic tojel, cha'an mi' pulbeñon c majtan cha'an sʌc mij q'uel jini pulʌntib. Yom mi' ch'ʌm tilel i ch'ich'el jini alʌ tat wacax yic'ot i ch'ich'el jini chivo. Yom mi' bomben i xulub tac jini pulʌntib.

Levitico 4:18

Yom ja'el mi' ch'ʌm jini ch'ich' cha'an mi' bombembeñon i xulub jini pulʌntib am bʌ tic tojlel ti Tabernáculo. Jini i colobal jini ch'ich' la' i bec' ya' ti' yebal jini pulʌntib ya' ti' ti' jini Tabernáculo.

Levitico 4:25

Jini motomaj mi caj i ts'aj i c'ʌb ya' ti' ch'ich'el chivo. Mi caj i bomben i xulub jini pulʌntib ba' mi' pulel jini majtañʌl. La' i bec' i colobal i ch'ich'el ya' ti' yebal jini pulʌntib.

Levitico 4:30

Ti wi'il jini motomaj mi caj i ts'aj i c'ʌb ya' ti' ch'ich'el jini chivo, cha'an mi' bon tac ya' ti' xulub pulʌntib ba' mi' pulel majtañʌl. La' i bec' i colobal ya' ti' yebal jini pulʌntib.

Levitico 4:34

Jini motomaj mi caj i ts'aj i c'ʌb ya' ti' ch'ich'el jini majtañʌl cha'an mi' bomben i xulub tac jini pulʌntib ba' mi' pulel jini majtañʌl tac. La' i bec' i colojbal jini ch'ich' ya' ti yebal jini pulʌntib.

Levitico 5:9

Yom mi' ts'aj i c'ʌb ti' ch'ich'el cha'an mi' tsijcan ti' ñʌc' jini pulʌntib. Jini i colojbal la' i choc ti' yebal jini pulʌntib, come cha'añʌch i ñusʌntel mulil.

Levitico 6:30

Pero mach yomic mi' wis c'uxtʌl jini majtañʌl cha'an i tojol mulil. Mi' ch'ʌjmel ochel i ch'ich'el ili majtañʌl ti Tabernáculo ya' ti Ch'ujul bʌ Ajñibʌl. Yom mi' laj pulel ti c'ajc.

Levitico 8:15

Moisés tsi' tsʌnsa jini alʌ tat wacax. Tsi' ts'aja i yal i c'ʌb ti' ch'ich'el. Tsa' caji i bomben i xulub am bʌ ti' xujc tac jini pulʌntib cha'an mi' sʌq'uesan. Tsi' beq'ue i colobal jini ch'ich' ya' ti' yebal jini pulʌntib. Che' jini tsi' sʌq'uesa yic'ot majtañʌl cha'an i tojol mulil. Moisés tsi' laj ch'ʌmbe i lewil i soyta', yic'ot i lewil i yolmal, yic'ot am bʌ ti cha'p'ejlel i cuchi'tun. Tsi' yʌc'ʌ ti pulel pejtelel i lewil ya' ti pulʌntib.

Levitico 9:9

I yalobilob Aarón tsi' lotoyob jini ch'ich'. Aarón tsi' ts'aja i yal i c'ʌb ya' ti ch'ich' cha'an mi' bomben i xulub tac jini pulʌntib. I colobal jini ch'ich' tsi' laj beq'ue ya' ti' yebal jini pulʌntib.

Efesios 2:13

Pero wʌle añetla ti Cristo Jesús, jatetla ñajt bʌ añetla ti yambʌ ora. Tsa' pʌjyiyetla ti lʌc'ʌl cha'an ti' ch'ich'el Cristo.

Hebreos 9:15

Jini cha'an Cristo tsi' mele jini tsijib xuc'ul bʌ t'an cha'an mi' yʌq'uentelob jini pʌybilo' bʌ ti Dios jini bendición tsa' bʌ i wʌn ña'ta. An i p'ʌtʌlel Cristo cha'an mi' mel iliyi, come tsa' chʌmi cha'an mi' ñusʌbeñob i mul jini añob to bʌ ti wenta ñaxan bʌ trato.

Hebreos 9:21

Che' ja'el tsi' tsijca ti ch'ich' jini pisil bʌ otot yic'ot pejtelel i bʌl mu' bʌ i c'ʌjñel ti' ye'tel Dios.

Apocalipsis 6:9

Che' bʌ tsi' jamʌ i jo'p'ejlel sello, tsaj q'uele ti' yebal i pulʌntib i majtan Dios i ch'ujlel pejtelel winicob x'ixicob tsa' bʌ tsʌnsʌntiyob cha'an xuc'ulob ti' t'an Dios, tsi' yʌc'ʌyob ti cʌjñel Cristo.