Levitico 4:35 - Chol: I T’an Dios

³⁵ La' i loc'sʌben pejtel i lewil che' bajche' tsa' loc'sʌbenti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pulʌntib che' bajche' yambʌ pulbil bʌ c majtan. Che' jini mi caj i tsʌnsʌbeñon cha'an i ñusʌntel mulil. Mi caj c ñusʌben i mul jini winic.

Chol de Tumbalá Bible

³⁵ La' i loc'sʌben pejtel i lewil che' bajche' tsa' loc'sʌbenti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pulʌntib che' bajche' yambʌ pulbil bʌ c majtan. Che' jini mi caj i tsʌnsʌbeñon cha'an i ñusʌntel mulil. Mi caj c ñusʌben i mul jini winic.

Jiñi Tsiji' bʌ Wen T'añ cha'añ Estudio

³⁵ Mi caj i loc'sʌben pejtelel i lewil jiñi majtañʌl che' bajche' tsa' loc'sʌbenti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pulʌntib che' bajche' yan tac bʌ pulbil bʌ c majtañ. Che'ʌch mi caj i mel jiñi motomaj, cha'añ i ñusʌntel mulil, che' jiñi mi caj i ñusʌbentel i mul jiñi wiñic.”

Levitico 4:35 Iomraidhean Croise

Levitico 12:8

Mi ma'anic i cha'an juncojt tiñʌme', la' i pʌy tilel cha'cojt x'ujcuts mi cha'cojt xpuruwoc. Jini juncojt mi caj i yʌc' cha'an pulbil bʌ c majtan. Jini yambʌ mi' yʌc' cha'an i mul. Jini motomaj mi caj i yʌq'ueñon ili majtañʌl tac cha'an i ñusʌntel i mul. Che' jini mi' cha' sʌq'uesʌntel, che'en lac Yum.

Levitico 14:18

Jini i colojbal, la' i loch' ti mal i c'ʌb cha'an mi' bomben i jol jini winic. Che'ʌch yom mi' yʌq'ueñon majtañʌl jini motomaj cha'an i tojol i mul jini winic.

Levitico 14:53

Che' ujtemix, yom mi' colel jini cuxul to bʌ mut ya' ti' ti' jini tejclum. Che' jini, mi caj i ñusʌbentel i mul jini otot. Mi caj c cha' q'uel ti sʌc, che'en lac Yum.

Levitico 15:15

Jini motomaj mi caj i yʌc' juncojt cha'an i mul jini winic, yambʌ cha'an mic pulbentel c majtan. Jini motomaj mi caj i yʌq'ueñon cha'an mic ñusʌben i mul jini winic cha'an ti' caj tsi' choco i p'ʌtʌlel i bʌc'tal.

Levitico 19:22

Jini motomaj mi caj i yʌq'ueñon jini tsʌnsʌbil bʌ tat tiñʌme' cha'an mi' ñusʌbentel i mul jini winic. Jini majtañʌl cha'añʌch i q'uexol i mul. Muq'uix i taj i ñusʌntel i mul.

Levitico 4:20

Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Levitico 4:26

Pejtelel i lewil tac yom mi' pulel ya' ti jini pulʌntib che' bajche' mi' pulel i lewil yan tac bʌ majtañʌl mu' bʌ cʌq'uentel cha'an wocolix cʌlʌ. Che'ʌch mi caj i yʌc' majtañʌl jini motomaj cha'an i tojol i mul jini yumʌl. Mi caj i ñusʌbentel i mul.

Levitico 5:10

Jini yambʌ juncojt mi caj i pule' che' bajche' i tilel ti pejtelel ora. Che' jini, jini motomaj mi caj i yʌc' jini majtañʌl cha'an i mul jini winic. Mi caj c ñusʌben i mul.

Levitico 5:13

Che' jini, jini motomaj mi caj i yʌc' majtañʌl cha'an i tojol ti chajp ti chajp mulil. Mi caj i ñusʌbentel i mul jini winic. Jini i colobal i cha'añix jini motomaj che' bajche' c majtan trigo. Che' tsi' yʌc'ʌ mandar lac Yum.

Levitico 5:6

Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Levitico 6:7

Jini motomaj mi caj i yʌq'ueñon tsʌnsʌbil bʌ c majtan cha'an i tojol i mul jini winic. Che' jini mi caj i ñusʌbentel pejtelel i mul, che'en.

Levitico 9:7

Moisés tsi' sube Aarón: Lʌc'tesan a bʌ ya' ti' t'ejl jini pulʌntib cha'an ma' wʌq'uen i majtan lac Yum cha'an i tojol mulil. Jiñʌch pulbil bʌ majtañʌl ja'el. Ñaxan yom ma' wʌq'uen i majtan lac Yum cha'an a mul, ti wi'il cha'an i mul pejtelel winicob, come che'ʌch tsi' yʌc'ʌ mandar lac Yum, che'en.

Numeros 15:25

Jini motomaj mi caj i tsʌnsan jini majtañʌl cha'an i tojol i mul pejtelel israelob. Che' jini mi caj i ñusʌbentelob i mul, come an i sajtemal anquese ma'anic tsi' ña'tayob. Jini cha'an ti' pejtelelob yom mi' ch'ʌmob tilel pulbil bʌ c majtan yic'ot majtañʌl cha'an mi' ñusʌbentelob i mul.

Numeros 15:28

Jini motomaj mi caj i yʌq'ueñon c majtan cha'an i tojol mulil. Mi caj c ñusʌbeñob i mul jini winicob.

Romanos 10:4

Come ti Cristo tsa' ts'ʌctiyi i c'ʌjñibal mandar, come mi' yʌq'uentel toj bʌ i pusic'al majqui jach mi' ñop.

Romanos 4:25

Come Jesús tsa' ajq'ui ti chʌmel cha'an mi' toj lac mul. Tsa' tejchi cha'an mi laj q'uejlel ti toj.

Romanos 8:1

Jini cha'an ma'anix mi' yʌjq'uelob ti tojmulil jini año' bʌ ti Cristo Jesús.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

Colosenses 1:14

tsa' bʌ i yʌc'ʌyonla ti colel che' bʌ tsi' ñusʌbeyonla lac mul ti' ch'ich'el.

Hebreos 1:3

Mi' wen ac' ti tsictiyel i ñuclel i Tat. Mero Diosʌch ajñel. I tsictiyemlelʌch i Tat. Ti' p'ʌtʌlel i t'an mi' cʌntan pejtel chuqui tac an. Che' bʌ tsa' ujti i bajñel poc lac mul, tsa' buchle ti' ñoj jini C'ax Ñuc Bʌ am bʌ ti chan.

Hebreos 4:14

An c'ax ñuc bʌ la caj motomaj tsa' bʌ ochi ti panchan ti' tojlel Dios. Jiñʌch Jesús, i Yalobil Dios. Jini cha'an la' lac chʌn ac' ti lac pusic'al jini tsa' bʌ lac ñopo mu' bʌ lac sub.

Hebreos 7:26

Jesús jiñʌch c'ax ñuc bʌ la caj motomaj che' bajche' yom lac cha'an. Come ch'ujulʌch, ma'anic i jontolil, sʌc i pusic'al, mach xmulilic. Tsa'ix aq'uenti i ñuclel ti panchan.

Hebreos 9:14

Ñumen i c'ʌjñibal i ch'ich'el Cristo. Come mi' poc loq'uel ti lac pusic'al jini tsucul bʌ lac melbal cha'an mi lac melben i ye'tel jini cuxul bʌ Dios. Ti' p'ʌtʌlel jini Espíritu mach bʌ ajnic mi' jilel, Cristo tsi' yʌc'ʌ i bʌ che' bajche' ch'ujul bʌ i majtan Dios mach bʌ anic i mul.

1 Pedro 2:22

Ma'anic tsi' cha'le mulil, ma'anic tsi' cha'le lot.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.

1 Pedro 3:18

Come Cristo ja'el ti junyajlel tsi' yubi wocol cha'an mulil. Jini Toj bʌ tsi' yʌc'ʌ i bʌ ti chʌmel cha'an jini mach bʌ tojobic, cha'an mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtiyi ti jini espíritu.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

1 Juan 2:2

Jiñʌch tsa' bʌ i yubi i mich'ajel Dios ti' caj lac mul, mach jinic jach lac mul pero i mul ja'el pejtelel año' bʌ ti pañimil.