Levitico 4:3 - Chol: I T’an Dios

³ Mi an juntiquil motomaj mu' bʌ i cha'len mulil che' mach tsajalic i cha'an, mi' tajob i mul pejtel winicob ti' caj. La' i yʌq'ueñon juncojt alʌ wacax i tat bʌ mach bʌ wis anic i chʌmel mi i lojwel, cha'an mi' ñusʌntel mulil.

Chol de Tumbalá Bible

³ Mi an juntiquil motomaj mu' bʌ i cha'len mulil che' mach tsajalic i cha'an, mi' tajob i mul pejtel winicob ti' caj. La' i yʌq'ueñon juncojt alʌ wacax i tat bʌ mach bʌ wis anic i chʌmel mi i lojwel, cha'an mi' ñusʌntel mulil.

Jiñi Tsiji' bʌ Wen T'añ cha'añ Estudio

³ “Mi jiñi tsa' bʌ i cha'le mulil jiñʌch juntiquil motomaj mulbil bʌ ti olivo aceite, mi' tajob i mul ja'el pejtelel wiñicob ti' caj. Che' jiñi la' i yʌq'ueñon juncojt alʌ tat wacax mach bʌ wis añic i chʌmel mi i lojwel, cha'añ mic ñusʌben i mul.

Levitico 4:3 Iomraidhean Croise

2 Cronicas 29:21

Tsi' pʌyʌyob tilel wuccojt alʌ tat wacax, wuccojt i tat tiñʌme', wuccojt alʌ tiñʌme', yic'ot wuccojt tat chivo. Tsi' sube motomaj cha'an mi' tsʌnsañob cha'an i tojol i mul jini Judá, yic'ot cha'an i sʌq'uesʌntel jini Templo.

Esdras 8:35

Che' jini pejtelel jini tsa' bʌ sujtiyob tilel tsi' pulbeyob tsʌnsʌbil bʌ i majtan tac i Dios Israel. Tsi' yʌq'ueyob Dios lajchʌncojt alʌ tat wacax cha'an lajchʌnmojt israelob yic'ot wʌclujump'ejl i jo'c'al (96) i tat tiñʌme', yic'ot wuclujump'ejl i chʌnc'al (77) alʌ tiñʌme', yic'ot lajchʌncojt tat chivo cha'an i ñusʌntel mulil. Laj i majtan lac Yum.

Exodo 29:14

Pero i bʌc'tal jini alʌ tat wacax yic'ot i pʌchʌlel yic'ot i ta' yom ma' pul ti c'ajc ti' junwejlel jini tejclum. Jiñʌch majtañʌl cha'an mulil.

Exodo 29:21

Yom ma' c'ʌn lamital jini ch'ich' am bʌ ti pulʌntib yic'ot ts'ita' jini aceite mu' bʌ i c'ʌjñel ti Tabernáculo cha'an ma' tsijcañob Aarón yic'ot i yalobilob che' yic'ot i pislelob. Che' jini sʌq'uesʌbilobix mi' cʌytʌl jini Aarón yic'ot i yalobilob. Sʌq'uesʌbilix mi' cʌytʌl i pislel ja'el.

Exodo 29:7

Che' jini yom ma' ch'ʌm jini aceite mu' bʌ i c'ʌjñel tac ya' ti Tabernáculo. Mulben i jol. Boño jini motomaj.

Exodo 30:10

Jini Aarón, cojach junyajl yom ti jump'ejl jab mi' yʌc' majtañʌl cha'an mulil ya' ti' xulub jini pulʌntib. Yom mi' c'ʌmben i ch'ich'el jini majtañʌl cha'an bʌ mulil. Che' jini mi caj i yʌc' i tojol mulil ti jujump'ejl jab c'ʌlʌl ti pejtelel ora. C'ax ch'ujul tic tojlel. Che' tsi' yʌlʌ lac Yum.

Ezequiel 40:39

Ya' ba' mi la cochel ti puerta ya'an cha'p'ejl mesa ti junwejl, yambʌ cha'p'ejl ti yambʌ junwejl. Jiñʌch mu' bʌ i c'ʌjñel che' mi' tsʌnsʌntel jini alʌc'ʌl tac mu' bʌ i pulel cha'an i ñusʌntel mulil.

Ezequiel 43:19

Jini motomajob i pi'ʌlo' bʌ Sadoc, jini c winicob yom mi' yʌq'uentelob juncojt alʌ tat wacax cha'an mi' tsʌnsʌntel cha'an i tojol mulil.

Ezequiel 44:27

Ti jini q'uin che' mi' yochel ti Ch'ujul bʌ Ajñibʌl ya' ti patio am bʌ ti mal cha'an mi' mel jini e'tel, wersa yom mi' tsʌnsan jini majtañʌl cha'an mulil, che'en lac Yum Dios.

Levitico 1:10

Mi tiñʌme', mi chivo jini ofrenda mu' bʌ i yʌq'ueñoñob, che' jini yom i tat bʌ mach bʌ wis anic i chʌmel.

Levitico 16:11

Aarón mi caj i yʌc' ti tsʌnsʌntel jini alʌ tat wacax cha'an i bajñel mul yic'ot i mul jini año' bʌ ti' yotot. Mi caj i yʌc' cha'an i q'uexol i mul.

Levitico 16:3

Che' mi' yochel Aarón, yom mi' pʌy tilel juncojt alʌ tat wacax cha'an i ñusʌntel mulil, yic'ot juncojt i tat tiñʌme' cha'an mic pulbentel.

Levitico 16:5

Jini israelob la' i ch'ʌmbeñob tilel cha'cojt i tat chivo cha'an i ñusʌntel mulil, yic'ot juncojt i tat tiñʌme' cha'an mic pulbentel.

Levitico 16:6

Ñaxan Aarón mi caj i yʌq'ueñon jini alʌ tat wacax cha'an bʌ mic ñusʌben i mul yic'ot i mul jini año' bʌ ti' yotot.

Levitico 4:14

Che' bʌ tsa'ix i ña'tayob i mul, yom mi' yʌc'ob jujuncojt alʌ tat wacax cha'an i ñʌsʌntel mulil. La' i pʌyob tilel ya' ti' ti' jini Tabernáculo.

Levitico 4:23

mi tsi' ña'ta an i mul, la' tilic ti ora cha'an mi' yʌq'ueñon juncojt i tat chivo mach bʌ wis anic i c'amʌjel mi i lojwemal.

Levitico 4:28

Ti wi'il che' mi' ña'tan an i mul la' i pʌy tilel juncojt i ña'al bʌ chivo, mach bʌ wis anic i c'amʌjel mi i lojwemal cha'an i tojol i mul tsa' bʌ i mele.

Levitico 4:5

Jini motomaj mi caj i ch'ʌm tilel i ch'ich'el ya' ti' mal Tabernáculo. La' i ts'aj i yal i c'ʌb ya' ti' ch'ich'el cha'an mi' tsijcan wucyajl tic tojlel ya' ti' tojel jini joc'ol bʌ pisil mu' bʌ i mʌctan jini Ch'ujul bʌ Ajñibʌl.

Levitico 5:6

Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Levitico 6:18

Pejtelel winic bʌ i p'olbal Aarón mi mejlel i c'uxob c'ʌlʌl ti pejtelel ora jini loq'uem tac bʌ tic majtan. Cojach jini motomajob mi mejlel i c'uxob jini majtañʌl. Ch'ujul mi' yajñel majqui jach mi' tʌl jini majtañʌl tac, che'en lac Yum.

Levitico 8:12

Moisés tsi' mulbe aceite ti' jol Aarón cha'an mi' wa'chocon ti' ye'tel.

Levitico 9:2

Moisés tsi' sube Aarón: Yajcan tilel juncojt alʌ tat wacax cha'an i tojol mulil. Yom juncojt tat tiñʌme' cha'an pulbil bʌ i majtan lac Yum. Mach yomic jini am bʌ i c'amʌjel mi i lojwemal.

Levitico 9:3

Subeñob israelob: “Pʌyʌla tilel juncojt i tat chivo cha'an i tojol la' mul. Pʌyʌla tilel ja'el juncojt tat wacax yic'ot juncojt tat tiñʌme' am bʌ jump'ejl i jabilel ti cha'cojtlel. Mach yomic jini am bʌ i lojwemal. Jiñʌch cha'an pulbil bʌ i majtan lac Yum.

Numeros 16:22

Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Numeros 8:8

Che' ujtemix jini, la' i pʌyob tilel juncojt alʌ tat wacax, yic'ot majtañʌl bʌ harina wen chʌmen juch'bil bʌ yic'ot aceite. Muq'uix a pʌy tilel yambʌ alʌ tat wacax cha'an ma' tsʌnsan cha'an mulil.

Romanos 8:3

Jini mandar ma'anic tsa' mejli i coltañonla, come c'uñonla cha'an lac tsucul pusic'al, pero tsa' mejli i coltañonla Dios che' bʌ tsi' choco tilel i Yalobil cha'an mi' toj lac mul. I Yalobil Dios tsi' ch'ʌmʌ i bʌc'tal lajal bajche' lac cha'an am bʌ i pʌyol ti mulil. Tsi' yʌc'ʌ i bʌ ti chʌmel cha'an mi' toj lac mul, cha'an mi' jilel i p'ʌtʌlel mulil am bʌ ti lac bʌc'tal.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

Hebreos 5:3

Jini cha'an wersa yom mi' yʌq'uen i majtan Dios cha'an i bajñel mul, che' bajche' mi' yʌq'uen i majtan cha'an i mul yaño' bʌ.

Hebreos 9:12

Tsa' junyajlel ochi Cristo ya' ti Ch'ujul bʌ Ajñibʌl. Mach i ch'ich'elic alʌ chivo mi alʌ tat wacax, pero yic'ot i bajñel ch'ich'el tsa' ochi ti jini Ch'ujul bʌ Ajñibʌl ti chan, come tsi' mʌñʌyonla cha'an mi la cajñel yic'ot ti pejtelel ora.