Levitico 4:24 - Chol: I T’an Dios

²⁴ Yom mi' c'ʌcchocon i c'ʌb ti' jol jini chivo. Yom mi' tsʌnsan ya' baqui mi' tsʌnsʌntel jini pulbil tac bʌ majtañʌl. Che' jini yom mi' yʌq'ueñon. Jiñʌch majtañʌl cha'an i mul.

Chol de Tumbalá Bible

²⁴ Yom mi' c'ʌcchocon i c'ʌb ti' jol jini chivo. Yom mi' tsʌnsan ya' baqui mi' tsʌnsʌntel jini pulbil tac bʌ majtañʌl. Che' jini yom mi' yʌq'ueñon. Jiñʌch majtañʌl cha'an i mul.

Jiñi Tsiji' bʌ Wen T'añ cha'añ Estudio

²⁴ Mi caj i c'ʌcchocon i c'ʌb ti' jol jiñi chivo, che' jiñi mi caj i tsʌnsan ya' baqui mi' tsʌnsʌntel jiñi pulbil tac bʌ majtañʌl ya' tic tojel. Jiñʌch majtañʌl cha'añ i ñusʌntel mulil.

Levitico 4:24 Iomraidhean Croise

2 Reyob 12:16

Pero jini taq'uin tsa' bʌ i yʌc'ʌyob winicob cha'an majtañʌl cha'an mi' ñusʌbentelob i mul ma'anic tsa' otsʌnti ya' ti cajón cha'an i melol Templo. Tsa' aq'uenti ti' wenta jini motomajob cha'an mi' c'ʌñob.

2 Cronicas 29:23

Tsi' pʌyʌyob tilel i tat chivo ba'an jini rey yic'ot ba'an jini ñuco' bʌ i ye'tel cha'an i ñusʌntel mulil. Tsi' c'ʌcchoco i c'ʌb ti' jol jini chivo tac.

Exodo 29:38

Jiñʌch chuqui yom ma' wʌc' ti pulʌntib: Ti jujump'ejl q'uin yom cha'cojt tat tiñʌme' am bʌ jump'ejl i jabilel.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Levitico 1:11

Jini mu' bʌ i pʌy tilel mi caj i tsʌnsan tic tojlel ya' ti' t'ejl i pulʌntib ti' tojel norte. Jini motomajob i yalobilob Aarón mi caj i ch'ʌmbeñob i ch'ich'el cha'an mi' tsijcañob i joytʌlel jini pulʌntib.

Levitico 1:4

Jini woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jini majtañʌl. Che' jini joñon mi caj c ch'ʌm jini alʌc'ʌl cha'an ti' wenta jini winic. Che' mi' chʌmel jini alʌc'ʌl, ma'anic mi caj i chʌmel jini winic cha'an i mul.

Levitico 1:5

Jini motomajob i yalobilob Aarón mi caj i tsʌnsañob jini alʌc'ʌl tic tojlel. Mi caj i ch'ʌmob jini ch'ich' cha'an mi' tsijcañob i joytʌlel i pulʌntib jini majtañʌl am bʌ ti' tojel i ti' jini Tabernáculo.

Levitico 14:13

Yom mi' tsʌnsan jini tiñʌme' baqui mi' tsʌnsʌntel jini alʌc'ʌl tac cha'an i tojol mulil yic'ot c majtan mu' bʌ c pulbentel ya' ti' ti' Tabernáculo. Yom mi' yʌq'uentel jini motomaj cha'an mi' c'ux che' bajche' jini majtañʌl cha'an i tojol mulil. Wen ch'ujulʌch jini majtañʌl.

Levitico 16:15

Ti wi'il mi caj i tsʌnsan jini chivo cha'an i mulob pejtelel winicob. Jini i ch'ich'el yom mi' ch'ʌm majlel ya' ti junwejlel tsalʌl bʌ pisil, cha'an mi' tsijcan ya' ti' pam yic'ot ti' tojel jini ajñibʌl ba' mi' ñusʌntel mulil che' bajche' tsi' mele yic'ot i ch'ich'el wacax.

Levitico 3:2

La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

Levitico 6:18

Pejtelel winic bʌ i p'olbal Aarón mi mejlel i c'uxob c'ʌlʌl ti pejtelel ora jini loq'uem tac bʌ tic majtan. Cojach jini motomajob mi mejlel i c'uxob jini majtañʌl. Ch'ujul mi' yajñel majqui jach mi' tʌl jini majtañʌl tac, che'en lac Yum.

Levitico 6:22

Jini motomaj mi caj i yʌq'ueñon ili majtañʌl che' mi' wa'chocontel ti' ye'tel i yalobil Aarón. Che'ʌch yom ti pejtelel ora ti' tojlel jini motomajob che' bajche' ts'ijbubil. Wersa yom mic pulbentel pejtelel ili majtañʌl. Mach yomic mi' c'uxtʌl, che'en lac Yum.