Levitico 4:20 - Chol: I T’an Dios

²⁰ Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Chol de Tumbalá Bible

²⁰ Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Jiñi Tsiji' bʌ Wen T'añ cha'añ Estudio

²⁰ che'ʌch mi caj i mel ja'el yic'ot jiñi alʌ tat wacax che' bajche' tsi' mele yic'ot jiñi majtañʌl cha'añ i ñusʌntel mulil. Che'ʌch mi caj i mel jiñi motomaj cha'añ mi' ñusʌbentelob i mul ti' pejtelelob.

Levitico 4:20 Iomraidhean Croise

Exodo 32:30

Che' ti yijc'ʌlal Moisés tsi' subeyob jini winicob x'ixicob: Tsa'ix la' cha'le ñuc bʌ mulil. Mi caj c cha' letsel majlel ba'an lac Yum Dios. Ya' tsiquil mi tsa' mejli j c'ajtin i ñusʌbentel la' mul, che'en.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Levitico 1:4

Jini woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jini majtañʌl. Che' jini joñon mi caj c ch'ʌm jini alʌc'ʌl cha'an ti' wenta jini winic. Che' mi' chʌmel jini alʌc'ʌl, ma'anic mi caj i chʌmel jini winic cha'an i mul.

Levitico 12:8

Mi ma'anic i cha'an juncojt tiñʌme', la' i pʌy tilel cha'cojt x'ujcuts mi cha'cojt xpuruwoc. Jini juncojt mi caj i yʌc' cha'an pulbil bʌ c majtan. Jini yambʌ mi' yʌc' cha'an i mul. Jini motomaj mi caj i yʌq'ueñon ili majtañʌl tac cha'an i ñusʌntel i mul. Che' jini mi' cha' sʌq'uesʌntel, che'en lac Yum.

Levitico 14:18

Jini i colojbal, la' i loch' ti mal i c'ʌb cha'an mi' bomben i jol jini winic. Che'ʌch yom mi' yʌq'ueñon majtañʌl jini motomaj cha'an i tojol i mul jini winic.

Levitico 15:15

Jini motomaj mi caj i yʌc' juncojt cha'an i mul jini winic, yambʌ cha'an mic pulbentel c majtan. Jini motomaj mi caj i yʌq'ueñon cha'an mic ñusʌben i mul jini winic cha'an ti' caj tsi' choco i p'ʌtʌlel i bʌc'tal.

Levitico 19:22

Jini motomaj mi caj i yʌq'ueñon jini tsʌnsʌbil bʌ tat tiñʌme' cha'an mi' ñusʌbentel i mul jini winic. Jini majtañʌl cha'añʌch i q'uexol i mul. Muq'uix i taj i ñusʌntel i mul.

Levitico 4:21

Jini motomaj mi caj i ch'ʌm majlel jini wacax ya' ti' pat i tejclum cha'an mi' pule' che' bajche' tsi' pulu cha'an i mul juntiquil. Che'ʌch ja'el mi caj i mel cha'an i mul pejtelel israelob.

Levitico 4:26

Pejtelel i lewil tac yom mi' pulel ya' ti jini pulʌntib che' bajche' mi' pulel i lewil yan tac bʌ majtañʌl mu' bʌ cʌq'uentel cha'an wocolix cʌlʌ. Che'ʌch mi caj i yʌc' majtañʌl jini motomaj cha'an i tojol i mul jini yumʌl. Mi caj i ñusʌbentel i mul.

Levitico 4:35

La' i loc'sʌben pejtel i lewil che' bajche' tsa' loc'sʌbenti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pulʌntib che' bajche' yambʌ pulbil bʌ c majtan. Che' jini mi caj i tsʌnsʌbeñon cha'an i ñusʌntel mulil. Mi caj c ñusʌben i mul jini winic.

Levitico 4:8

Che' jini yom mi' yʌq'ueñon pejtelel i lewil pʌc'ʌl bʌ ya' ti' soyta' yic'ot jini cha'p'ejlel i cuchi' tun yic'ot i lewil yic'ot i yolmal. Mi caj i pule' ya' ti pam jini pulʌntib che' bajche' mi' pul jini wacax cha'an mi' taj i tijicñʌyel i pusic'al.

Levitico 5:10

Jini yambʌ juncojt mi caj i pule' che' bajche' i tilel ti pejtelel ora. Che' jini, jini motomaj mi caj i yʌc' jini majtañʌl cha'an i mul jini winic. Mi caj c ñusʌben i mul.

Levitico 5:13

Che' jini, jini motomaj mi caj i yʌc' majtañʌl cha'an i tojol ti chajp ti chajp mulil. Mi caj i ñusʌbentel i mul jini winic. Jini i colobal i cha'añix jini motomaj che' bajche' c majtan trigo. Che' tsi' yʌc'ʌ mandar lac Yum.

Levitico 5:16

Che' jini mi caj i ñusʌntel i mul cha'an tsi' yʌsi jini ch'ujul tac bʌ. Mi tsi' cʌyʌ i yʌc' i diezmo, mi caj i toj jini an to bʌ yom yic'ot i ñumel, cha'p'ejl i diezmojlel. Mi caj i yʌq'uen motomaj. An ti' wenta jini motomaj cha'an mi' yʌc' ti ñusʌntel jini mulil. Mi caj i yʌq'ueñon jini tat tiñʌme' cha'an mulil. Che' jini, mi' taj c ñusʌben i mul.

Levitico 5:6

Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Levitico 6:7

Jini motomaj mi caj i yʌq'ueñon tsʌnsʌbil bʌ c majtan cha'an i tojol i mul jini winic. Che' jini mi caj i ñusʌbentel pejtelel i mul, che'en.

Numeros 15:25

Jini motomaj mi caj i tsʌnsan jini majtañʌl cha'an i tojol i mul pejtelel israelob. Che' jini mi caj i ñusʌbentelob i mul, come an i sajtemal anquese ma'anic tsi' ña'tayob. Jini cha'an ti' pejtelelob yom mi' ch'ʌmob tilel pulbil bʌ c majtan yic'ot majtañʌl cha'an mi' ñusʌbentelob i mul.

Numeros 15:28

Jini motomaj mi caj i yʌq'ueñon c majtan cha'an i tojol mulil. Mi caj c ñusʌbeñob i mul jini winicob.

Romanos 5:11

Mach cojic jach jini, pero tijicñayonla ti Dios cha'an lac Yum Jesucristo, come tsi' yuts'esa lac pusic'al yic'ot Dios.

Gálatas 3:13

Pero ya' ti cruz Cristo tsi' mʌñʌyonla loq'uel ti' p'ʌtʌlel jini mandar mu' bʌ i yʌc'onla ti chojquel, come tsa' chojqui ti Dios cha'añonla, come ts'ijbubil: “Chocbil ti Dios majqui jach mi' joc'chocontel ti te'”.

Hebreos 1:3

Mi' wen ac' ti tsictiyel i ñuclel i Tat. Mero Diosʌch ajñel. I tsictiyemlelʌch i Tat. Ti' p'ʌtʌlel i t'an mi' cʌntan pejtel chuqui tac an. Che' bʌ tsa' ujti i bajñel poc lac mul, tsa' buchle ti' ñoj jini C'ax Ñuc Bʌ am bʌ ti chan.

Hebreos 2:17

Jini cha'an wersa tsi' ch'ʌmʌ i bʌc'tal Jesús lajal bajche' i bʌc'tal i yermanojob cha'an mi' yochel ti c'ax ñuc bʌ motomaj yujil bʌ p'untaya. Xuc'ul i pusic'al ti' ye'tel Dios cha'an mi' tojbeñob i mul pejtelel winicob x'ixicob.

Hebreos 9:14

Ñumen i c'ʌjñibal i ch'ich'el Cristo. Come mi' poc loq'uel ti lac pusic'al jini tsucul bʌ lac melbal cha'an mi lac melben i ye'tel jini cuxul bʌ Dios. Ti' p'ʌtʌlel jini Espíritu mach bʌ ajnic mi' jilel, Cristo tsi' yʌc'ʌ i bʌ che' bajche' ch'ujul bʌ i majtan Dios mach bʌ anic i mul.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

1 Juan 2:2

Jiñʌch tsa' bʌ i yubi i mich'ajel Dios ti' caj lac mul, mach jinic jach lac mul pero i mul ja'el pejtelel año' bʌ ti pañimil.

Apocalipsis 1:5

yic'ot ja'el Jesucristo, jini xuc'ul bʌ Testigo mu' bʌ i yʌc' ti cʌjñel i sujmlel. Jiñʌch tsa' bʌ ñaxan tejchi loq'uel ba'an chʌmeño' bʌ. I yumʌch jini reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.