Levitico 3:9 - Chol: I T’an Dios

^9-11 Ya' ti' pulʌntib c majtan yom mic pulbentel pejtelel i lewil yic'ot i ñej c'ʌlʌl ti' junts'ijtlel i bʌquel i pat tsuyul bʌ ti' ñej, yic'ot i lewil i soyta', yic'ot ja'el i lewil am bʌ ti cha'p'ejl i cuchi'tun.

Chol de Tumbalá Bible

^9-11 Ya' ti' pulʌntib c majtan yom mic pulbentel pejtelel i lewil yic'ot i ñej c'ʌlʌl ti' junts'ijtlel i bʌquel i pat tsuyul bʌ ti' ñej, yic'ot i lewil i soyta', yic'ot ja'el i lewil am bʌ ti cha'p'ejl i cuchi'tun.

Jiñi Tsiji' bʌ Wen T'añ cha'añ Estudio

⁹ “Jiñi majtañʌl cha'añ i ñʌch'tʌlel la' pusic'al, mi caj la' pʌs che' bajche' pulbil bʌ c majtañ pejtelel i lewil yic'ot i ñej c'ʌlʌl ti' junts'ijtlel i bʌquel i pat, yic'ot i lewil i soyta', yic'ot ja'el i lewil am bʌ ti' malil.

Levitico 3:9 Iomraidhean Croise

2 Samuel 6:17

Che' jini tsi' yotsayob jini Arca i cha'an lac Yum ya' ti' yojlil i mal Tabernáculo. David tsi' wa'choco. Tsi' pulbe tsʌnsʌbil bʌ i majtan lac Yum.

1 Reyob 3:15

Che' bʌ tsa' cajni i wut Salomón, tsi' ña'ta chuqui tsi' ñajle. Tsa' sujti ti Jerusalén. Tsa' c'oti ya' ti tojel jini Arca ba' lotol jini xuc'ul bʌ t'an i cha'an lac Yum. Tsi' yʌq'ue lac Yum pulbil bʌ i majtan yic'ot jini majtañʌl cha'an i ñʌch'tʌlel i pusic'al. Che' ja'el tsi' mele ñuc bʌ q'uin. Tsi' pʌyʌ pejtelel año' bʌ i ye'tel.

1 Reyob 8:64

Ti jini jach bʌ q'uin jini rey tsi' yʌq'ue lac Yum jini patio am bʌ ti' tojel i yotot lac Yum cha'an ya' mi' pulbentel i majtan, come ch'o'ch'oc jax jini pulʌntib melbil bʌ ti bronce am bʌ ti' tojel lac Yum. Mach ochic ti pejtelel. Tsi' yʌq'ue lac Yum ja'el jini majtañʌl melbil bʌ ti trigo, yic'ot cha'an i ñʌch'tilel i pusic'al. Wen on jini majtañʌl.

1 Cronicas 16:1

Tsi' ch'ʌmʌyob tilel jini Arca i cha'an bʌ lac Yum. Tsi' yotsayob ti Tabernáculo chajpʌbil bʌ i cha'an David. Ya'i tsi' pulbeyob tsʌnsʌbil bʌ i majtan tac Dios. Tsi' yʌq'ueyob ja'el majtañʌl tac cha'an i tijicñʌyel i pusic'al.

Exodo 29:22

Yom ma' ch'ʌm ja'el i cebujlel jini tat tiñʌme' yic'ot i lewil i ñej, yic'ot i cebujlel ñotol tac bʌ ti' soyta', yic'ot am bʌ ti' yolmal, yic'ot ti' cha'wejlel i pat, yic'ot pejtelel am bʌ ti' pam i bʌc'tal, yic'ot am bʌ ti' ñoj bʌ i ya', come jiñʌch tat tiñʌme' cha'an sʌq'uesaya.

Proverbios 23:26

Calobil, ch'ujbibeñon c t'an. Yom yʌxʌl a wo cha'an ma' q'uel bajche' mic mel.

Isaias 53:10

Anquese tsa' tic'lʌnti ti' c'ʌb winicob, che'ʌch yom i pusic'al lac Yum. Lac Yum tsi' yʌq'ue i yubin ch'ijiyem bʌ. Che' bʌ tsa'ix i yʌc'ʌ i bʌ ti chʌmel i wenta tsʌnsʌbil bʌ i majtan Dios cha'an mi' toj mulil, mi caj i q'uel i p'olbal. Cuxul mi caj i yajñel ti pejtelel ora. Ti' caj i ye'tel mi caj i yujtel ti uts'at chuqui yom lac Yum.

Levitico 17:5

Che' jini tic'bilob jini israelob cha'an mach mi' tsʌnsʌbeñon c majtan ya' ti cholel. Yom mi' ch'ʌmbeñob tilel jini motomaj wʌ' ti' ti' jini Tabernáculo. Mi caj i pulbeñon i lewil cha'an tijicña mi cubin.

Levitico 7:3

Jini motomaj mi caj i yʌc' ya' ti pulʌntib pejtelel i lewil yic'ot i ñej, yic'ot i lewil tac i soyta',

Levitico 8:25

Ti wi'il tsi' ch'ʌmbe pejtel i lewil, yic'ot am bʌ ti' ñej, yic'ot am bʌ ti' soyta', yic'ot i yolmal, yic'ot i cuchi' tun, yic'ot i lewil i bʌc'tal i pat.

Levitico 9:19

Tsi' much'quibe i lewil tac jini wacax yic'ot jini tiñʌme', yic'ot i ñej, i lewil am bʌ ti' soyta', i lewil i cuchi'tun yic'ot i lewil i yolmal.

Numeros 7:88

Jini majtañʌl (cha'an mi' yʌq'uentel wocolix i yʌlʌ Dios) jiñʌch chʌncojt i cha'c'al alʌ tat wacax yic'ot uxc'al tat tiñʌme', yic'ot uxc'al tat chivo, yic'ot uxc'al alʌ tat tiñʌme' an tac bʌ jujump'ejl i jabilel. Pejtelel iliyi jiñʌch majtañʌl tac tsa' bʌ aq'uenti Dios che' bʌ tsi' yʌq'ueyob jini pulʌntib.

1 Samuel 10:8

Yom ma' ñaxan majlel ti Gilgal. Wi'il mic jubel majlel ja'el. Ya' mic tilel c tajet cha'an mic pul majtañʌl. Mi caj cʌc' majtañʌl cha'an i ñʌch'tʌlel lac pusic'al. Yom ma' pijtañon wucp'ejl q'uin jinto mij c'otel ba' añet cha'an mic pʌsbeñet pejtelel chuqui yom ma' mel. Che' tsi' yʌlʌ Samuel.