Levitico 3:2 - Chol: I T’an Dios

² La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

Chol de Tumbalá Bible

² La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

Jiñi Tsiji' bʌ Wen T'añ cha'añ Estudio

² La' i c'ʌcchocon i c'ʌb ti' jol jiñi alʌc'ʌl, la' i tsʌnsan ya' ti ti' jiñi Tabernáculo ba' mi la' tempan la' bʌ, ti wi'il jiñi motomajob, i yalobilob Aarón mi caj i tsijcañob ti' ch'ich'el jiñi alʌc'ʌl ti' joytʌlel jiñi pulʌntib.”

Levitico 3:2 Iomraidhean Croise

Exodo 29:10

Che' jini yom ma' pʌy majlel jini alʌ tat wacax ba'an jini Tabernáculo ba' mi' tempañob i bʌ. La' i yʌc'ob i c'ʌb jini Aarón yic'ot i yalobilob ya' ti' jol jini alʌ tat wacax ya' tic tojlel ba'an jini Tabernáculo.

Exodo 29:11

Yom ma' tsʌnsan jini wacax tic tojlel ya' ti' ti' jini Tabernáculo.

Exodo 29:15

Che' jini yom ma' pʌy tilel juncojt tat tiñʌme'. La' i yʌc'ob i c'ʌb ya' ti' jol tat tiñʌme' jini Aarón yic'ot i yalobilob.

Exodo 29:16

Tsʌnsan jini tat tiñʌme'. Tsijcan i joytʌlel jini pulʌntib ti' ch'ich'el.

Exodo 29:19

Che' jini yom ma' ch'ʌm jini yambʌ tat tiñʌme'. La' i c'ʌcchocoñob i c'ʌb jini Aarón yic'ot i yalobilob ya' ti' jol jini tat tiñʌme'.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Levitico 1:11

Jini mu' bʌ i pʌy tilel mi caj i tsʌnsan tic tojlel ya' ti' t'ejl i pulʌntib ti' tojel norte. Jini motomajob i yalobilob Aarón mi caj i ch'ʌmbeñob i ch'ich'el cha'an mi' tsijcañob i joytʌlel jini pulʌntib.

Levitico 17:3

Majqui jach mi' tsʌnsan juncojt tat wacax, mi tat tiñʌme', mi ña' chivo, ti' ti' jini tejclum ba' chumuletla, mi ma'anic tsi' pʌyʌ tilel ti' ti' jini Tabernáculo cha'an mi' tsʌnsan, an i mul jini winic cha'an tsi' cha'le tsʌnsa. Wersa mi caj i chojquel loq'uel ti tejclum.

Levitico 3:3

Ya' tic tojlel mi caj i pulbeñoñob i lewil ya' bʌ ñotol ti' soyta', yic'ot jini cha'p'ejl i chujyib i pich, yic'ot i lewil, yic'ot i chañelal i yolmal. Mic wen mulan.

Levitico 8:22

Ti wi'il Moisés tsi' c'ajti tilel jini yambʌ tat tiñʌme' cha'an mi' wa'chocon jini motomajob ti' ye'tel. Aarón yic'ot i yalobilob tsi' c'ʌcchocoyob i c'ʌb ya' ti' jol jini tat tiñʌme'.

Zacarias 12:10

Che' jini mi caj cʌq'ueñob quEspíritu jini año' bʌ ti Jerusalén cha'an mi' cʌñob i yutslel c pusic'al yic'ot cha'an mi' c'ajtibeñoñob i coltʌntel. Mi caj i q'uelob jini jec'bil bʌ i cha'añob. Mi caj i yuc'tañob che' bajche' winicob mi' yuc'tañob jini yʌx alʌl c'uxbibil bʌ i cha'añob, che' bajche' mi' yuc'tañob jini ascuñʌl bʌ i yalobil.

Numeros 18:17

Pero jini ñaxan tac bʌ i yal wacax, yic'ot tiñʌme', yic'ot chivo, mach yomic ma' ch'ʌmben i tojol, come ch'ujul. Wersa mi' yʌq'ueñoñob. Mi caj a c'ʌn i ch'ich'el cha'an ma' tsijcan jini pulʌntib. Pejtelel i lewil mi caj a pule' cha'an c majtan. Jiñʌch xojocña bʌ i yujts'il tic tojlel.

Hechos 3:15

Tsa' la' tsʌnsa jini mu' bʌ i yʌq'ueñonla laj cuxtʌlel. Testigojon lojon, Dios tsi' teche loq'uel ba'an chʌmeño' bʌ.

Hechos 3:26

Dios tsi' teche ch'ojyel i Yalobil. Tsi' ñaxan choco tilel ba' añetla cha'an mi' yʌq'ueñetla la' wenlel cha'an mi' ñijcañetla la' cʌy la' mul ti jujuntiquiletla. Che' tsi' yʌlʌ Pedro.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.