Levitico 3:17 - Chol: I T’an Dios

¹⁷ Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Chol de Tumbalá Bible

¹⁷ Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Jiñi Tsiji' bʌ Wen T'añ cha'añ Estudio

¹⁷ “Jiñʌch xuc'ul bʌ mandar cha'añ la' p'olbal, baqui jach mi la' majlel ti chumtʌl: mach mejlic la' wis c'uxben pejtelel i lewil yic'ot i ch'ich'el alʌc'ʌl.”

Levitico 3:17 Iomraidhean Croise

Genesis 9:4

Pero mach la' c'ux yic'ot i ch'ich'el come tic'bil. Jiñʌch i cuxtilel.

2 Cronicas 29:35

Wen cabʌl tsa' tempʌyi majtañʌl tac yic'ot japbil tac bʌ majtañʌl yic'ot jini majtañʌl cha'an i ñʌch'tʌlelob i pusic'al.

Nehemias 8:10

Esdras tsi' subeyob: Sujtenixla ti la' wotot. C'uxula sumuc bʌ we'elʌl. Japʌla tsaj bʌ i ya'lel ts'usub. Chocbeñob majlel we'elʌl jini mach bʌ chajpʌbilobic, come ch'ujul mi' q'uel ili q'uin lac Yum. Mach mi la' mel la' pusic'al, come jiñʌch la' p'ʌtʌlel che' tijicñayetla ti lac Yum, che'en.

Exodo 27:21

Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Exodo 28:43

Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Ezequiel 33:25

Jini cha'an yom ma' subeñob: “Lac Yum Dios woli' yʌl: Mach mejliquetla come cabʌl la' mul. Mi la' c'ux we'elʌl yic'ot i ch'ich'el. Mi la' ch'ujutesan dioste' tac. Mi la' cha'len tsʌnsa. Ma'anic mi caj j coltañetla.

Ezequiel 44:15

Pero jini motomajob yic'ot levíjob i yalobilo' bʌ Sadoc tsi' chʌn meleyob i motomajil ti Templo che' baqui ora jini israelob tsi' tʌts'ʌyob i bʌ tic tojlel cha'an mi' ch'ujutesañob dioste' tac. Jiñobʌch mu' bʌ caj i melbeñoñob que'tel cha'an mi' yʌc'ob i lewil yic'ot i ch'ich'el majtañʌl, che'en lac Yum Dios.

Ezequiel 44:7

Mach yomix mi la' chʌn pʌy tilel yambʌ winicob mach bʌ tsepbilobic i pʌchʌlel yic'ot jini jontolo' bʌ i pusic'al ya' ti Ch'ujul bʌ Ajñibʌl c cha'an, come jiñob mi' bib'esañob, che' mi' yʌc'ob jini c waj, yic'ot i lewil yic'ot i ch'ich'el jini majtañʌl. Tsa'ix la' ñusʌbeyon c t'an.

Levitico 10:15

Mi caj i ch'ʌmob tilel jini i ya' yic'ot i tajn tsa' bʌ aq'uenti lac Yum che' bʌ tsa' puli i lewil. Che' bʌ tsa'ix i jʌmts'uyob ti' tojlel lac Yum mi caj la' ch'ʌm yic'ot la' pi'ʌlob, come che'ʌch tsi' yʌc'ʌ mandar lac Yum, che'en Moisés.

Levitico 16:29

Che'ʌch yom mi la' mel ti jujump'ejl jab che' ti 25 de septiembre. Yom chʌn c'ajal la' cha'an ti pejtelel ora. Yom mi' la' tsajin la' bʌ. Yom mi' la' peq'uesan la' bʌ. Mach yomic mi la' cha'len e'tel jatetla, mi jinic woli bʌ ti jula' ti la' lumal. Come ti ili q'uin cha' añʌch i ña'tʌntel la' mul cha'an mi la' wʌc' ti yajpel che' mi la' sʌq'uesʌntel ti pejtelel la' mul tic tojlel.

Levitico 16:34

Pejtelel iliyi yom chʌn c'ajal la' cha'an ti pejtelel ora cha'an junyajl jach ti jujump'ejl jab mi' yʌpbentelob i mul israelob. Che' tsi' yʌlʌ lac Yum. Jini cha'an che'ʌch tsi' mele' Moisés che' bajche' tsi' sube lac Yum.

Levitico 17:7

Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Levitico 19:26

Mach mi la' c'ux jini we'elʌl yic'ot i ch'ich'el. Mach mi la' lon ñop winic mu' bʌ i sub chuqui mi caj ti ujtel tac. Mach mi la' wotsan la' bʌ ti xwujt.

Levitico 23:14

Jinto mi yujtel la' wʌq'ueñon, mach yomic mi la' wis c'ux waj, mi tiq'uesʌbil bʌ trigo, mi jini c'ʌnix bʌ i wut trigo. Che'ʌch mi caj la' mel jatetla yic'ot la' walobilob ti pejtelel ora.

Levitico 23:21

Pʌyʌla tilel winicob cha'an mi' tempañob i bʌ tic tojlel come ch'ujulʌch jini q'uin. Mach yomic mi la' cha'len e'tel ti ili q'uin. Yom chʌn c'ajal la' cha'an ili q'uin ti pejtelel ora, jatetla yic'ot la' p'olbalob.

Levitico 24:3

Ya'an jini lámpara melbil bʌ ti oro ti' tojel jini tsalʌl bʌ pisil mu' bʌ i mʌctan jini C'ax Ch'ujul bʌ Ajñibʌl. An ti' wenta Aarón cha'an mi' cha' otsan aceite, cha'an mi' tsepben tac i mechajlel ti jujump'ejl sʌc'ajel. Pejtelel iliyi yom mi la' chʌn ña'tan ti pejtelel q'uin jatetla yic'ot la' p'olbal.

Levitico 24:9

Aarón yic'ot i yalobilob mi caj i c'uxob jini waj ya' ti Ch'ujul bʌ Ajñibʌl. Come jiñʌch c'ax ch'ujul bʌ c majtan yom bʌ mic chʌn aq'uentel ti pejtelel ora. Che' tsi' yʌlʌ lac Yum.

Levitico 4:1

Lac Yum tsi' yʌq'ue Moisés mandar: Subeñob pejtelel israelob jiñʌch c mandar cha'an jini mu' bʌ i ñusan c t'an che' mach tsajalic i cha'an.

Levitico 6:15

Jini motomaj mi caj i ch'ʌm junjojp harina mu' bʌ cʌq'uentel tic majtan yic'ot aceite yic'ot pom. Che' jini la' i pulbeñon c majtan ya' ti pulʌntib. Xojocña i yujts'il mi cubin.

Levitico 6:18

Pejtelel winic bʌ i p'olbal Aarón mi mejlel i c'uxob c'ʌlʌl ti pejtelel ora jini loq'uem tac bʌ tic majtan. Cojach jini motomajob mi mejlel i c'uxob jini majtañʌl. Ch'ujul mi' yajñel majqui jach mi' tʌl jini majtañʌl tac, che'en lac Yum.

Levitico 6:22

Jini motomaj mi caj i yʌq'ueñon ili majtañʌl che' mi' wa'chocontel ti' ye'tel i yalobil Aarón. Che'ʌch yom ti pejtelel ora ti' tojlel jini motomajob che' bajche' ts'ijbubil. Wersa yom mic pulbentel pejtelel ili majtañʌl. Mach yomic mi' c'uxtʌl, che'en lac Yum.

Levitico 7:34

Come joñon woli cʌq'ueñob motomajob i tajn c majtan mu' bʌ i jʌmts'untel yic'ot i bʌc'tal i pat mu' bʌ i yʌq'ueñoñob jini israelob. Tsa cʌq'ueyob ti' wenta jini motomaj Aarón yic'ot i yalobilob. Che'ʌch yom ti pejtelel ora.

Levitico 7:36

Jiñʌch c mandar c'ʌlʌl che' bʌ tsac wa'chocoyob ti' ye'tel ti' tojlel Israel. Yom chʌn c'ajalob i cha'an israelob yic'ot i yalobilob ti pejtelel ora, che'en lac Yum.

Numeros 19:21

Jini cha'an yom mi' jajq'uel ili mandar ti pejtelel ora. Che' an majqui mi' tsijcan ti ja' yambʌ winic, wersa yom mi' wuts' i pislel ja'el. Che' an majqui mi' tʌl jini ja' mu' bʌ ti sʌq'uesaya, bibi' mi' cʌytʌl c'ʌlʌl mi' bʌjlel q'uin.

Mateo 16:24

Jesús tsi' sube xcʌnt'añob i cha'an: Mi an majqui yom i tsajcañon, la' i cʌy chuqui yom ti' bajñel pusic'al. La' i ch'ʌm i cruz. La' i tsajcañon.

Mateo 26:28

Jiñʌch c ch'ich'el cha'an jini xuc'ul bʌ t'an mu' bʌ i bejq'uel cha'an cabʌlob cha'an i ñusʌntel mulil.

Hechos 15:29

Cʌyʌ la' c'ux jini tsʌnsʌbil bʌ i majtan dioste' yic'ot i ch'ich'el yic'ot jini milbil bʌ. Mach mi la' cha'len ts'i'lel. Mi uts'at mi la' cʌntan la' bʌ cha'an pejtelel jini, uts'at mi la' mel. Ajñenla ti la' wenlel”. Che'ʌch tsi' ts'ijbayob.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Efesios 5:26

cha'an mi' yotsañob ti ch'ujul, cha'an mi' sʌq'uesañob ti' t'an che' bajche' ti ja'.

Deuteronomio 12:16

Cojach mach yomic mi la' c'uxben i ch'ich'el. Yom mi' la' bec' che' bajche' mi' la' bec' jini ja'.

Deuteronomio 12:23

Pero yom tsajiletla cha'an ma'anic mi' la' c'uxben i ch'ich'el, come i ch'ich'el i cuxtʌlelʌch. Jini cha'an mach yomic mi' la' c'uxben i cuxtʌlel yic'ot i bʌc'tal.

Deuteronomio 12:24

Mach yomic mi' la' c'ux i ch'ich'el. Yom mi la' bec' ti lum che' bajche' ja'.

Deuteronomio 15:23

Mach yomic mi la' c'uxben i ch'ich'el. Beq'ue ti lum che' bajche' mi la' bec' ja'.

Deuteronomio 32:14

Tsi' yʌq'ueyob lech yic'ot we'elʌl, Uts'at bʌ tat tiñʌme' tac am bʌ ti Basán, Yic'ot wen uts'at bʌ trigo. Tsi' japʌyob i ya'lel ts'usub.

1 Timoteo 4:4

Come uts'atʌch pejtelel tsa' bʌ i mele Dios. Mach yomic mi lac ch'ajban. Yom tijicña mi laj c'ux mi tsa'ix lac sube Dios wocolix i yʌlʌ.