Levitico 3:12 - Chol: I T’an Dios

^12-13 Mi an majch mi' yʌq'ueñon juncojt chivo cha'an c majtan, yom mi' c'ʌcchocon i c'ʌb ti' jol. Che' jini yom mi' tsʌnsan ya' ti' tojel jini Tabernáculo. Jini motomaj mi caj i tsijcʌben i ch'ich'el ya' ti' joytʌlel pulʌntib.

Chol de Tumbalá Bible

^12-13 Mi an majch mi' yʌq'ueñon juncojt chivo cha'an c majtan, yom mi' c'ʌcchocon i c'ʌb ti' jol. Che' jini yom mi' tsʌnsan ya' ti' tojel jini Tabernáculo. Jini motomaj mi caj i tsijcʌben i ch'ich'el ya' ti' joytʌlel pulʌntib.

Jiñi Tsiji' bʌ Wen T'añ cha'añ Estudio

¹² “Mi jiñʌch juncojt i tat o i ña'al chivo jiñi majtañʌl, mi caj la' pʌs tic tojlel.

Levitico 3:12 Iomraidhean Croise

Isaias 53:2

Tsa' coli ili Winic ti' tojlel Dios che' bajche' i buts i wi' te' mu' bʌ i pasel ti tiquin lum ba' mach wenix. Ma'anic bajche' yilal. Mach la comic laj q'uel. Che' mi laj q'uel jini winic, mach i t'ojolic mi laj q'uel. Ma'anic mi laj c'uxbin.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Levitico 1:10

Mi tiñʌme', mi chivo jini ofrenda mu' bʌ i yʌq'ueñoñob, che' jini yom i tat bʌ mach bʌ wis anic i chʌmel.

Levitico 1:2

Tsi' sube cha'an mi' yʌq'ueñob mandar jini israelob. Tsi' yʌlʌ: Che' mi la' tsʌnsʌbeñon c majtan, yom mi la' c'ʌn alʌc'ʌl tac loq'uem bʌ ti la' wacax yic'ot ti la' tiñʌme'. Mi mux la' wʌq'ueñon wacax, yom mi la' yajcan juncojt i tat bʌ mach bʌ wis anic i c'amʌjel. Yom mi la' pʌy tilel ti' ti' jini Tabernáculo ba' mi caj i ch'ʌmob jini motomajob.

Levitico 1:6

Che' jini, jini motomajob mi caj i ts'ulob jini majtañʌl cha'an mi' bic'ti t'ojob. Yom mi' xic'ob jini xutunte' am bʌ ya' ti' pam pulʌntib.

Levitico 10:16

Moisés tsa' caji i c'ajtibeñob baqui tsi' yʌc'ʌyob jini i tat chivo tsa' bʌ i yʌq'ueyob Dios cha'an i tojol mulil. Pero awilan, tsa'ix puli. Jini cha'an Moisés tsi' mich'le Eleazar yic'ot Itamar, i yalobilob Aarón:

Levitico 3:1

Che' an juntiquil yom bʌ i yʌq'ueñon c majtan cha'an mi' taj i tijicñʌyel i pusic'al, mi mejlel i yʌc' wacax, mi i tat mi ña'al, mach bʌ wis anic i c'amʌjel mi i lojwel.

Levitico 9:15

Ti wi'il tsa' caji i yʌc' ja'el jini majtañʌl cha'an i mul pejtelel winicob. Tsi tsʌnsa juncojt i tat chivo cha'an mi' ñusʌbentelob i mul winicob. Tsi' yʌq'ue lac Yum che' bajche' jini majtañʌl cha'an bʌ i bajñel mul.

Levitico 9:3

Subeñob israelob: “Pʌyʌla tilel juncojt i tat chivo cha'an i tojol la' mul. Pʌyʌla tilel ja'el juncojt tat wacax yic'ot juncojt tat tiñʌme' am bʌ jump'ejl i jabilel ti cha'cojtlel. Mach yomic jini am bʌ i lojwemal. Jiñʌch cha'an pulbil bʌ i majtan lac Yum.

Numeros 15:6

Mi tat tiñʌme' jini alʌc'ʌl mu' bʌ a tsʌnsan, yom ma' c'ʌn wʌcp'ejl litro juch'bil bʌ harina xajc'ubil bʌ yic'ot cha'p'ejl litro aceite,

Romanos 8:3

Jini mandar ma'anic tsa' mejli i coltañonla, come c'uñonla cha'an lac tsucul pusic'al, pero tsa' mejli i coltañonla Dios che' bʌ tsi' choco tilel i Yalobil cha'an mi' toj lac mul. I Yalobil Dios tsi' ch'ʌmʌ i bʌc'tal lajal bajche' lac cha'an am bʌ i pʌyol ti mulil. Tsi' yʌc'ʌ i bʌ ti chʌmel cha'an mi' toj lac mul, cha'an mi' jilel i p'ʌtʌlel mulil am bʌ ti lac bʌc'tal.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.