Levitico 3:1 - Chol: I T’an Dios

¹ Che' an juntiquil yom bʌ i yʌq'ueñon c majtan cha'an mi' taj i tijicñʌyel i pusic'al, mi mejlel i yʌc' wacax, mi i tat mi ña'al, mach bʌ wis anic i c'amʌjel mi i lojwel.

Chol de Tumbalá Bible

¹ Che' an juntiquil yom bʌ i yʌq'ueñon c majtan cha'an mi' taj i tijicñʌyel i pusic'al, mi mejlel i yʌc' wacax, mi i tat mi ña'al, mach bʌ wis anic i c'amʌjel mi i lojwel.

Jiñi Tsiji' bʌ Wen T'añ cha'añ Estudio

¹ “Che' añ juntiquil mu' bʌ i yʌq'ueñon c majtañ cha'añ i ñʌch'tʌlel i pusic'al, mi' mejlel i yʌc' wacax, mi i tat mi ña'al, mach bʌ wis añic i c'am-ʌjel mi i lojwel.

Levitico 3:1 Iomraidhean Croise

1 Cronicas 21:26

Che' jini David tsa' caji i wa'chocoben i pulʌntib i majtan lac Yum. Tsa' caji i pulben tsʌnsʌbil bʌ i majtan lac Yum yic'ot yambʌ majtañʌl cha'an i tijicñʌyel i pusic'al. Tsa' caji i pejcan lac Yum ti oración. Lac Yum tsi' choco tilel c'ajc ti panchan cha'an mi' pul jini majtañʌl.

Exodo 20:24

Yom mi la' melbeñon pulʌntib ti pajc'. Ya' yom mi la' pulbeñon jini tsʌnsʌbil bʌ c majtan, yic'ot c majtan cha'an wocolix cʌlʌ yic'ot tiñʌme' yic'ot wacax. Ya' jach yom ba' mi cʌc' j C'aba' cha'an mic ña'tʌntel. Che' jini mi caj c tilel ba' añetla cha'an mi cʌq'ueñetla i tijicñʌyel la' pusic'al.

Exodo 24:5

Tsi' choco majlel ch'iton winicob cha'an mi' pulbeñob i majtan Dios. Tsi' tsʌnsʌbeyob alʌ tat wacax cha'an mi' yʌq'ueñob Dios wocolix i yʌlʌ.

Exodo 29:28

I cha'añʌch Aarón yic'ot i yalobilob yom bʌ mi' yʌq'uentelob cha'an israelob ti pejtelel ora. Jiñʌch pulbil bʌ c majtan mu' bʌ i yʌc' jini israelob cha'an mi' yʌq'ueñoñob wocolix cʌlʌ.

Proverbios 7:14

Sajmʌl tsa cʌq'ue Dios tsʌnsʌbil bʌ i majtan cha'an mi' ts'ʌctiyel c t'an tsa' bʌ c sube.

Ezequiel 43:27

Che' ti' waxʌcp'ejlel q'uin yic'ot c'ʌlʌl ti yan tac bʌ q'uin anix ti' wenta jini motomajob cha'an mi' tsʌnsañob jini la' wofrenda cha'an pulbil tac bʌ majtañʌl, yic'ot cha'an bʌ i ñʌch'tʌlel la' pusic'al. Che' jini mi caj c ch'ʌmetla tic wenta”, che'en lac Yum Dios.

Ezequiel 45:15

Yom mi la' wʌq'uen yumʌl juncojt ña' tiñʌme' che' an lujunc'al la' cha'an. Jiñʌch majtañʌl tac melbil bʌ ti trigo, yic'ot pulbil bʌ majtañʌl cha'an mi la' wʌq'ueñon wocolix cʌlʌ. Cha'añʌch i ñusʌntel mulil, che'en lac Yum.

Levitico 1:10

Mi tiñʌme', mi chivo jini ofrenda mu' bʌ i yʌq'ueñoñob, che' jini yom i tat bʌ mach bʌ wis anic i chʌmel.

Levitico 17:5

Che' jini tic'bilob jini israelob cha'an mach mi' tsʌnsʌbeñon c majtan ya' ti cholel. Yom mi' ch'ʌmbeñob tilel jini motomaj wʌ' ti' ti' jini Tabernáculo. Mi caj i pulbeñon i lewil cha'an tijicña mi cubin.

Levitico 3:6

Che' mi' yʌq'ueñon juncojt chivo mi tiñʌme', mi i tat mi ña'al, cha'an mi' taj i tijicñʌyel i pusic'al, mach yomic am bʌ i c'amʌjel mi i lojwel.

Levitico 9:18

Wi'ilix tsi' tsʌnsa jini tat wacax yic'ot jini tat tiñʌme' cha'an mi' tajob i tijicñʌyel i pusic'al jini winicob x'ixicob. Jini i yalobilob Aarón tsi' ch'ʌmbeyob tilel Aarón i ch'ich'el majtañʌl. Aarón tsi' tsijca jini pulʌntib.

Levitico 9:4

Che' ja'el pʌyʌla tilel juncojt i tat wacax yic'ot tat tiñʌme' cha'an mi la' tsʌnsʌben lac Yum cha'an mi la' taj i tijicñʌyel la' pusic'al. Yom i ñujp ti ac'ol, jiñʌch majtañʌl bʌ harina xajc'ubil bʌ yic'ot olivo aceite. Come lac Yum mi caj i pʌs i bʌ ti la' tojlel wʌle”. Che' yom mi la' subeñob israelob, che'en Moisés.

Amos 5:22

Anquese mi la' pulbeñon c majtan, anquese mi la' wʌq'ueñon c majtan melbil bʌ ti trigo, ma'anic mi caj c ch'ʌm la' wacax mu' bʌ la' wʌq'ueñon cha'an mi' ñʌjch'el c pusic'al.

Malaquias 1:14

Obol i bʌ jini winic mu' bʌ i yʌc' i t'an cha'an mi caj i yʌq'ueñon uts'at bʌ i tat tiñʌme', pero ti wi'il mi' yʌq'uen Dios c'am bʌ. Come Joñon Ñuc bʌ Reyon, che'en i Yum Panchan yic'ot Pañimil. Jini mach bʌ israelobic mi' q'uelob ti ñuc j c'aba'.

Malaquias 1:8

Tsa' la' lon ña'ta uts'at mi la' wʌq'uen la' Yum jini xpots' bʌ alʌc'ʌl, yic'ot mach bʌ wenic i yoc, yic'ot c'am bʌ. Mi la' lon al: “Mach mulilic ti' wut Dios”, che'etla. Mi tsa' wʌq'ue i majtan ñuc bʌ yumʌl che' bajche' iliyi, ¿mu' ba caj i mulan? che'en i Yum Panchan yic'ot Pañimil.

Numeros 15:8

Mi i tat wacax jini mu' bʌ la' wʌq'ueñon, yom ma' c'ʌn bolomp'ejl litro juch'bil bʌ harina xajc'ubil bʌ yic'ot uxp'ejl litro aceite. Jiñʌch yom che' a wom a ts'ʌctesan a t'an, yic'ot che' ma' wʌq'ueñonla wocolix cʌlʌ.

Numeros 6:14

La' i yʌq'ueñon juncojt tat tiñʌme' am bʌ jump'ejl i jabilel, mach bʌ wis anic i bibi'lel mi i c'amʌjel. Jiñʌch majtañʌl mu' bʌ i yʌc' ti pulel. La' i yʌq'ueñon ja'el xch'oc bʌ tiñʌme' am bʌ jump'ejl jab, mach bʌ wis anic i bibi'lel mi i c'amʌjel cha'an mi' ñusʌbentel i mul. La' i yʌc' juncojt tat tiñʌme' jiñʌch c'oc' bʌ ja'el. Jiñʌch majtañʌl cha'an wocolix cʌlʌ cha'an i coltʌntel.

Numeros 7:17

Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Naasón i yalobil Aminadab.

Numeros 7:59

Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Gamaliel i yalobil Pedasur.

Deuteronomio 12:27

Che' jini yom mi la' wʌq'uen jini pulbil tac bʌ majtañʌl, i bʌc'tal yic'ot i ch'ich'el, ya' ti' pam jini pulʌntib i cha'an lac Yum Dios. Yom mi la' bec'ben i ch'ich'el ti' pam jini pulʌntib i cha'an lac yum Dios. Pero mi mejlel la' c'uxben i bʌc'tal jini majtañʌl.

Colosenses 1:20

Cha'an ti' caj i ye'tel Cristo, Dios tsi' yuts'esa pejtelel chuqui an ti pañimil yic'ot panchan. Cristo tsi' ñʌch'choco pejtelel mu' bʌ i contrajin Dios che' bʌ tsa' bejq'ui i ch'ich'el ti cruz.

Hebreos 10:22

Jini cha'an la' lac lʌc'tesan lac bʌ ba'an Dios ti jump'ejl lac pusic'al. Mach yomic tile bixel lac pusic'al che' mi lac ñop. Yom sʌq'uesʌbil lac pusic'al. Yom pocbil lac bʌc'tal ti yʌx bʌ ja'.

1 Juan 1:3

Jini q'uelel bʌ c cha'an lojon, jini ñich'tʌbil bʌ c cha'an lojon, jiñʌch mu' bʌ c subeñet lojon cha'an mi la' tem ochel quic'ot lojon ti' ñopol lac Tat yic'ot Jesucristo i Yalobil Dios.

Juezob 20:26

Jini cha'an pejtelel jini israelob tsa' majliyob ti Betel. C'am tsi' cha'leyob uq'uel. Ya' tsa' buchleyob ti' tojlel lac Yum. Ma'anic chuqui tsi' c'uxuyob ti jini q'uin c'ʌlʌl ti ic'ajel. Tsi' yʌq'ueyob pulbil tac bʌ i majtan lac Yum yic'ot i majtan cha'an i ñʌch'tilel i pusic'al.

Juezob 21:4

Che' ti yijc'ʌlal seb to tsa' ch'ojyiyob pejtelel jini israelob. Tsi' meleyob pulʌntib cha'an mi' pulbeñob i majtan lac Yum, cha'an mi' yʌq'ueñob majtañʌl cha'an i ñʌch'tʌlel i pusic'al.