Levitico 26:9 - Chol: I T’an Dios

⁹ Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Chol de Tumbalá Bible

⁹ Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Jiñi Tsiji' bʌ Wen T'añ cha'añ Estudio

⁹ come mi caj j cʌntañetla, mi caj c p'ojlesañetla yic'ot mi caj c ts'ʌctesan c t'añ ti la' tojlel.

Levitico 26:9 Iomraidhean Croise

Genesis 1:28

Dios tsi' yʌq'ueyob i yutslel i t'an. Dios tsi' subeyob: La' p'ojliquetla. But'ula jini pañimil. C'ʌñʌla. La' i yumañetla jini chʌy yic'ot jini mut yic'ot pejtel cuxul tac bʌ mu' bʌ ti xʌmbal ti pañimil, che'en.

Genesis 17:20

Jixcu Ismael, awilan, mi caj cʌq'uen i yutslel c t'an che' bajche' tsa' c'ajtibeyon. Mi caj c p'ojlesʌben i yalobil. Cabʌl mi' caj ti p'ojlel i yalobilob. Mi caj cʌq'uen lajchʌntiquil i yalobilob. Laj yumʌlob ti pejtelel. Jujuntiquil mi caj i sujtel ti colem tejclum yilal.

Genesis 22:17

Mi caj c wen aq'ueñet cutslel. Mi caj c wen p'ojlesʌbeñet a p'olbal jinto lajal ti tsicol che' bajche' ec' am bʌ ti panchan, che' bajche' ji' am bʌ ti' ti' colem ñajb. Mi caj i cha'leñob yumʌl ti' tojlel i contrajob.

Genesis 26:4

Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Genesis 28:14

Lajal ti tsicol mi caj i yajñel a p'olbal che' bajche' ts'ubejn. Mi caj i pam pujquelob ba' mi' bʌjlel q'uin yic'ot ba' mi' pasel q'uin, yic'ot ti norte yic'ot ti sur. Cha'añet yic'ot cha'an a p'olbal mi caj i yʌq'uentelob i yutslel c t'an winicob x'ixicob ti jujunmojt.

Genesis 28:3

La' i yʌq'ueñet i yutslel i t'an Dios, jini Mach Bʌ Anic i P'isol i P'ʌtʌlel. La' i yʌq'ueñet cabʌl a walobilob. La' i p'olbeñet a walobilob ti mojt ti mojt.

Genesis 48:4

Tsi' subeyon: “Mi caj c p'ojlesañet. Mi caj c p'ojlesan a walobilob. Che' jini mi caj a wochel ti' tat cabʌl winicob x'ixicob ti mojt ti mojt. Mi caj cʌq'ueñob ili lum yic'ot ja'el a p'olbal maxto bʌ anic tsi' q'ueleyob pañimil. I cha'añobʌch mi caj i yajñel ti pejtelel ora”, che'en Dios.

Genesis 6:18

pero ma'anic mi caj a chʌmel jatet. Mi caj cʌq'ueñet xuc'ul bʌ t'an. Mi caj a wochel ti barco, jatet yic'ot a walobilob yic'ot a wijñam yic'ot i yijñamob a walobilob.

1 Reyob 3:8

Wʌ' añon ti' tojlel a cha'año' bʌ yajcʌbilo' bʌ a cha'an. Wen cabʌlob. Mach mejlicob ti tsijquel cha'an cabʌlob.

2 Reyob 13:23

Pero lac Yum tsi' pʌsbeyob i yutslel i pusic'al jini israelob. Ma'anic tsa' laj jiliyob. Tsi' p'untayob Dios come tsi' q'uele ti ñuc jini xuc'ul bʌ i t'an yic'ot i tatob. Tsi' chʌn ña'ta Abraham yic'ot Isaac yic'ot Jacob. Jini cha'an ma'anic tsi' junyajlel cʌyʌyob c'ʌlʌl wʌle.

Nehemias 2:20

Tsac subeyob: Jini Dios am bʌ ti panchan mi caj i coltañon lojon. I winicon lojon. Jini cha'an mic tech lojon jini e'tel. Mach la' wentajic mi wolic cha' mel lojon Jerusalén come mach la' cha'anic jini lum. Mach wʌ'ic ch'oyoletla ilayi. Mach chucbilic la' c'aba' ti ili tejclum, cho'on.

Nehemias 9:23

Tsa' p'ojlesʌbeyob i yalobilob che' bajche' ec' ti panchan. Tsa' pʌyʌyob ochel ti jini lum. Ma'anic tsa' ochiyob i tatob che' bʌ tsa' subeyob ochel i ch'ʌmob.

Salmos 107:38

Mi' p'ojlelob cha'an ti' yutslel i t'an lac Yum. Ma'anic mi' to'ol chʌmel i wacax.

Salmos 89:3

Lac Yum tsi' yʌlʌ: Tsa cʌq'ue xuc'ul bʌ c t'an jini yajcʌbil bʌ c cha'an. Tsac wersa sube c winic David

Exodo 1:7

Tsa' wen p'ojliyob jini israelob. Wen cabʌlob. Wen p'ʌtʌlob. Ma'anix jochol bʌ lum ba'añob.

Exodo 2:25

Dios tsi' q'uele jini israelob ti' yutslel i pusic'al. Tsi' ch'ʌmʌyob ti' wenta.

Exodo 6:4

Tsa cʌq'ueyob xuc'ul bʌ c t'an cha'an mi caj cʌq'ueñob i lumal Canaán ba' tsa' poj ajniyob yic'ot Jacob.

Isaias 55:3

La'la ba' añon. Ubinla c t'an. Ñich'tañonla cha'an chʌn cuxul mi la' wajñel. Mi caj c mel xuc'ul bʌ t'an la' wic'ot. Mi caj c p'untañetla. C'ux mi cubiñetla che' bajche' tsaj c'uxbi David.

Jeremias 23:3

Joñon mi caj c cha' tempan tilel i colojbal c tiñʌme' baqui jach añob. Tsac wets'eyob majlel ti cabʌl lum tac, pero mi caj c cha' pʌyob tilel ti' yajñib. Mi' cajelob ti colel. Mi' cajelob ti p'ojlel.

Jeremias 23:4

Mi caj cʌq'ueñob xcʌnta tiñʌme' mu' bʌ caj i wen cʌntañob. Ma'anix mi' cajelob ti chʌn bʌq'uen. Ma'anix mi' cajelob ti quisin. Ma'anic sajtem bʌ. Ts'ʌcʌl añob.

Jeremias 33:3

C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Ezequiel 16:62

Mi caj c wa'chocon jini xuc'ul bʌ c t'an a wic'ot. Ti jim bʌ ora mi caj a ña'tan a Yumon.

Ezequiel 36:9

Come joñon mi caj j coltañetla che' mi la' mel la' chol yic'ot che' mi la' cha'len pac'.

Levitico 26:15

mi tsa' jach caji' la' ñusan c mandar, mi tsa' caji' la' chañ'esan la' bʌ tic tojlel cha'an mi la' ñusan c t'an, yic'ot pejtelel j cʌntesa, joñon mi caj cʌq'ueñetla wocol. Mi caj cotsʌbeñetla la' bʌq'uen. Mi caj cʌq'ueñetla jini leco bʌ ojbal, yic'ot jini c'ajc tac c'ʌlʌl mi' yajpel la' wut, c'ʌlʌl mi' toj sajtel la' pusic'al. Che' jini lolom jach mi caj la' cha'len pac', come jini la' contrajob mi caj i c'uxbeñetla.

Lucas 1:72

Che' jini mi caj i p'untañonla che' bajche' tsi' subeyob lac ñojte'el. Mi caj i ña'tan jini ch'ujul bʌ xuc'ul bʌ t'an

Deuteronomio 28:11

Lac Yum mi caj i wen p'ojlesan a walobilob, yic'ot a wʌlac' tac, yic'ot i wut a pʌc'ʌb ya' ti a lum mu' bʌ caj i yʌq'ueñet che' bajche' tsi' wʌn subeyob a ñojte'elob.

Deuteronomio 7:13

Lac Yum mi caj i c'uxbiñetla. Mi caj i yʌq'ueñetla i yutslel i t'an. Mi caj i yʌq'uetla ti p'ojlel. Uts'at mi caj i colel chuqui tac mi la' pʌc' ti la' lum. Mi caj i p'ojlesʌbeñetla trigo, yic'ot i ya'lel la' ts'usubil, yic'ot aceite, yic'ot i yal tac la' wacax, yic'ot la' tiñʌme' ti jini lum mu' bʌ caj i yʌq'ueñetla che' bajche' tsi' wʌn subeyob la' ñojte'elob.

Hebreos 8:9

Mach lajalic bajche' jini xuc'ul bʌ t'an tsa' bʌ c mele yic'ot i ñojte'elob, che' bʌ tsac chucbeyob i c'ʌb cha'an mic pʌyob loq'uel ti' lumal Egipto. Ma'anic tsi' wen jac'ʌyob. Jini cha'an tsac tʌts'ʌ c bʌ.