Levitico 26:6 - Chol: I T’an Dios

⁶ Joñon mi caj cʌq'ueñetla i ñʌch'tʌlel la' pusic'al ila ti pañimil. Tijicña mi caj i yochel la' wʌyel. Ma'anic majch mi caj i bʌc'tesañetla. Joñon mi caj c jisan jini jontol tac bʌ bʌte'el ya' ti la' lumal.

Chol de Tumbalá Bible

⁶ Joñon mi caj cʌq'ueñetla i ñʌch'tʌlel la' pusic'al ila ti pañimil. Tijicña mi caj i yochel la' wʌyel. Ma'anic majch mi caj i bʌc'tesañetla. Joñon mi caj c jisan jini jontol tac bʌ bʌte'el ya' ti la' lumal.

Jiñi Tsiji' bʌ Wen T'añ cha'añ Estudio

⁶ Joñon mi caj cʌq'ueñetla i ñʌch'tʌlel la' pusic'al ila ti pañimil yic'ot tijicña mi caj la' wʌyel come ma'añic majqui mi caj i bʌc'tesañetla; mi caj c jisan jiñi jontol tac bʌ bʌte'el ya' ti la' lum yic'ot ma'añic mi caj la' jisʌntel ti espada ya' ti la' lumal.

Levitico 26:6 Iomraidhean Croise

2 Reyob 2:24

Eliseo tsi' sutq'ui i wut cha'an mi' q'uelob. Tsi' subeyob ti' c'aba' lac Yum mi caj i tajob wocol. Tsa' bʌc' loq'ui tilel ti mate'el cha'cojt ña' oso. Tsi' jisayob cha'tiquil i yuxc'al (42) ch'itoñob.

1 Cronicas 22:9

Awilan mi caj i yilan pañimil juntiquil a walobil. Ñʌch'ʌl mi caj i yajñel, come joñon mi caj c ñʌch'chocobeñob i contrajob ti' tojlel. Jini cha'an mi caj i yotsʌbentel i c'aba' ti Salomón (an i ñʌch'tʌlel i pusic'al). Che' ti' yorajlel i yumʌntel mi caj cʌc'ob ti ajñel ti ñʌch'ʌl pejtelel jini israelob. Mi caj cʌq'ueñob i c'aj i yo.

2 Cronicas 20:30

Ti pejtelel i yumʌntel Josafat ñʌch'ʌl tsa' ajniyob, come lac Yum Dios tsi' ñʌch'tesayob pejtel año' bʌ ti' joytʌlel.

Job 11:19

Che' ñololet ma'anic chuqui mi caj i bʌc'tesañet. Mux i tilelob cabʌl winicob cha'an mi' c'ajtibeñet i coltʌntel.

Job 5:23

Anquese wen jontol, uts mi caj i c'axel ti a t'ejl. Jini pañimil ja'el mi caj i pʌsbeñet i yutslel.

Salmos 144:14

Cabʌl i cuch tat wacax. Ma'anic chuqui leco ti calle tac ba' chumulon lojon. Ma'anic wʌlwʌl t'an mi uq'uel.

Salmos 147:14

Mi' yʌc' ti lajmel guerra ya' ti la' lumal. Mi' yʌq'ueñetla jini wen bʌ trigo.

Salmos 29:11

Lac Yum mi' yʌq'ueñob i p'ʌtʌlel i cha'año' bʌ. Lac Yum mi' yʌq'ueñob i ñʌch'tʌlel i pusic'al.

Salmos 3:5

Tsa' ñoleyon, tsa' wʌyiyon, Tsa' ch'ojyiyon, come lac Yum mi' cʌntañon.

Salmos 4:8

Ti' ñʌch'tʌlel c pusic'al mi caj c ñoltʌl. Mij caj ti wʌyel, Come jatet jach c Yum, ma' cʌntañon cha'an mi cajñel ti xuc'ul.

Salmos 85:8

Mi caj c ñich'tan che' mi' pejcañon Dios lac Yum. Mi caj i yʌq'ueñob i ñʌch'tilel i pusic'al i cha'año' bʌ, Ame i cha' tʌts'ob i bʌ che' bajche' tontojo' bʌ.

Exodo 23:29

Ma'anic mi caj c chocob loq'uel ti la' tojlel ti jump'ejl jach jab cha'an jochol mi' cʌytʌl jini lum, ame che'ic mi' wen p'ojlel jini bʌte'el ti jamil.

Proverbios 3:24

Che' ma' c'aj a wo ma'anic bʌq'uen. Che' ma' ñoltʌl ti wʌyel tijicñayet.

Proverbios 6:22

Che' ma' cha'len xʌmbal mux i pʌsbeñet baqui yom ma' majlel. Che' ma' ñoltʌl ti wʌyel mux i cʌntañet. Che' ma' ch'ojyel mux a chʌn ña'tan ti a pusic'al.

Isaias 35:8

Ya'i mi caj i ñumel colem bij. Jini bij mi caj i yotsʌbentel i c'aba' Ch'ujul bʌ bij. Come ma'anic mi caj i xʌñob jini año' bʌ i mul. Lac Yum mi caj i cha'len xʌmbal a wic'ot ti jini bij. Ma'anic mi caj i chʌn sajtel jini mu' bʌ i cha'len xʌmbal ya'i anquese ma'anic i ña'tʌbal.

Isaias 35:9

Ma'anic bajlum ya'i. Ma'anic jontol tac bʌ bʌte'el. Cojach winicob x'ixicob mʌmbilo' bʌ i cha'an lac Yum mi caj i cha'leñob xʌmbal ya'i.

Isaias 45:7

Joñon mic melben i sʌclel q'uin yic'ot ac'ʌlel. Mi cʌq'ueñob i wenlel winicob yic'ot jini bʌbʌq'uen bʌ. Yumʌlon. Mic mel pejtelel iliyi.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Jeremias 30:10

C winic Jacob, mach a cha'len bʌq'uen, che'en lac Yum. Mach a mel a pusic'al, Israel, come ya' ba' pam pujquemet ti ñajtʌl mi caj j coltañet. Mi caj j coltan a walobilob ya' ba' chumulob ti' wenta i yumob. Mi caj i cha' sujtel Jacob. Tijicña mi' caj ti chumtʌl ti' ñʌch'tʌlel i pusic'al. Ma'anix majqui mi caj i chʌn tic'lan.

Jeremias 31:26

Che' jini tsa' ch'ojyiyon. Wen sumuc jax wʌyel tsa cubi.

Ezequiel 14:15

Che' mic choc tilel jontol bʌ bʌte'el cha'an mi' lu' jisañob, ma'anix majqui mi caj i chʌn cʌytʌl ti pañimil.

Ezequiel 14:17

Che' mic choc tilel guerra cha'an mi' laj jisʌntelob yic'ot espada, ma'anic bajche' mi caj i coltʌntelob.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Ezequiel 34:25

Ñʌch'ʌl mi caj i yajñelob ti pejtelel ora, come mi caj c jisan jini jontol tac bʌ bʌte'el. Mi caj i chumtʌlob ya' ti jochol bʌ lum ti' tijicñʌyelob i pusic'al. Baqui jach mi' wʌyelob ti mate'el yic'ot ti joctʌl ma'anix i bʌq'uen.

Ezequiel 34:27

Pejtel jini te' mu' bʌ i yʌc' i wut yic'ot pʌc'ʌbʌl tac ti cholel on mi caj i yʌc' i wut. Tijicñayob mi caj i yajñelob i yumob ya' ti lum. Che' mic ts'ocbeñob i tajbal cha'an i yalel i cuch, che' mij colob loq'uel ti' c'ʌb jini tsa' bʌ i tic'layob, mi caj i ña'tañob i Yumon.

Ezequiel 5:17

Mach cojic jach wi'ñal pero yic'ot jontol tac bʌ bʌte'el ja'el mu' bʌ caj i jisañetla, mi caj c chocbeñetla tilel yic'ot jontol bʌ c'amʌjel, yic'ot guerra. Mi caj la' tsʌnsʌntel ti espada. Joñon la' Yumon. Tsa'ix cʌc'ʌ c t'an, che'en lac Yum.

Oseas 2:18

Ti jim bʌ ora mi caj cuts'esʌbeñet pejtel jini jontol tac bʌ bʌte'el yic'ot pejtel jini cotcotña bʌ ti lum, yic'ot xwejlel mut. Mi caj cʌc' ti lajmel pejtel guerra. Che' jini ma'anix i c'ʌjñibal jalʌjb mi espada. Ti jim bʌ ora wen tijicñayet mi caj a wajñel ti' ñʌch'tilel a pusic'al baqui jach ma' majlel, come ma'anix a contrajintel.

Oseas 2:20

Mi caj c cha' pʌyet cha'an xuc'ul ma' wajñel quic'ot. Che' jini mi caj a wen cʌñon, che'en lac Yum.

Levitico 25:19

Che' jini ts'ʌcʌl mi caj i colel la' pʌc'ʌb. Mi caj la' c'ux jinto mi la' ñaj'an. Ma'anic majch mi caj i tic'lañetla.

Levitico 26:22

Mi caj c choc tilel ti la' tojlel jontol tac bʌ bʌte'el cha'an mi' jisan la' walobilob yic'ot la' wʌlac'. Che' jini mi caj i pim'an la' bijlel.

Levitico 26:25

Mi caj ti jisañetla espada cha'an ti caj tsa' la' ñusʌbeyon c t'an. Anquese mi la' lon ña'tan la' coltan la' bʌ ya' ti la' tejclum tac, ya'i mi caj cʌq'ueñetla leco bʌ la' c'amʌjel. Wersa mi caj i jisañetla jini la' contrajob.

Levitico 26:7

Mi caj la' wajñesan la' contrajob. Mi caj la' jisañob.

Miqueas 4:4

Jujuntiquil mi caj i yajñel ti' yotot ti' ñʌch'tʌlel i pusic'al. Ma'anic majch mi caj i bʌc'tesan, come che'ʌch tsi' yʌc'ʌ i t'an i Yum Panchan yic'ot Pañimil.

Sofonias 3:13

Jini i colojbal israelob ma'anix mi caj i chʌn cha'leñob jontolil mi lot. Ma'anix mi caj i chʌn c'ʌñob i yac' ti lotiya. Mi caj i cʌntʌntelob che' bajche' tiñʌme'. Tijicñayob mi caj i c'ajob i yo. Ma'anix majqui mi caj i chʌn bʌc'tesañob. Che' tsi' yʌlʌ lac Yum.

Hageo 2:9

Ñumen ñuc mi caj i tsictiyel i ñuclel ili otot bajche' jini ñaxan bʌ, che'en lac Yum. Mi caj cʌq'ueñetla i ñʌch'tʌlel la' pusic'al ti ili ajñibʌl, che'en lac Yum.

Zacarias 9:10

Mi caj i yʌc' ti sʌc jilel carretajob yic'ot caballojob yic'ot e'tijibʌl cha'an guerra ti' tojlel i cha'año' bʌ ya' ti Efraín yic'ot ti Jerusalén. Mi caj i yʌc' ti lajmel guerra ti pejtelel pañimil, c'ʌlʌl ti' ti' ñajb c'ʌlʌl ti' joytilel pañimil.

Juan 14:27

Mic ñʌch'chocobeñetla la' pusic'al. Jiñʌch i ñʌch'tilel c pusic'al mu' bʌ cʌq'ueñetla. Mach lajalic bajche' mi la' taj ti pañimil. Mach la' mel la' pusic'al. Mach la' cha'len bʌq'uen.

Hechos 12:6

Ti jini jach bʌ ac'ʌlel che' yomix Herodes i pʌy loq'uel Pedro, ya'an Pedro xinlʌpʌl i cha'an cha'tiquil soldadojob, cʌchʌl ti cha't'ujm cadena. Jini xcʌntayajob woli' cʌntañob i ti' mʌjquibʌl ti jumpat.

Romanos 5:1

Dios tsa'ix i ñusʌbeyonla lac mul. Tsa'ix i yotsayonla ti' wenta cha'an tsa' lac ñopo Cristo. Ma'anix woli laj contrajin Dios, come tsi' yuts'esayonla lac Yum Jesucristo.