Levitico 26:44 - Chol: I T’an Dios

⁴⁴ Anquese cabʌl tsi' ñusʌbeyoñob c mandar, anquese ya'ix añob ti' lumal i contrajob, ma'anic mi caj c junyajlel chocob. Ma'anic mi caj c jisʌben i c'ʌjñibal c trato ti' tojlelob, come joñoñʌch i Yumon i Dioson.

Chol de Tumbalá Bible

⁴⁴ Anquese cabʌl tsi' ñusʌbeyoñob c mandar, anquese ya'ix añob ti' lumal i contrajob, ma'anic mi caj c junyajlel chocob. Ma'anic mi caj c jisʌben i c'ʌjñibal c trato ti' tojlelob, come joñoñʌch i Yumon i Dioson.

Jiñi Tsiji' bʌ Wen T'añ cha'añ Estudio

⁴⁴ “Anquese ca'bʌl tsi' ñusʌbeyoñob c mandar, anquese ya'ix añob ti' lumal i contrajob, ma'añic mi caj c junyajlel chocob, ma'añic mi caj c jisʌben i c'ʌjñibal jiñi xuc'ul bʌ c t'añ ti' tojlelob, come joñoñʌch i Yumon, i Dioson.

Levitico 26:44 Iomraidhean Croise

Genesis 17:7

Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul bʌ c t'an: Joñon a Dioson, i Dioson a p'olbalob.

2 Reyob 13:23

Pero lac Yum tsi' pʌsbeyob i yutslel i pusic'al jini israelob. Ma'anic tsa' laj jiliyob. Tsi' p'untayob Dios come tsi' q'uele ti ñuc jini xuc'ul bʌ i t'an yic'ot i tatob. Tsi' chʌn ña'ta Abraham yic'ot Isaac yic'ot Jacob. Jini cha'an ma'anic tsi' junyajlel cʌyʌyob c'ʌlʌl wʌle.

Nehemias 9:17

Mach yomobic i ch'ujbin a t'an. Ma'anic tsi' yotsayob ti' pusic'al jini bʌbʌq'uen tac bʌ tsa' bʌ a melbeyob. Tsʌts tsi' meleyob i pusic'al c ñojte'el lojon. Ti' bajñel pusic'al tsi' yajcayob i yum cha'an mi' sujtelob ti to'ol e'tel ya' ti Egipto. Uts bʌ Dioset. A wujil i ñusʌntel mulil. Wen a wujil p'untaya. Jal ma' mich'an. Cabʌl a c'uxbiya. Ma'anic tsa' cʌyʌ c ñojte'el lojon

Nehemias 9:31

Ma'anic tsa' jisayob, Dios, come cabʌl a p'untaya. Ma'anic tsa' junyajlel cʌyʌyob cha'an uts a pusic'al. Wen a wujil p'untaya.

Salmos 103:13

Che' bajche' winicob mi' c'uxbiñob i yalobilob, Che' ja'el lac Yum mi' p'untan jini mu' bʌ i bʌc'ñañob.

Salmos 89:33

Pero ma'anic mi caj j cʌy j c'uxbin c winicob. Xuc'ul mi caj c chʌn mel pejtel tsa' bʌ cʌlʌ.

Salmos 94:14

Come lac Yum ma'anic mi caj i choc i cha'año' bʌ. Ma'anic mi caj i cʌyob.

Jeremias 14:21

Mach ma' ts'a'leñon lojon. Pʌsʌ a bʌ ti ñuc tic tojlel lojon, ame p'ajlecon lojon che' mach chʌn tsiquilix a ñuclel. Chʌn ña'tañon lojon. Mach ma' q'uextan jini xuc'ul bʌ a t'an.

Jeremias 24:5

Tsi' subeyon lac Yum, i Dios Israel: Che' bajche' jini uts'at bʌ higo, che'ʌch yilalob tic wut jini winicob tsa' bʌ cʌc'ʌ ti cʌjchel majlel ti ñajtʌl ti' lumal Babilonia.

Jeremias 30:11

Añon quic'otet cha'an mi cʌq'uet ti libre, che'en lac Yum. Mi caj c lu' jisʌbeñob i yumʌntel jini winicob ba' tsac chocoyet ti pujquel, pero ma'anic mi caj c lu' jisañet. Mi caj c ju'sʌbeñet a pusic'al cha'an a mul. Ma'anic mic to'ol ñusan mulil.

Jeremias 31:20

¿Mach ba calobilic Efraín? ¿Mach ba c'uxbibilic c cha'an? ¿Mach ba jinic tsa' bʌ c meq'ue? Jujunyajl che' mi cʌ'len mic chʌn ña'tan. Jini cha'an com to j coltan ti pejtelel c pusic'al. Mi caj c pʌsben i yutslel c pusic'al, che'en lac Yum.

Jeremias 33:26

Che'ic jini mux c junyajlel choc i p'olbal Jacob yic'ot i p'olbal c winic David. Che'ic jini, ma'anic mic yajcan juntiquil i p'olbal David cha'an mi' cha'len yumʌl ti' tojlel Abraham yic'ot Isaac yic'ot Jacob yic'ot i p'olbalob. Pero xuc'ulʌch c t'an. Ña'tan che' jini mi caj c cha' coltañob. Mi caj c p'untañob, che'en lac Yum.

Ezequiel 16:60

Pero wʌle mu' to c chʌn ña'tan jini trato tsa' bʌ c mele a wic'ot che' xch'oquet to. Muq'uix i jalijel jini trato ti pejtelel ora.

Levitico 26:11

Mi caj c chumtʌl ti' la' tojlel. Ma'anic mi caj c ts'a'leñetla.

Romanos 11:2

Dios ma'anic tsi' cʌyʌ i winicob tsa' bʌ i wʌn cʌñʌyob. ¿Mach ba la' wujilic chuqui tsi' yʌlʌ i Ts'ijbujel Dios cha'an Elías? Tsi' c'ajtibe Dios ti wocol t'an cha'an mi' contrajin israelob.

Romanos 11:26

Che' jini, pejtelel israelob mi caj i coltʌntelob che' bajche' ts'ijbubil: “Tal juntiquil xColtaya loq'uem bʌ ti Sion. Mi caj i jisʌben i jontolil i p'olbal Jacob.

Juezob 2:1

I yAngel lac Yum tsa' loq'ui ti Gilgal. Tsa' letsi majlel ti Boquim. Tsi' yʌlʌ: Joñon tsac loc'sayet ti Egipto. Tsa cotsayet ti jini lum che' bajche' tsac sube a ñojte'elob. Wersa mi' ts'ʌctesan jini t'an tsa' bʌ c mele la' wic'ot.