Levitico 26:43 - Chol: I T’an Dios

⁴³ Tijicña mi caj i c'aj i yo jini lum che' jochocña mi' cʌytʌl. Che' jini mi caj i ña'tañob wersa tsi' tojoyob i mul cha'an ti' caj tsi' ñusayob c t'an. Ma'anic tsi' p'isiyob ti wenta c mandar.

Chol de Tumbalá Bible

⁴³ Tijicña mi caj i c'aj i yo jini lum che' jochocña mi' cʌytʌl. Che' jini mi caj i ña'tañob wersa tsi' tojoyob i mul cha'an ti' caj tsi' ñusayob c t'an. Ma'anic tsi' p'isiyob ti wenta c mandar.

Jiñi Tsiji' bʌ Wen T'añ cha'añ Estudio

⁴³ Pero jiñi lum jochol mi caj i cʌytʌl, che' jiñi tijicña mi caj i c'aj i yoj cha'añ ti' caj ma'añic majqui añ. Che' jiñi mi caj i ña'tañob wersa tsi' tojoyob i mul cha'añ ti' caj tsi' ñusayob c t'añ, ma'añic tsi' p'isiyob ti' wenta c mandar.”

Levitico 26:43 Iomraidhean Croise

2 Cronicas 33:12

Che' cabʌl i wocol Manasés, tsi' wen peq'uesa i bʌ ti' tojlel lac Yum, i Dios i ñojte'elob.

2 Cronicas 36:21

Che' jini tsa' ts'ʌctiyi i t'an lac Yum tsa' bʌ i sube jini x'alt'an Jeremías cha'an wersa mi' c'aj i yo i lumal Israel. Lujump'ejl i chʌnc'al jab jochol tsa' cʌle jini lum, come jini israelob tsi' ñusʌbeyob i t'an Dios. Ma'anic tsi' yʌq'ueyob i c'aj i yo i lumob.

Job 5:17

Tijicñayonla che' toj'esʌbilonla cha'an lac Yum. Jini cha'an mach ma' ts'a'len lac Yum che' mi' ju'sʌbeñet a pusic'al ti wocol.

Salmos 119:67

Che' maxto anic tsa cubi wocol tsac xoyo c bijlel. Wʌle wolix c jac'beñet a t'an.

Salmos 119:71

Uts'at tsa' ju'sʌbeyon c pusic'al yic'ot wocol Cha'an mic p'is tic wenta a ts'ijbujel.

Salmos 119:75

Cujil toj ma' cha'len meloñel, c Yum. Tsa' wʌq'ueyon wocol ti' xuc'tilel a pusic'al cha'an ma' ju'sʌbeñon c pusic'al.

Salmos 50:15

Pejcañon che' ti' yorajlel wocol. Mi caj colet. Mi caj a tsictesan c ñuclel.

Salmos 50:17

Wola' ts'a'len a cʌntesʌntel. Wola' ñusʌbeñon c t'an.

Isaias 26:16

C Yum, che' bʌ tsi' yubiyob wocol winicob, tsi' sʌclayetob. Che' bʌ tsa' ju'sʌbeyob i pusic'al, tsi' mucul pejcayetob ti oración.

Jeremias 31:19

Che' bʌ tsac tʌts'ʌ c bʌ, tsac mele c pusic'al. Che' cʌntesʌbilon, tsac ña'ta an c mul. Ch'ijiyem c pusic'al tsac cha'le quisin. Tsa' toj sajti c pusic'al cha'an chʌn cuchul to c mul c'ʌlʌl che' ch'itoñon to”. Che'ʌch woli ti t'an Efraín.

Daniel 9:14

Jini cha'an c Yum, tsa'ix a choco tilel jini ñuc bʌ wocol cha'an ma' ts'ʌctesan a t'an, come tojet c Yum Dios ti pejtelel a melbal. Ma'anic tsac ñich'ta lojon a t'an.

Levitico 26:11

Mi caj c chumtʌl ti' la' tojlel. Ma'anic mi caj c ts'a'leñetla.

Levitico 26:15

mi tsa' jach caji' la' ñusan c mandar, mi tsa' caji' la' chañ'esan la' bʌ tic tojlel cha'an mi la' ñusan c t'an, yic'ot pejtelel j cʌntesa, joñon mi caj cʌq'ueñetla wocol. Mi caj cotsʌbeñetla la' bʌq'uen. Mi caj cʌq'ueñetla jini leco bʌ ojbal, yic'ot jini c'ajc tac c'ʌlʌl mi' yajpel la' wut, c'ʌlʌl mi' toj sajtel la' pusic'al. Che' jini lolom jach mi caj la' cha'len pac', come jini la' contrajob mi caj i c'uxbeñetla.

Levitico 26:30

Mi caj c jisʌbeñetla la' dios tac yic'ot jini bubujtʌl baqui mi la' lon pul majtañʌl yic'ot i pulʌntib. Mi caj j cʌy jini chʌmenix bʌ la' bʌc'tal tac ya' ba'an la' dios tac. Ts'a' mi caj j q'ueletla.

Levitico 26:41

Jini cha'an tsac ts'a'leyob. Tsa cʌc'ʌyob ti jisʌntel ti' tojlel i contrajob. Mi che' jini mi' peq'uesañob i bʌ che' mic ju'sʌbeñob i pusic'al yic'ot wocol,

Amos 5:10

Winicob x'ixicob mi' ts'a'leñob jini xuc'ulo' bʌ i t'an mu' bʌ i subeñob i mul.

Zacarias 11:8

Ti jump'ejl jach uw tsac choco loq'uel uxtiquil jontol bʌ xcʌntayajob tsa' bʌ i ts'a'leyoñob, come tsac wen mich'leyob.

Juan 7:7

Winicob x'ixicob i cha'año bʌ pañimil mach mejlic i ts'a'leñetla. Mi' ts'a'leñoñob come mic tsictesʌbeñob jontol bʌ i melbal.

Romanos 8:7

Jini cha'an jini mu' bʌ i chʌn ña'tan chuqui yom i tsucul pusic'al woli' contrajin Dios. Ma'anic mi' jac'ben i mandar Dios. Mach mejlic i jac'ben.

Deuteronomio 32:36

Lac Yum mi caj i coltan jini israelob ti' tojlel i contrajob. Mi caj i p'untan i winicob che' ma'añobix i p'ʌtʌlel, Che' ma'anix mi' cʌytʌl, mi libre bʌ, mi mozo bʌ.