Levitico 26:39 - Chol: I T’an Dios

³⁹ Pejtelel la' pi'ʌlob mach bʌ anic mi' chʌmelob mi caj i c'unte' jilelob ti' lumal i contrajob cha'an i mul yic'ot i mul i ñojte'elob.

Chol de Tumbalá Bible

³⁹ Pejtelel la' pi'ʌlob mach bʌ anic mi' chʌmelob mi caj i c'unte' jilelob ti' lumal i contrajob cha'an i mul yic'ot i mul i ñojte'elob.

Jiñi Tsiji' bʌ Wen T'añ cha'añ Estudio

³⁹ Pejtelel la' pi'ʌlob mu' to bʌ i cʌytʌlob ya' ti' lumal la' contrajob ya'i mi caj i chʌmelob cha'añ i mul, temel mi caj i chʌmelob i ñojte'el cha'añ i mulob ja'el.”

Levitico 26:39 Iomraidhean Croise

2 Cronicas 34:24

Mi caj c jisan ili tejclum yic'ot jini wʌ' bʌ chumulob. Mi caj i tajob pejtelel jini wocol ts'ijbubil bʌ ti ili jun tsa' bʌ i q'uele jini rey ti Judá.

Esdras 9:7

C'ʌlʌl ti' yorajlel c tatob lojon, c'ʌlʌl ti ili ora, an cabʌl lojon c mul. Jini cha'an tsa'ix mʌjli i cha'añob j contrajob lojon. Tsa'ix tsʌnsʌntiyob ti espada c reyob lojon yic'ot c motomaj lojon. Lamital tsa' cʌjchiyob majlel. Tsa' chilbentiyon lojon c chubʌ'an. Tsa' ajq'uiyon lojon ti quisin che'ʌch bajche' wʌle.

Nehemias 1:9

Che' bʌ pam pujquemob la' walobilob ti ñajtʌl cha'an tsi' ñusayob c t'an, mi caj c cha' pʌyob tilel mi ti pejtelel i pusic'al mi' sutq'uiñob i bʌ ba' añon cha'an mi' jac'ob c mandar, cha'an mi' melob bajche' mic sub. Anquese ñajt pujquemob c'ʌlʌl ti junwejl pañimil, mi caj c cha' tempañob. Mi caj c pʌyob tilel ti jini lum yajcʌbil bʌ c cha'an ba' mi caj cʌc' ti c'uxbintel j c'aba'”, che'et.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Exodo 34:7

Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Isaias 14:21

La' tsʌnsʌnticob cha'an jontol jax i tat. La' jilicob ame cajic i ch'ʌmbeñob i yumʌntel, ame cajic i cha' wa'chocoñob jini tejclum tac, come ts'a'lebil jini rey ti Babilonia.

Jeremias 29:12

Che' jini mi caj la' pejcañon. Mi caj la' tilel la' pejcañon ti oración. Joñon mi caj cubibeñetla la' t'an.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 31:29

Ti jim bʌ ora ma'anix mi caj i chʌn alob: “Woliyob ti wocol i yalobilob cha'an ti' caj i mul i tat i ña'”, mach chʌn che'obix.

Lamentaciones 1:3

¿Chucoch cʌchʌl tsa' pʌjyi majlel Judá ti' wenta i yum am bʌ ti ñajtʌl? Cha'an ti' caj i mul. Tsi' cʌchʌ yaño' bʌ. Tsi' tic'layob. Wʌle majlemix ti ñajtʌl. Che jach meq'uel i c'ʌb. Ma'anic i ñʌch'tilel i pusic'al come añʌchix ti' wenta xtic'layajob.

Lamentaciones 4:9

Tijicñayob jini tsa' bʌ chʌmiyob ti espada. P'ump'uñob jini woliyo' bʌ ti chʌmel ti wi'ñal. C'unte' woli' chʌmelob cha'an ma'anic i bʌl i ñʌc'.

Ezequiel 18:19

Jatetla mi la' wʌl: “¿Chucoch ma'anic mi' tojben i mul i tat jini ch'iton?” che'etla. Pero jini ch'iton mi tsi' mele chuqui wen yic'ot chuqui uts'at, mi tsi' jac'beyon c t'an, cuxul mi caj i yajñel.

Ezequiel 20:43

Ya'i mi caj la' cha' ña'tan bajche' tsa' la' ñusa q'uin ti yambʌ ora, yic'ot pejtelel leco tac bʌ la' melbal, yic'ot chuqui tac bibi' tsa' la' mele. Mi caj la' mel la' pusic'al cha'an la' mul.

Ezequiel 24:23

Ma'anic mi caj la' joch i cʌjchil la' jol yic'ot la' zapato. Ma'anic mi caj la' cha'len uq'uel. Pero mi caj la' jisʌntel yic'ot cabʌl wocol cha'an ti' caj la' mul. Ti jujuntiquiletla mi caj la' cha'len ajcʌn.

Ezequiel 33:10

Jini cha'an, i yalobil winic, subeñob jini israelob: “Jatetla woli la' wʌl: Cabʌl jax lojon c mul. Wen wocol wolij cuch lojon. Wolic jilel lojon. ¿Bajche' mi caj c cha' colel lojon? che'etla”.

Ezequiel 36:31

Che' jini quisintic mi caj la' wubin che' mi la' cha' ña'tan jontol bʌ la' melbal yic'ot jini mach bʌ uts'atic tsa' bʌ la' mele.

Ezequiel 4:17

Mi caj i jilel i waj yic'ot i ya'al. Ti jujuntiquil mi caj i q'uelob i pi'ʌlob yic'ot bʌq'uen. Che'ʌch mi caj i jilelob cha'an ti' caj i mul.

Ezequiel 6:9

Jini tsa' bʌ coliyob mi caj i chʌn ña'tañoñob ya' ba' pujquemob, come mi caj cʌq'ueñob i melob i pusic'al cha'an tsi' c'uxbiyob dioste' tac ti' ts'i'lel i pusic'al. Ti jim bʌ ora mi caj i yubiñob quisin cha'an i mul tsa' bʌ i meleyob.

Oseas 5:15

Jini cha'an joñon mi caj cʌyob. Mi caj c cha' majlel ba' tsa' tiliyon jinto mi' ña'tañob i mul. Che' jini mi caj i cha' sʌclañoñob. Che' cabʌlobix i wocol mi caj i cha' ña'tañoñob.

Zacarias 10:9

Tsaj cʌn chocoyob majlel ti ñajt tac bʌ tejclum, pero ya'i mi caj c'ajtiyel i cha'añob. Mi caj i cha' sujtelob ba' añon yic'ot i yalobilob.

Numeros 14:18

Uts'at a pusic'al c Yum. Jal ma' cuchbeñon lojon c mul. Wen a wujil p'untaya. Ma' ñusʌbeñon lojon c mul yic'ot c jontolil lojon. Tojet ja'el. Wersa mi caj a wʌq'ueñob i tojol i mul jini xmulilob, yic'ot i yalobilob, yic'ot i butsob, yic'ot i p'olbalob i buts. Mi caj i tojbeñob i mul ti chʌnlajmlel.

Deuteronomio 28:65

Ma'anic mi caj a taj c'aj o baqui jach ma' majlel ti yan tac bʌ tejclum. Ma'anic mi caj a wubin a tijicñʌyel. Lac Yum mi caj i wen aq'ueñet bʌq'uen. Mi caj i toj sajtel a pusic'al. Wen ch'ijiyem jax a pusic'al mi caj a wubin.

Deuteronomio 30:1

Che' bʌ tsa'ix ujti pejtelel iliyi ti a tojlel, pejtelel jini bendición yic'ot wocol tsa' bʌ c subeyet, mi tsa' cha' c'ajtesa ya' ba' pam pujquemet ti yan tac bʌ tejclum baqui tsi' chocoyet majlel lac Yum Dios, mi a womix a cʌy a mul,

Deuteronomio 5:9

Mach a cotchocon a bʌ ti' tojel i wut. Mach a diosiñob, come a Yumon a Dioson. Cujil mich'ajel che' ma'anic mij c'uxbintel. Mi cʌq'ueñob wocol winicob ti caj i mul i tat c'ʌlʌl mi' yubiñob i butsob, yic'ot i yalobilob i butsob jini winic mu' bʌ i ts'a'leñon.

Deuteronomio 8:20

Che' bajche' lac Yum tsi' jisa winicob ti mojt ti mojt cha'an mi' yotsañetla ti' lumob, che' ja'el mi caj i jisañetla cha'an mach la' womic la' jac'ben i mandar.