Levitico 26:37 - Chol: I T’an Dios

³⁷ Mi caj i laj bʌ cujob i bʌ cha'an mi' cha'leñob puts'el, come mi' lon ña'tañob an majqui mi caj i tsʌnsañob. Che' jini mach mejlix la' mʌlben jini la' contrajob.

Chol de Tumbalá Bible

³⁷ Mi caj i laj bʌ cujob i bʌ cha'an mi' cha'leñob puts'el, come mi' lon ña'tañob an majqui mi caj i tsʌnsañob. Che' jini mach mejlix la' mʌlben jini la' contrajob.

Jiñi Tsiji' bʌ Wen T'añ cha'añ Estudio

³⁷ Mi caj i laj bʌ cujob i bʌ che' mi' cha'leñob puts'el, come mi' lon ña'tañob añ majqui mi caj i tsʌnsañob, che' jiñi mach mejlix la' mʌlben la' contrajob.

Levitico 26:37 Iomraidhean Croise

Isaias 10:4

Ma'anic mi caj j coltañetla. Mi caj la' mucul wutstʌl yic'ot xñujp'elob. Mi caj la' yajlel yic'ot jini tsʌnsʌbilo' bʌ. Anquese cabʌl la' wocol mach lajmic i mich'ajel lac Yum. Sʌts'ʌl to i c'ʌb cha'an mi' chʌn tic'lañetla.

Jeremias 37:10

Mi tsa' mʌjli a cha'an, mi tsa' jach cʌle cha'tiquil uxtiquil caldeojob lojwemo' bʌ che' laj majlemobix i pi'ʌlob, jasʌl cha'tiquil uxtiquil cha'an mi' pulob ili tejclum ti c'ajc. Che' woli' yʌl lac Yum”. Che' yom ma' suben, che'en lac Yum.

Jeremias 46:16

Lac Yum tsi' yʌc'ʌ ti yajlel cabʌlob. P'ulul tsa' yajliyob. Tsi' yʌlʌyob: Conla ti sujtel ti lac lumal ba'an lac pi'ʌlob, come cabʌl woli lac jilel ti espada, che'ob.

Jeremias 6:21

Jini cha'an lac Yum woli' yʌl: Woli cʌc' xajlel ti bij ba' mi caj i jats'ob i yoc winicob yic'ot i yalobilob, yic'ot i pi'ʌlob yic'ot i cʌñʌyo' bʌ.

Levitico 26:17

Mi caj j contrajiñetla. Mi caj la' puts'el ti' tojlel la' contrajob. Majqui jach ts'a' mi' q'ueletla, mi caj i p'ump'un tic'lañetla. Mi caj la' to'o cha'len bʌq'uen che' ma'anic majch woli' yajñesañetla.

Nahum 3:3

Q'uele jini lemlemña bʌ espada yic'ot lanza tac chucul bʌ i cha'an jini c'ʌchʌlo' bʌ soldadojob. Mach mejlic ti tsijquel jini chʌmeño' bʌ. Lʌtsʌlob ti calle tac jini ch'ujlelʌlob ti pejtelel jini tejclum. Winicob mi' jats'ob i yoc ti ch'ujlelʌl baqui jach mi' ñumelob.

Numeros 14:42

Lolom jax mi la' letsel majlel, come ma'anic mi' majlel lac Yum la' wic'ot. Mach chʌn majliquetla, ame jisʌntiquetla ti' tojlel la' contrajob.

Juezob 2:14

Tsa' tili i mich'ajel lac Yum ti' contra Israel. Tsi' yʌc'ʌyob ti' c'ʌb xujch'ob tsa' bʌ i chilbeyob i chubʌ'an. Tsi' choñoyob ti' c'ʌb i contrajob año' bʌ ti' joytilel. Ma'anic tsa' mejliyob ti leto yic'otob i contra.

Juezob 7:22

Che' bʌ tsi' wusuyob trompeta jini jo'lujunc'al israelob, lac Yum tsi' yʌq'ue madiañob i wʌlʌc tsʌnsañob i bʌ ti' tojlel i pi'ʌlob ya' ba' tempʌbilob. Jini soldadojob tsa' puts'iyob majlel ti Betsita, ya' ti' tojel Zerera, yic'ot c'ʌlʌl ba' jaxʌl i lumal Abelmehola ti Tabat.

1 Samuel 4:2

Jini filisteojob tsa' c'oti i tajob israelob ti guerra. Tsa' wen mʌjli i cha'añob. Tsa' jisantiyob chʌmp'ejl mil israelob.