Levitico 26:34 - Chol: I T’an Dios

^34-35 Che' jini mi caj i c'aj i yo pejtelel jini la' wumulel tac. Mi caj i c'aj i yo la' lum che' ya' añetla ti' lumal la' contrajob. Ti pejtelel ora che' jochol mi caj i c'aj i yo, jiñʌch i wentajlel cha'an ma'anic tsa' la' wʌq'ue i c'aj i yo che' ti' wuwucp'ejl jab che' bʌ ya'to chumuletla.

Chol de Tumbalá Bible

^34-35 Che' jini mi caj i c'aj i yo pejtelel jini la' wumulel tac. Mi caj i c'aj i yo la' lum che' ya' añetla ti' lumal la' contrajob. Ti pejtelel ora che' jochol mi caj i c'aj i yo, jiñʌch i wentajlel cha'an ma'anic tsa' la' wʌq'ue i c'aj i yo che' ti' wuwucp'ejl jab che' bʌ ya'to chumuletla.

Jiñi Tsiji' bʌ Wen T'añ cha'añ Estudio

³⁴ Che' jiñi mi caj i c'aj i yoj jiñi la' lum c'ʌlʌl che' ya' añetla ti' lumal la' contrajob; che' jiñi mi caj i c'aj i yoj jiñi la' lum.

Levitico 26:34 Iomraidhean Croise

1 Reyob 8:46

Mi tsi' cha'leyob mulil ti a tojlel, come an lojon c mul tic pejtelel lojon, mach ma' cʌyob che' mich'et che' ma' wʌc'ob ti' c'ʌb i contrajob cha'an mi' cʌjchelob majlel ti yambʌ lum, mi ti ñajt mi ti lʌc'ʌl.

2 Cronicas 36:21

Che' jini tsa' ts'ʌctiyi i t'an lac Yum tsa' bʌ i sube jini x'alt'an Jeremías cha'an wersa mi' c'aj i yo i lumal Israel. Lujump'ejl i chʌnc'al jab jochol tsa' cʌle jini lum, come jini israelob tsi' ñusʌbeyob i t'an Dios. Ma'anic tsi' yʌq'ueyob i c'aj i yo i lumob.

Jeremias 34:17

Jini cha'an lac Yum woli' yʌl: Ma'anic tsa' la' jac'ʌ c t'an cha'an mi la' wʌc' ti colel la' pi'ʌlob woliyo' bʌ ti majtan e'tel. La' wila to, woli cʌq'uetla ti libre cha'an mi la' chʌmel ti espada yic'ot ti c'amʌjel yic'ot ti wi'ñal, che'en lac Yum. Mi caj i toj sajtelob i pusic'al pejtel winicob ti pañimil che' mi' q'ueletla.

Levitico 25:10

I lujump'ejlelix i yuxc'al (50) i jabil yom mi la' q'uel ti ch'ujul. Yom mi la' wʌc' ti colel pejtel la' pi'ʌlob chucbilo' bʌ ti majtan e'tel ti pejtelel la' lumal. Jiñʌch i yorajlel cha'an mi la' yʌp pejtelel jini bet tac. Jini lum tsa' bʌ chojñi mi caj i cha' aq'uentel i yum.

Levitico 26:43

Tijicña mi caj i c'aj i yo jini lum che' jochocña mi' cʌytʌl. Che' jini mi caj i ña'tañob wersa tsi' tojoyob i mul cha'an ti' caj tsi' ñusayob c t'an. Ma'anic tsi' p'isiyob ti wenta c mandar.