Levitico 26:33 - Chol: I T’an Dios

³³ Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.

Chol de Tumbalá Bible

³³ Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.

Jiñi Tsiji' bʌ Wen T'añ cha'añ Estudio

³³ Pero jatetla mi caj c pam puquetla ti pejtelel pañimil, mi caj cʌq'uetla ti jilel ti espada. Che' jiñi, jochocña mi caj i cʌytʌl la' lum yic'ot la' tejclum tac.

Levitico 26:33 Iomraidhean Croise

1 Reyob 8:46

Mi tsi' cha'leyob mulil ti a tojlel, come an lojon c mul tic pejtelel lojon, mach ma' cʌyob che' mich'et che' ma' wʌc'ob ti' c'ʌb i contrajob cha'an mi' cʌjchelob majlel ti yambʌ lum, mi ti ñajt mi ti lʌc'ʌl.

2 Reyob 25:9

Tsi' pulbe i yotot lac Yum yic'ot i yotot jini rey. Pejtelel jini otot tac ti tejclum tsa' laj puli, yic'ot ja'el i yototob jini año' bʌ i ye'tel.

2 Cronicas 7:19

Pero mi mach xuc'uleticla quic'ot, mi tsa' la' cʌyʌ la' jac'beñon c subal yic'ot c mandar cha'an mi la' ch'ujutesan jini mach bʌ diosic,

Nehemias 1:3

Tsi' subeyoñob: Cabʌl woli yubiñob wocol jini judíojob ya' bʌ chumulob. Ma'anic jaytiquilob tsa' bʌ cʌleyob ti lum che' bʌ tsa' wersa pʌjyiyob i pi'ʌlob. Cabʌl woli' ts'a'lentelob. Jejmen to jini ts'ajc am bʌ ti' joytilel Jerusalén. Tsa' laj puli jini colem tranca tac ya' ti' yochib tejclum, che'ob.

Nehemias 1:8

Ña'tan jini t'an tsa' bʌ a wʌq'ue Moisés jini a winic. Tsa' sube: “Mi mach xuc'ulic mi la' jac'beñon c t'an, mi caj c pam puquetla majlel ti ñajtʌl ba'an yan tac bʌ winicob x'ixicob.

Ester 3:8

Amán tsa' caji' suben jini rey Asuero: An winicob x'ixicob pam pujquemo' bʌ ti jujump'ejl colem tejclum ti a yumʌntel. Yambʌyʌch i ley, mach lajalic bajche' lac ley. Ma'anic mi' jac'beñob i ley jini rey. Jini cha'an mach yomic mi lac chʌn cuchbeñob i mul jini winicob x'ixicob.

Salmos 106:27

Mi caj i pucbeñob majlel i p'olbal ti' tojlel sajtemo' bʌ Cha'an mi' pam pujquelob ti selol pañimil.

Salmos 44:11

Che' bajche' mi' tsʌnsʌntel tiñʌme' tsa' wʌc'ʌyon lojon ti chʌmel. Tsa' pucuyon lojon ti' tojlel jini mach bʌ c pi'ʌlobic lojon.

Salmos 44:12

Tsa' wʌc'ʌ a winicob x'ixicob ti' wenta i contrajob ti che jachi. Ma'anic tsa' ch'ʌmbeyob i tojol.

Isaias 1:7

Pujch'emix a lum Judá. Tsa'ix sujti ti c'ʌnc'ʌn. Tiquinix. Pulbilix a tejclum tac. Jini ñajt bʌ ch'oyolob woli' c'uxob i wut a pʌc'bal che' tulul a wut wola' q'uelob.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Jeremias 13:24

Mi caj c puquetla che' bajche' i sujl ixim mu' bʌ i wejlan majlel ic'.

Jeremias 15:4

Mi' cajelob ti bʌq'uen pejtel winicob ti pañimil che' mi' q'uelob. Ti' caj i mul Manasés (i yalobil Ezequías) tsa' bʌ i cha'le yumʌl ti Jerusalén, woli cʌc'ob ti chʌmel.

Jeremias 31:10

Ubinla i t'an lac Yum winicob ti jujump'ejl tejclum. Pam pucula ti ñajtʌl ya' ba'an lum joyol bʌ ti ja'. Subeñob: “Jini tsa' bʌ i pam pucu israelob mi caj i cha' much'quiñob tilel. Mi caj i cʌntañob che' bajche' xcʌnta tiñʌme', come i yʌlac'ob”. Che'ʌch yom ma' subeñob.

Jeremias 4:7

P'ʌtʌlʌch che' bajche' bajlum jini tal bʌ i jisan cabʌl tejclum. Wolix ti jijlel ti pisil bʌ otot jinto mi' laj jochtesan la' lum. Jochol mi' cajelob ti cʌytʌl la' tejclum tac. Laj majlemob i yum otot.

Jeremias 7:34

Mi caj c jisañob jini yujilo' bʌ c'ay yic'ot tse'ñal ti Jerusalén yic'ot ti' tejclum tac Judá. Ñʌch'ʌlix i bijlel tac. Ma'anic mi caj i chʌn ubintel i t'an xch'oc yic'ot ch'iton. Ma'anix xñujpuñijel. Jochol mi caj i cʌytʌl jini lum.

Jeremias 8:3

I colojbal winicob ts'a' mi caj i q'uelob i cuxtʌlel che' ti' yorajlel wocol. Mi caj c pucob majlel ti ñajtʌl, che'en i Yum Panchan yic'ot Pañimil.

Jeremias 9:16

Mi caj c pam pucob ti yan tac bʌ tejclum mach bʌ i cʌñʌyobic, mach bʌ i cʌñʌyobic i tatob. Ya'ix mi caj cajñesañob yic'ot espada jinto mic laj jisañob.

Lamentaciones 1:1

Jiñʌch i t'an Jeremías: Ñʌch'ʌlix i bijlel tac Jerusalén ba' motocña winicob x'ixicob ti yambʌ ora. Ch'ijiyem jini tejclum che' bajche' meba' x'ixic che' i bajñel mi' cʌytʌl. Ti yambʌ ora tsa' q'uejli ti ñuc ti pejtelel pañimil. Wʌle ts'a'lebilix che' bajche' xñujp'el.

Lamentaciones 1:3

¿Chucoch cʌchʌl tsa' pʌjyi majlel Judá ti' wenta i yum am bʌ ti ñajtʌl? Cha'an ti' caj i mul. Tsi' cʌchʌ yaño' bʌ. Tsi' tic'layob. Wʌle majlemix ti ñajtʌl. Che jach meq'uel i c'ʌb. Ma'anic i ñʌch'tilel i pusic'al come añʌchix ti' wenta xtic'layajob.

Lamentaciones 4:15

I pi'ʌlob tsi' subeyob: Cucula, bibi'etla. Cucula, ame la' pʌc'on lojon, che'ob. Tsa' puts'iyob. Tsa' ñumiyob ti pañimil. Ma'anic majqui tsi' pʌyʌyob ti chumtʌl. Mach mi la' wajñel quic'ot lojon, che'ob pejtel winicob.

Lamentaciones 4:16

Lac Yum tsi' pucuyob. Mach uts'atic mi' q'uelob. Ma'anic tsi' c'uxbiyob jini motomajob. Ma'anic tsi' pejcayob jini xñoxo' bʌ ti uts bʌ t'an.

Ezequiel 12:20

Jochocña mi caj i cʌytʌl pejtelel la' tejclum tac, yic'ot pejtelel la' lumal. Mi caj la' ña'tan la' Yumon”. Che' tsi' yʌlʌ lac Yum.

Ezequiel 20:23

Ya' ti tiquin bʌ lum tsac wa'chocobeyob c t'an cha'an muq'uix c pam pucob ti pejtelel lum tac yic'ot ti pejtelel tejclum tac.

Ezequiel 22:15

Mi caj c pam puquetla ti pañimil. Mi caj c sʌq'uesañetla ti pejtelel la' jontolil.

Ezequiel 5:2

Yom ma' wʌc' jump'is ya' ti yojlil i planojlel Jerusalén. Ya'i mi caj a pul che' ujtemix a wubin jini wocol. Yambʌ jump'is mi caj a tsep yic'ot espada ya' ti' joytʌlel i planojlel tejclum. Yambʌ jump'is mi caj a puc ti ic', i wentajlel c tejclumob mu' bʌ caj cajñesan yic'ot espada.

Amos 9:4

Mi cʌchʌl mi' pʌjyelob majlel ti' lumal i contrajob, mi caj cʌc' mandar cha'an mi' tsʌnsʌntelob ti espada. Joñon mi caj j q'uelob cha'an mij contrajiñob. Ma'anic mi caj j coltañob, che'en lac Yum.

Zacarias 7:14

Tsac pam pucuyob che' bajche' p'ʌtʌl bʌ ic' ti ñajt tac bʌ pañimil ti' tojlel jini mach bʌ i pi'ʌlobic. Ch'ijiyem tsa' cʌle i lum. Ma'anic majqui tsa' chʌn ñumi ya'i. Jochol tsa' cʌle jini uts'at bʌ lum tsa' bʌ i lon mulayob. Che' tsi yʌlʌ i Yum Panchan yic'ot Pañimil.

Lucas 21:24

Mi caj i yajlelob cha'an ti' yej machit. Mi caj i chujquelob majlel ti pejtelel lum. Jerusalén mi caj i t'uchtʌntel cha'an gentilob c'ʌlʌl mi' ts'ʌctiyel i yorajlel gentilob.

Deuteronomio 4:27

Lac Yum mi caj i pam puquetla ti yan tac bʌ lum. Ts'ita jach mi caj la' cʌytʌl ya' ba' mi caj i pʌyetla majlel lac Yum.

Santiago 1:1

Santiagojon, x'e'telon i cha'an Dios yic'ot lac Yum Jesucristo. Mic ts'ijbubeñetla ili jun i p'olbalet bʌ la jini lajchʌntiquil i yalobil Israel, pujquemet bʌ la ti pejtelel pañimil. Mi cʌq'ueñetla cortesía.