Levitico 26:32 - Chol: I T’an Dios

³² Jochocña' mi caj i cʌytʌl jini pañimil. La' contrajob mi caj i yajñelob ti la' lumal. Mi caj i toj sajtelob i pusic'al cha'an la' wocol.

Chol de Tumbalá Bible

³² Jochocña' mi caj i cʌytʌl jini pañimil. La' contrajob mi caj i yajñelob ti la' lumal. Mi caj i toj sajtelob i pusic'al cha'an la' wocol.

Jiñi Tsiji' bʌ Wen T'añ cha'añ Estudio

³² “Jochocña mi caj i cʌytʌl jiñi pañimil, ixcu jiñi la' contrajob mu' bʌ caj i tilelob ti chumtʌl ti la' lumal, mi caj i toj sajtelob i pusic'al cha'añ la' wocol.

Levitico 26:32 Iomraidhean Croise

1 Reyob 9:8

Ili Templo mi caj i jejmel. Majqui jach mi' ñumel ilayi ba' p'ul jembil ili xajlel mi caj i yʌl: “¿Chucoch tsa' jejmi? Jini lac Yum ¿mach ba anic tsi' c'uxbi i lum yic'ot i Templo?” che'ob.

Isaias 24:1

Awilan lac Yum mi caj i jisan a lumal, Judá. Mi caj i yʌc' ti sujtel ti mate'el. Mi caj i puc majlel winicob ti pejtelel pañimil.

Isaias 5:6

Mux caj c junyajlel cʌy. Ma'anix mi caj c chʌn ac' ti porajintel mi ti ac'ñʌntel. La' to wats pim'ac ti ch'ixol yic'ot tsajatuñol. Mux caj c tic' jini tocal cha'an ma'anix mi' chʌn yʌsan ja'al ya' ti' tojlel. Che' tsi' yʌlʌ lac Yum.

Isaias 5:9

Lac Yum tsa'ix i tsictesʌbeyon: Jocholix jini colem otot wen uts'at tac bʌ. Ma'añobix i yumob.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Isaias 64:10

Tsa'ix sujti ti tiquiñal bʌ pañimil jini ch'ujul bʌ a tejclum tac ti Israel. Jisʌbilix Jerusalén.

Jeremias 12:11

Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Jeremias 18:16

Jini cha'an jochol mi caj i junyajlel cʌytʌl i lum. Mi caj i toj sajtelob i pusic'al jini xñumelob che' jochol mi' q'uelob.

Jeremias 19:8

Mi caj i toj sajtel i pusic'al majqui jach mi' q'uel ili tejclum che' jisʌbilix c cha'an ti ñuc bʌ wocol.

Jeremias 25:11

Pujch'emix mi' majlel ili lum. Jini cʌchbilo' bʌ loq'uel ti' lumal mi caj i yumañob Nabucodonosor rey ti Babilonia. Lujump'ejl i chʌnc'al jab (70) mi caj i jac'ob.

Jeremias 25:18

Bʌbʌq'uen jax jini wocol tsa' bʌ tili ti' tojlelob. Tsa' jili Jerusalén yic'ot i tejclum tac Judá yic'ot i reyob yic'ot ñuco' bʌ i ye'tel. C'ʌlʌl wʌle woli' ts'a'lentelob, woli' wajlentelob, woli' p'ajtʌlob.

Jeremias 25:38

Tsa'ix loq'ui i sʌclan i buc'bal che' bajche' bajlum. Jocholix i lumal Judá. Cha'an mich' lac Yum tsa' jisʌntiyob ti espada jini ya' bʌ chumulob.

Jeremias 33:10

Lac Yum woli' yʌl: Tsi' yubiyob laj pujch'emix ili lum. Ma'anic majqui wʌ' chumul mi winic mi bʌte'el. Jocholix i tejclum tac Judá yic'ot i bijlel tac Jerusalén. Pero wʌ' ba' ch'ijiyem pañimil mi caj i cha' ubintel

Jeremias 44:2

I Yum Panchan yic'ot Pañimil, i Dios Israel woli' yʌl: Tsa' la' q'uele jini ñuc bʌ wocol tsa' bʌ c chocbeyob jini año' bʌ ti Jerusalén yic'ot i tejclum tac Judá. La' wilan lu' jocholix. Ma'anix i yum.

Jeremias 44:22

Mach chʌn cuchbilix i cha'an la' jontolil yic'ot pejtelel chuqui mi la' mel. Jini cha'an tsa' pujch'i la' lum. Tsa' sujti ti tiquin bʌ lum mach bʌ anic i c'ʌjñibal. Ma'anix i yumob. Tsa' p'ajleyob jini ya' bʌ chumulob. Tsa' jiliyob. Jini cha'an woliyetla ti wocol wʌle.

Jeremias 9:11

Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Lamentaciones 4:12

Jini reyob ti pañimil ma'anic tsi' ñopoyob. Ma'anic majqui tsi' ñopo anquese wʌn subebilob cha'an talob laj contrajob mu' bʌ caj i jisañob Jerusalén.

Lamentaciones 5:18

Cabʌl woli' p'ojlelob wax ya' ti wits Sion ba' ma'añobix winicob.

Ezequiel 5:15

Mi caj i tse'tañetla. Mi caj i tajob i cʌntesʌntel cha'an ti' caj la' wocol. Mi caj i ña'tañob wen bʌc'ñʌbilon che' mich'on. Bʌbʌq'uen mi' jilelob cha'an i mul che' mi cʌq'ueñob i toj.

Daniel 9:18

C Dios, ñich'tan c t'an. Wen q'uele bajche' wolic tic'lʌntel lojon. P'ul jembil a tejclum. Laj yujilob a cha'añʌch jini tejclum. Mij c'ajtibeñet lojon wocol t'an, p'untañon lojon anquese ma'anic c wenlel lojon, come cabʌl i yutslel a pusic'al.

Habacuc 3:17

Anquese ma'anic mi' cha'len ñich jini higuera te', anquese ma'anic mi' yʌc' i wut jini ts'usubil, anquese ma'anic mi' wen loq'uel i wut olivote', anquese ma'anic mi' yʌc' i wut lac pʌc'ʌb cha'an jasʌl mi laj c'ux, anquese mi' chʌmel alʌc'ʌl ya' ti potrero, anquese jochol mi' cʌytʌl jini corral,

Lucas 21:20

Che' mi la' q'uel Jerusalén joyol bʌ ti soldadojob, ña'tanla che' jini, lʌc'ʌlix i yorajlel i jisʌntel.

Deuteronomio 28:37

Bʌbʌq'uen mi caj a wubin. Mi caj i wajleñetob. Mi caj i ts'a'leñetob jini winicob x'ixicob ti yan tac bʌ tejclum, ya' ba' mi caj i pʌyet majlel lac Yum.