Levitico 26:30 - Chol: I T’an Dios

³⁰ Mi caj c jisʌbeñetla la' dios tac yic'ot jini bubujtʌl baqui mi la' lon pul majtañʌl yic'ot i pulʌntib. Mi caj j cʌy jini chʌmenix bʌ la' bʌc'tal tac ya' ba'an la' dios tac. Ts'a' mi caj j q'ueletla.

Chol de Tumbalá Bible

³⁰ Mi caj c jisʌbeñetla la' dios tac yic'ot jini bubujtʌl baqui mi la' lon pul majtañʌl yic'ot i pulʌntib. Mi caj j cʌy jini chʌmenix bʌ la' bʌc'tal tac ya' ba'an la' dios tac. Ts'a' mi caj j q'ueletla.

Jiñi Tsiji' bʌ Wen T'añ cha'añ Estudio

³⁰ Mi caj c jembeñetla jiñi bujbujtʌl tac, mi caj c jisʌbeñetla la' dios tac, mi caj cʌc' jiñi chʌmeñix bʌ la' bʌc'tal tac ya' ba'añ la' dios tac tsa'ix bʌ jisʌnti, ixcu joñon ts'a' mi caj j q'ueletla.

Levitico 26:30 Iomraidhean Croise

Genesis 19:13

Come mi caj c jisan lojon ili tejclum, come cabʌl jax i mul ili winicob ti Sodoma. Tsa' c'ʌlʌl c'oti i tuwel ti panchan. Lac Yum tsi' chocoyon lojon tilel cha'an mic jisan lojon ili tejclum, che'ob.

1 Reyob 13:2

Cʌntesʌbil ti lac Yum tsi' cha'le t'an ti' contra jini pulʌntib. Tsi' yʌlʌ: Ubin i t'an lac Yum: “Mi caj i yilan pañimil juntiquil i p'olbal David i c'aba' Josías. Josías mi caj i yʌc' ti ili pulʌntib i bʌquel jini payxo motomajob mu' bʌ i pulob pom ilayi. Mi caj i pulben i bʌquel jini payxo bʌ motomajob ti ili pulʌntib”, che'en lac Yum. Che' tsi' yʌlʌ jini x'alt'an.

1 Reyob 13:32

come mi caj i ts'ʌctiyel i t'an lac Yum tsa' bʌ ajli ti' contra jini pulʌntib am bʌ ti Betel, ti' contra jini bujbujtʌl ba' mi' ch'ujutesañob dioste' tac ti pejtelel tejclum ti Samaria. Che' tsi' yʌlʌ jini ñoxix bʌ x'alt'an.

2 Reyob 23:16

Che' bʌ tsi' sutq'ui i bʌ Josías, tsi' q'uele mucoñibʌl ya' ti wits. Tsi' choco ti ch'ʌjmel tilel jini bac tac. Tsi' pulu ya' ti pulʌntib am bʌ ti Betel. Che' jini tsa' ts'ʌctiyi i t'an lac Yum che' bajche' tsi' wʌn subu i winic Dios.

2 Reyob 23:20

Tsi' tsʌnsa pejtel i motomajob dios tac ya' ti' pulʌntib i dios. Ya' tsi' pulbeyob i bʌquel winicob. Che' ujtemix tsa' cha' sujti ti Jerusalén.

2 Reyob 23:8

Tsi' choco ti pʌyol i motomajob lac Yum pujquemo' bʌ ti' tejclum tac Judá cha'an mi' tilelob ti chumtʌl ti Jerusalén. Tsi' jeme jini bujbujtʌl ba' tsi' puluyob pom jini motomajob ti Geba c'ʌlʌl ti Beerseba. Tsi' jeme ja'el jini pulʌntib tac ya' ti' yochibʌl i yotot Josué jini gobernador ti jini tejclum. An ti lac ts'ej che' mi la cochel ti' ti' jini tejclum.

2 Cronicas 31:1

Che' bʌ tsa' majliyob jini israelob, tsa' ñumiyob ti Jerusalén yic'ot ti pejtelel tejclum tac ti Judá, Benjamín, Efraín yic'ot Manasés. Tsi' laj c'ʌsʌyob jini dioste' yic'ot i yejtal tac jini quisintic jax bʌ dios Asera. Tsi' laj jemeyob jini pulʌntib tac. Che' jini tsa' cha' sujtiyob majlel ti' lumal, jujuntiquil ti' chumlib.

Salmos 106:40

Jini cha'an lac Yum tsi' mich'le i cha'año' bʌ. Tsi' ts'a'leyob.

Salmos 89:38

Pero wʌle c Yum, tsa'ix a cʌyʌ jini yajcʌbil bʌ a cha'an. Tsa'ix a ts'a'le, tsa'ix a mich'le.

Isaias 27:9

Che'ʌch tsi' pocbeyob loq'uel i mul Jacob. Tsi' jisa pejtelel jini dioste' yic'ot pulʌntib, yic'ot oy tac ba' tsi' ch'ujutesayob q'uin, cha'an ma'anix mi' chʌn cha'leñob jini quisintic jax bʌ. Tsi' yʌc'ʌ ti bic'tiyel jini xajlel am bʌ ti pulʌntib cha'an ma'anic mi' chʌn ch'ujutesañob.

Jeremias 14:19

C Yum, ¿tsa' ba a junyajlel ts'a'le Judá? ¿Mach ba yujilic lajmel a mich'ajel? ¿Chucoch wen wocol tsa' wʌc'ʌyon lojon ti lojwel cha'an ma'anix mic lajmel lojon? Tsa cʌlʌ lojon mux i lajmel wocol, pero ma'anic. Junyajlel ch'ijiyem lojon c pusic'al.

Jeremias 16:18

Cha'yajl mi caj i tojob i mul cha'an tsi' bib'esayob c lum. Ya' ba' com chumtʌl tsi' p'ojlesayob i diosob. Leco mij q'uel i diosob che' bajche' ch'ujlelʌl ts'a'lebil bʌ c cha'an, che'en lac Yum.

Ezequiel 16:39

Mi caj cʌq'uet ti jilel ti' c'ʌb jini winicob. Mi caj i jemob i yotlel tac a diosob yic'ot pulʌntib tac. Mi caj i jochbeñet a pislel. Pejtelel a ch'ʌjlil mi caj i ch'ʌmob majlel. P'ump'un jax mi caj i cʌyet.

Ezequiel 43:7

Lac Yum tsi' subeyon: Jatet i yalobilet bʌ winic, ili woli bʌ a q'uel jiñʌch ba'an c buchlib, ya' baqui mi cʌc' jini coc, yic'ot ya' baqui mic cha'len chumtʌl quic'ot israelob c'ʌlʌl ti pejtelel ora. Ma'anix baqui ora mi caj i chʌn bib'esañob jini ch'ujul bʌ j C'aba' jini israelob yic'ot yumʌlob. Ma'anix mi caj i chʌn ch'ujutesañob dios tac yic'ot i yejtal tac i reyob.

Ezequiel 6:13

Che' jini mi caj la' ña'tan la' Yumon, che' ya' sʌ'sʌts' tacob ch'ujlelʌlob ya' ti' joytʌlel jini pulʌntib tac, yic'ot ti bujbujtʌl tac, yic'ot ti wits tac, yic'ot ti yebal tac te', yic'ot ba'an ch'ixol tac, yic'ot baqui tsi' pulbeyob pom i diosob.

Oseas 10:2

Cha'chajp jax i pusic'alob. Jini cha'an mi caj i tojob i mul. Lac Yum mi caj i laj jembeñob i pulʌntib tac yic'ot i diosob tsa' bʌ i meleyob.

Levitico 20:23

Mach yomic mi la' mel jini lolom jax tac bʌ che' bajche' jini winicob mu' bʌ caj c choc loq'uel ti la' tojlel, come jontol jax pejtel chuqui mi' melob. Jini cha'an wolij contrajiñob.

Levitico 26:11

Mi caj c chumtʌl ti' la' tojlel. Ma'anic mi caj c ts'a'leñetla.

Levitico 26:15

mi tsa' jach caji' la' ñusan c mandar, mi tsa' caji' la' chañ'esan la' bʌ tic tojlel cha'an mi la' ñusan c t'an, yic'ot pejtelel j cʌntesa, joñon mi caj cʌq'ueñetla wocol. Mi caj cotsʌbeñetla la' bʌq'uen. Mi caj cʌq'ueñetla jini leco bʌ ojbal, yic'ot jini c'ajc tac c'ʌlʌl mi' yajpel la' wut, c'ʌlʌl mi' toj sajtel la' pusic'al. Che' jini lolom jach mi caj la' cha'len pac', come jini la' contrajob mi caj i c'uxbeñetla.

Amos 6:8

Lac Yum Dios tsi' bajñel ac'ʌ i t'an. Lac Yum, i Dios Panchan yic'ot Pañimil, woli' yʌl: Ts'a' mij q'uel i p'olbal Jacob, come chan mi' melob i bʌ. Ts'a' mij q'uelbeñob i yotot anquese i t'ojol jax ti q'uelol. Mi caj cʌc' ti jisʌntel jini tejclum yic'ot pejtel i chubʌ'an.

Amos 7:9

Mi caj c jembeñob i yotlel tac dioste' yic'ot i pulʌntib. Mi caj c tsʌnsan ti espada i p'olbal Jeroboam, che'en.

Deuteronomio 32:19

Lac Yum tsi' q'uele chuqui woli' melob. Lac Yum tsi' ts'a'leyob, Tsa' caji i mich'len i yalobilob.