Levitico 26:25 - Chol: I T’an Dios

²⁵ Mi caj ti jisañetla espada cha'an ti caj tsa' la' ñusʌbeyon c t'an. Anquese mi la' lon ña'tan la' coltan la' bʌ ya' ti la' tejclum tac, ya'i mi caj cʌq'ueñetla leco bʌ la' c'amʌjel. Wersa mi caj i jisañetla jini la' contrajob.

Chol de Tumbalá Bible

²⁵ Mi caj ti jisañetla espada cha'an ti caj tsa' la' ñusʌbeyon c t'an. Anquese mi la' lon ña'tan la' coltan la' bʌ ya' ti la' tejclum tac, ya'i mi caj cʌq'ueñetla leco bʌ la' c'amʌjel. Wersa mi caj i jisañetla jini la' contrajob.

Jiñi Tsiji' bʌ Wen T'añ cha'añ Estudio

²⁵ Mi caj c pʌy tilel mu' bʌ i jisañetla ti espada cha'añ ti' caj tsa' la' jeme jiñi xuc'ul bʌ c t'añ. Mi tsa' la' sʌcla la' puts'ib ya' ti la' tejclum tac, ya'i mi caj c choc majlel leco bʌ c'am-ʌjel, yic'ot mi caj la' wʌjq'uel ti' c'ʌb la' contrajob.”

Levitico 26:25 Iomraidhean Croise

2 Samuel 24:15

Che' jini lac Yum tsi' choco tilel c'amʌjel tsa' bʌ i tsʌnsa israelob. Tsa' tejchi ti sʌc'ajel. Tsa' jal'a uxp'ejl q'uin. Tsa' chʌmiyob lujump'ejl i chʌnc'al mil (70,000) winicob ti Dan c'ʌlʌl ti Beerseba.

1 Reyob 8:33

Che' mi' yubiñob wocol a cha'año' bʌ ti' tojlel i contrajob cha'an tsi' ñusayob a t'an, mi tsi' cha' sutq'uiyob i bʌ ti a tojlel cha'an mi' c'ajtiñob i ñusʌntel i mul wʌ' ti' tojel a wotot, yom ma' ñich'tʌbeñob i t'an ya' ti panchan. Yom ma' ñusʌbeñob i mul. Cha' pʌyʌyob tilel ti jini lum tsa' bʌ a wʌq'ueyob i ñojte'elob.

1 Reyob 8:37

Che' an wi'ñal ila ti pañimil, o mi jontol tac bʌ c'amʌjel, o mi i chʌnil pʌc'ʌbʌl che' bajche' jini sajc' mu' bʌ i mʌctan pañimil, o mi an i tic'lʌntel a cha'año' bʌ ti jump'ejl tejclum cha'an i contrajob, o mi tal bʌbʌq'uen bʌ c'amʌjel,

2 Reyob 17:3

Salmanasar jini rey ti Asiria tsa' tili i contrajin Oseas ti guerra. Oseas tsa' caji i yuman Salmanasar. Tsi' chocbe majlel tojoñel.

2 Cronicas 24:24

Anquese ma'anic jaytiquilob jini siriajob tsa' bʌ tiliyob, lac Yum tsi' yʌc'ʌ ti jilel cabʌl israelob ti' caj i mul cha'an tsi' cʌyʌyob lac Yum, i Dios i ñojte'elob. Che' jini tsa' ju'sʌnti i pusic'al Joás.

Salmos 94:1

C Yum Dios, jatet mu' bʌ a q'uextan jontolil, pʌsʌ a bʌ.

Exodo 5:3

Tsi' yʌlʌyob: I Dios hebreojob tsi' pejcayon lojon. Jini cha'an wersa mic majlel lojon uxp'ejl q'uin xʌmbal ya' ti colem bʌ i tiquiñal lum. Mi caj cʌq'uen lojon tsʌnsʌbil bʌ i majtan c Yum Dios, ame i tsʌnsañon lojon ti c'amʌjel yic'ot ti guerra, che'ob.

Isaias 1:20

Pero mi mach la' womic, mi chʌn tsʌts la' pusic'al mi la' ñusʌbeñon c t'an, mi caj la' jilel ti espada ti' c'ʌb la' contrajob. Che' tsi' yʌlʌ lac Yum.

Isaias 65:12

mi caj cʌq'uetla ti tsʌnsʌntel ti espada. Ti la' pejtelel mi caj la' majlel ti tsʌnsʌntel. Come che' bʌ tsac pʌyʌyetla, ma'anic tsa' la' jac'beyon. Che' bʌ tsac pejcayetla, ma'anic tsa' la' wubiyon. Tsa' la' mele jontolil ti' tojel c wut. Tsa' la' yajca chuqui tac ts'a'lebil c cha'an.

Jeremias 19:7

Joñon mi caj j contrajin Judá yic'ot Jerusalén ti guerra. Mi caj c jisañetla ti espada ti' c'ʌb la' contrajob. Talob i tsʌnsañetla. Joñon mi caj j coltañob. Jini te'lemut yic'ot bʌte'el mi caj i c'uxetla.

Jeremias 24:10

Mi caj c jisañob ti espada yic'ot ti wi'ñal yic'ot ti c'amʌjel jinto che' jocholix mi' cʌytʌl i lumal tsa' bʌ cʌq'ueyob i tatob, che'en.

Jeremias 50:28

Ubinla. Woli' puts'elob loq'uel ti Babilonia jini israelob. Woli' sujtelob ti Sion. Ya' ti Templo mi caj i subob bajche' tsi' wersa tojoyob i mul i contrajob.

Jeremias 51:11

Jujchinla i te'el jalʌjb. Lʌpʌla la' pislel cha'an guerra. Lac Yum tsi' xic'beyob i pusic'al jini reyob ti Media cha'an mi' tilelob i jisan Babilonia che' bajche' tsi' wʌn ña'ta, come woli' yʌq'ueñob i toj i mul cha'an tsi' jisʌbeyob i Templo lac Yum.

Jeremias 9:16

Mi caj c pam pucob ti yan tac bʌ tejclum mach bʌ i cʌñʌyobic, mach bʌ i cʌñʌyobic i tatob. Ya'ix mi caj cajñesañob yic'ot espada jinto mic laj jisañob.

Lamentaciones 2:21

Q'ueleyob ya' ba' ñololob ti lum jini ñoxobix bʌ yic'ot ch'iton winicob yic'ot xch'ocob. Laj tsʌnsʌbilob ti espada cha'an i contrajob. Jatet tsa' tsʌnsayob cha'an mich'et, c Yum. Tsa' tsʌnsayob, ma'anic tsa' p'untayob.

Ezequiel 14:17

Che' mic choc tilel guerra cha'an mi' laj jisʌntelob yic'ot espada, ma'anic bajche' mi caj i coltʌntelob.

Ezequiel 20:37

Mi caj c wen ch'ʌmetla ti tsic. Ma'anic jaytiquil mu' bʌ i sujtelob tic wenta.

Ezequiel 29:8

Jini cha'an lac Yum Dios woli' yʌl: Wʌle mi caj c choc tilel soldadojob cha'an mi' contrajiñet ti espada, cha'an ma' jilel ti' tojlel pejtel cuxulo' bʌ ti pañimil.

Ezequiel 5:17

Mach cojic jach wi'ñal pero yic'ot jontol tac bʌ bʌte'el ja'el mu' bʌ caj i jisañetla, mi caj c chocbeñetla tilel yic'ot jontol bʌ c'amʌjel, yic'ot guerra. Mi caj la' tsʌnsʌntel ti espada. Joñon la' Yumon. Tsa'ix cʌc'ʌ c t'an, che'en lac Yum.

Ezequiel 6:3

“Wits tac ti' lumal Israel, ñich'tʌben i t'an lac Yum Dios, come lac Yum woli' pejcan ili wits tac yic'ot bujbujtʌl yic'ot pa' tac yic'ot joctʌl tac: Joñon mi caj c choc tilel guerra cha'an mic jisan jini chan bʌ la' pulʌntib tac.

Oseas 11:6

Mi caj i yutsi p'ojlel guerra ya' baqui chumulob. I contrajob mi caj i wersa ochelob ti ts'ajquibil bʌ i tejclum.

Levitico 26:6

Joñon mi caj cʌq'ueñetla i ñʌch'tʌlel la' pusic'al ila ti pañimil. Tijicña mi caj i yochel la' wʌyel. Ma'anic majch mi caj i bʌc'tesañetla. Joñon mi caj c jisan jini jontol tac bʌ bʌte'el ya' ti la' lumal.

Amos 4:10

Tsac choco tilel c'amʌjel ti la' tojlel che' bajche' mi' yubiñob ti Egipto. Tsac tsʌnsa ch'iton winicob ti espada. Tsac chilbeyetla la' c'ʌchlib. Tsa cʌc'ʌ ti tuw'an la' chumlib. Anquese leco tsa' la' wubi ma'anic tsa' la' sutq'ui la' bʌ ba' añon. Che'ʌch woli' yʌl lac Yum.

Habacuc 3:5

Mi' choc majlel i t'an cha'an mi' c'am'an winicob. Mi' chʌmelob ti c'ajc.

Numeros 14:12

Jini cha'an mi caj c jisañob ti c'amʌjel tac. Mi caj c chilbeñob i lum. Pero mi caj c wa'chocoñet ti' tojlel yaño' bʌ utso' bʌ i pusic'al. Mi caj c p'ojlesañet cha'an mi' tilel yambʌ tejclum ñumen cabʌl bʌ che' bajche' iliyi, che'en lac Yum.

Numeros 16:49

Ti jim bʌ q'uin tsa' chʌmiyob chʌnlujump'ejl mil, yic'ot jo'lujunc'al i cha'bajc' (14,700) winicob. Ñumen cabʌlob bajche' jini tsa' bʌ jisʌntiyob yic'ot Coré che' bʌ tsi' ts'a'leyob Dios.

Numeros 31:3

Che' jini Moisés tsi' subeyob jini israelob: Yom mi la' chajpan la' bʌ cha'an guerra. Lamital jini winicob mi caj i techob guerra ti' contra Madián, come lac Yum Dios mi caj i yʌq'ueñob i toj i mul jini madiañob.

Lucas 21:11

Tal p'ʌtʌl bʌ i yujquel lum. Tal wi'ñal ti cabʌl lum yic'ot c'amʌjel mu' bʌ i pam pujquel. Tal bʌbʌq'uen tac bʌ yic'ot chuqui tac ñuc mu' bʌ caj i pʌstʌl ti panchan.

Deuteronomio 28:21

Lac Yum mi caj i choc tilel cabʌl chʌmel ti a tojlel c'ʌlʌl jinto ma' sʌc jilel ya' ti lum baqui ma' majlel ti chumtʌl.

Deuteronomio 32:25

Ti pat i yotot an i contrajob mu' bʌ caj i tsʌnsañob ti espada. Ti mal i yotot an leco bʌ c'amʌjel. Mi caj i yubiñob bʌq'uen winicob yic'ot xch'ocob, Yic'ot alʌlob yic'ot xñoxob.

Deuteronomio 32:35

Joñon mi caj j q'uextʌbeñob i mul i contrajob. Mi caj cʌq'ueñob castigo. Mach jalix mi caj i yajlelob, che'en.

Deuteronomio 32:41

Mi caj c juc' quespada, mi caj c chajpan c bʌ cha'an meloñel. Mi caj cʌq'ueñob i castigo j contrajob. Mi caj i tojob i mul jini mu' bʌ i ts'a'leñoñob.

Juezob 15:11

Tsa' majliyob uxp'ejl mil winicob i p'olbalob Judá ba'an Sansón ya' ti mal jini ch'en am bʌ ti Etam. Tsi' subeyob: ¿Mach ba a wujilic woli lac wersa yuman jini filisteojob? ¿Chucoch tsa' techbeyob i mich'ajel tic tojlel lojon? che'ob. Sansón tsi' jac'beyob: Tsac tic'la jini filisteojob che' bajche' tsi' tic'layoñob, che'en.