Levitico 26:22 - Chol: I T’an Dios

²² Mi caj c choc tilel ti la' tojlel jontol tac bʌ bʌte'el cha'an mi' jisan la' walobilob yic'ot la' wʌlac'. Che' jini mi caj i pim'an la' bijlel.

Chol de Tumbalá Bible

²² Mi caj c choc tilel ti la' tojlel jontol tac bʌ bʌte'el cha'an mi' jisan la' walobilob yic'ot la' wʌlac'. Che' jini mi caj i pim'an la' bijlel.

Jiñi Tsiji' bʌ Wen T'añ cha'añ Estudio

²² Mi caj c choc tilel ti la' tojlel jontol tac bʌ bʌte'el mu' bʌ caj i jisan la' walobilob yic'ot la' wacax cha'añ mi la' t'ox jilel, che' jiñi ma'añix majqui mi caj i chʌn ñumel ti la' bijlel.”

Levitico 26:22 Iomraidhean Croise

2 Reyob 17:25

Che' bʌ tsa' cajiyob ti chumtʌl ya'i, ma'anic tsi' ch'ujutesayob lac Yum. Jini cha'an tsi' choco tilel bajlum ti' tojlelob cha'an mi' lamital jisañob.

2 Reyob 2:24

Eliseo tsi' sutq'ui i wut cha'an mi' q'uelob. Tsi' subeyob ti' c'aba' lac Yum mi caj i tajob wocol. Tsa' bʌc' loq'ui tilel ti mate'el cha'cojt ña' oso. Tsi' jisayob cha'tiquil i yuxc'al (42) ch'itoñob.

2 Cronicas 15:5

Pero che' bʌ tsi' contrajiyob Dios, ma'anic majqui tsa' ajni ti ñʌch'ʌl. Bʌbʌq'uen tsi' ñusayob q'uin baqui jach tsa' majliyob. Cabʌl tsi' tajayob i tic'lʌntel ti pañimil.

Isaias 24:6

Jini cha'an Dios tsi' jisʌbe i c'ʌjñibal lum. Tsi' yʌc'ʌ ti wocol jini ya' bʌ chumulob. Wen jamʌl jax pañimil. Ma'anix jaytiquil mu' bʌ i cʌytʌlob.

Isaias 33:8

Jejmenix jini bij tac. Ma'anic majch mi' ñumel ya'i. Jini asiriajob tsi' juch' teq'ueyob jini xuc'ul bʌ t'an. Ma'anic mi' p'isob ti' wenta yan tac bʌ tejclum. Chan mi' melob i bʌ ti' tojlel yaño' bʌ.

Jeremias 15:3

Mi caj cʌc'ob ti chʌmel ti chʌnchajp wocol: jini espada yujil bʌ tsʌnsa, yic'ot jini jontol bʌ ts'i' yujil bʌ c'ux, yic'ot jini mate'el mut, yic'ot bʌte'el. Tsa cʌq'ueyob i p'ʌtʌlel ili chʌnchajp cha'an mi' jisañob.

Jeremias 42:2

Tsi' subeyob: Ubiñon lojon, cha'an wolij c'ajtibeñet ti wocol t'an, pejcan a Yum Dios cha'an mi' coltañon lojon, come ma'anix jaytiquilon lojon che' bajche' wola' q'uel.

Lamentaciones 1:4

Ch'ijiyem pejtel i bijlel Jerusalén. Ma'anix mi' chʌn letselob ti tejclum ti mojt ti mojt cha'an tijicña mi' melob q'uin. Jejmenix i ti'. Ch'ijiyem i pusic'al jini motomajob. Tic'lʌbilob tsa' pʌjyiyob majlel jini xch'ocob.

Ezequiel 14:15

Che' mic choc tilel jontol bʌ bʌte'el cha'an mi' lu' jisañob, ma'anix majqui mi caj i chʌn cʌytʌl ti pañimil.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Ezequiel 33:28

Mi caj c sutq'uin ti te'el jini tejclum. Mi caj i jilel i t'ojlʌwel pejtel jini wits tac ti Israel. Jochol mi caj i cʌytʌl. Ma'anix majch mi caj i chʌn ñumel.

Ezequiel 5:17

Mach cojic jach wi'ñal pero yic'ot jontol tac bʌ bʌte'el ja'el mu' bʌ caj i jisañetla, mi caj c chocbeñetla tilel yic'ot jontol bʌ c'amʌjel, yic'ot guerra. Mi caj la' tsʌnsʌntel ti espada. Joñon la' Yumon. Tsa'ix cʌc'ʌ c t'an, che'en lac Yum.

Levitico 26:6

Joñon mi caj cʌq'ueñetla i ñʌch'tʌlel la' pusic'al ila ti pañimil. Tijicña mi caj i yochel la' wʌyel. Ma'anic majch mi caj i bʌc'tesañetla. Joñon mi caj c jisan jini jontol tac bʌ bʌte'el ya' ti la' lumal.

Miqueas 3:12

Jini cha'an ti' caj la' jontolil mi caj i bic'ti jejmel Sion che' bajche' mi' tojp'el lum. Pucujemel mi caj i cʌytʌl Jerusalén che' bajche' jejmen bʌ otot. Mi caj i sujtel ti mate'el jini wits ba' wa'chocobil Templo.

Zacarias 7:14

Tsac pam pucuyob che' bajche' p'ʌtʌl bʌ ic' ti ñajt tac bʌ pañimil ti' tojlel jini mach bʌ i pi'ʌlobic. Ch'ijiyem tsa' cʌle i lum. Ma'anic majqui tsa' chʌn ñumi ya'i. Jochol tsa' cʌle jini uts'at bʌ lum tsa' bʌ i lon mulayob. Che' tsi yʌlʌ i Yum Panchan yic'ot Pañimil.

Deuteronomio 32:24

Mi caj cʌq'ueñob wi'ñal yic'ot c'ajc, Yic'ot c'amʌjel mu' bʌ caj i tsʌnsañob. Mi caj c choc tilel jontol bʌ bʌte'el Cha'an mi' c'uxob ti jay bʌ i yej. Mi caj c jisañob yic'ot i venenojlel jontol bʌ lucum, cotcotña bʌ ti lum.

Juezob 5:6

Che' woli ti yumʌntel Samgar i yalobil Anat, Ch'ijiyem jax jini colem bij tac. Jini mu' bʌ i xʌñob toj bʌ bij tsi' xʌñʌyob mucubij.