Levitico 26:20 - Chol: I T’an Dios

²⁰ Che' jini mi caj i to'ol jilel la' p'ʌtʌlel, come jini la' lum ma'anix mi caj i wen cosan la' pʌc'ʌb. Jini la' te' ma'anix mi caj i yʌc' i wut.

Chol de Tumbalá Bible

²⁰ Che' jini mi caj i to'ol jilel la' p'ʌtʌlel, come jini la' lum ma'anix mi caj i wen cosan la' pʌc'ʌb. Jini la' te' ma'anix mi caj i yʌc' i wut.

Jiñi Tsiji' bʌ Wen T'añ cha'añ Estudio

²⁰ Che' jiñi mi caj i to'ol jilel la' p'ʌtʌlel, come jiñi la' lum ma'añix chuqui mi caj i yʌc' yic'ot jiñi la' pʌc'ʌb te' tac ma'añix mi caj i yʌc' i wut.”

Levitico 26:20 Iomraidhean Croise

Genesis 4:12

Che' ma' cajel ti e'tel ti jini lum, ma'anix chuqui mi caj a taj ti lum. Xputs'elet ti pejtelel ora. Stsuctsucniyelet ti pañimil, che'en lac Yum.

1 Reyob 18:2

Jini cha'an Elías tsa' majli i suben Acab. Ti jim bʌ ora wen woli wi'ñal ya' ti Samaria.

Job 31:40

mi tsac mele bajche' jini, la' colic ch'ixol ti' yajñib trigo. La' pam colic ch'ix ti' yajñib cebada che'en Job.

Salmos 107:34

Mi' sutq'uin ti pujch'em bʌ lum jini wen bʌ lum, Cha'an i jontolil jini ya' bʌ chumulob.

Salmos 127:1

¿Chuqui i ye'tel lac melbal mi mach melbilic ti lac Yum? Machic mi' cʌntan jini tejclum lac Yum Lolom jach mi' ñusan ac'ʌlel ti cʌntaya jini am bʌ ti' wenta.

Isaias 17:10

Israelob, tsa' ñajʌyi ti la' pusic'al jini Dios tsa' bʌ i coltayetla. Jini cha'an mi' caj ti ujtel pejtel iliyi. Tsa' la' cʌyʌ jini xajlel yilal mu' bʌ i joy mʌctañetla. Tsa' la' mele parque cha'an dioste' che' bajche' mi la' mulan. Tsa' la' pʌc'ʌ jini pac' ñajt bʌ ch'oyol.

Isaias 17:11

Ti' yorajlel pac' mi la' wen cʌntan. Seb to mi' caj ti pasel. Mi' cajel ti ñich ti jini jach bʌ q'uin, pero ma'anic mi caj la' tuc'ben i wut. Ma'anic mi caj la' taj jini tsa' bʌ la' lon ña'ta. Mi caj la' taj cabʌl la' tsic pusic'al yic'ot la' c'uxel mach bʌ i ñopoyic ts'ac.

Isaias 49:4

Lolom jach tsac cha'le cabʌl e'tel. To'ol jach tsa' jili c p'ʌtʌlel. Pero pejtel jini que'tel an ti' wenta lac Yum mu' bʌ caj i yʌq'ueñon c chobejtʌbal.

Jeremias 12:13

Tsi' pʌc'ʌyob trigo, pero woli' c'ajob ch'ix. Lolom jach tsi' ñusayob q'uin ti e'tel. Ma'anic i chobejtʌbal. Mi' cajelob ti quisin cha'an woli' c'ajob i mich'lel lac Yum.

Oseas 2:11

Mi caj c chilben pejtel jini tijicña bʌ. Mach chʌn mejlix i cha'len q'uin che' ti' yorajlel c'aj o yic'ot i tejchibal uw.

Habacuc 2:13

P'isi ti a wenta chuqui mi' yʌl lac Yum. Mi caj i sujtel ti' tʌñil c'ajc pejtel i chubʌ'an jini mach bʌ anic mi' ñopob Dios. Lolom jach mi' bajbeñob e'tel.

Hageo 2:16

¿bajche' añetla? Che' bʌ tsa' c'oti winic ba' much'quibil trigo ya' ba' tsi' p'isi junc'al, awilan, an jax lujump'ej. Che' bʌ tsa' c'oti ba' tsi' loto i ya'lel ts'usub cha'an mi' luch loq'uel lujump'ejl i yuxc'al, awilan, an jax junc'al.

1 Corintios 3:6

Joñon tsac cha'le pac'. Apolos tsi' mulu. Dios tsi' yʌc'ʌ ti colel.

Gálatas 4:11

Woli la' wʌc'on ti tsic pusic'al, ame lolomic jach tsac cha'le e'tel ti la' tojlel.

Deuteronomio 11:17

Mi che'ʌch mi la' mel che' bajche' tic'biletla, mi caj i mich'an lac Yum. Mi caj i ñup' jini tocal cha'an ma'anix mi' chʌn tilel ja'al. Ma'anix mi caj i colel pʌc'ʌbʌl. Che' jini mach jalix mi caj la' wajñel ti jini wen bʌ lum tsa' bʌ i yʌq'ueyetla lac Yum.

Deuteronomio 28:42

Jini xc'ajba sajc' mi caj i laj jisan pejtelel a te' tac yic'ot a pʌc'ʌb.

Deuteronomio 32:22

Jini c mich'lel mi' lejmesan c'ajc Woli bʌ ti lejmel c'ʌlʌl ti' yajñib chʌmeño' bʌ. Mi' yʌc' ti pulel pañimil yic'ot pejtelel cholel tac. Mi' yʌc' ti pulel i te'el tac.