Levitico 26:19 - Chol: I T’an Dios

¹⁹ Mi caj c jisʌbeñetla pejtelel i chanlel la' pusic'al. Mi caj cʌc' ti jajmel pañimil. Wen tsʌtsch'ojol mi caj i sujtel la' lum.

Chol de Tumbalá Bible

¹⁹ Mi caj c jisʌbeñetla pejtelel i chanlel la' pusic'al. Mi caj cʌc' ti jajmel pañimil. Wen tsʌtsch'ojol mi caj i sujtel la' lum.

Jiñi Tsiji' bʌ Wen T'añ cha'añ Estudio

¹⁹ Mi caj c jisʌbeñetla i chañlel la' pusic'al, yic'ot mi caj cʌc' ti jajmel pañimil yic'ot wen tsʌtsch'ojol mi caj i sujtel la' lum.

Levitico 26:19 Iomraidhean Croise

1 Reyob 17:1

Elías jini x'alt'an ch'oyol bʌ ti Galaad tsi' sube jini rey Acab: Melel mic subeñet come mic bʌc'ñan lac Yum i Dios Israel, jini cuxul bʌ Dios mu' bʌ c ch'ujutesan. Mic melben i ye'tel. Ma'anic mi' cajel ti chʌn tilel ja'al mi ye'ebic ti ili jabil tac jinto mic cha' ac' c t'an. Che' tsi' yʌlʌ Elías.

1 Reyob 8:35

Mi tsa' mʌjqui jini panchan cha'an ma'anic mi' chʌn tilel ja'al ti' caj i mul, p'untañob che' mi' cha' sutq'uiñob i bʌ ti' tojel ili Templo cha'an mi' pejcañetob ti wocol t'an. Mi tsi' cʌyʌyob i mul che' bʌ tsa' ju'sʌbeyob i pusic'al,

Isaias 2:12

Ti jim bʌ q'uin i Yum Panchan yic'ot Pañimil mi caj i tech meloñel ti' contra pejtelel jini ñuco' bʌ yic'ot jini chaño' bʌ yic'ot jini xñusa t'añob, cha'an mi' ju'sʌbeñob i pusic'al.

Isaias 25:11

Anquese mi' ñopob i coltañob i bʌ che' bajche' xñuxijel mu' bʌ i ñijcan majlel i c'ʌb, pero lolom jach. Lac Yum mi caj i ju'sʌbeñob i ch'ejlel i pusic'al.

Isaias 26:5

Lac Yum mi' ju'sʌbeñob i pusic'al jini chan bʌ mi' melob i bʌ ya' ba' chumulob ti chañilel wits. Mi' jisan i p'ʌtʌlel jini tejclum. Mi' yʌc' ti sujtel ti lum.

Isaias 28:1

Obolob i bʌ jini año' bʌ ti Samaria, jini joctʌl bʌ tejclum ya' ba' chumul i yum israelob. Mi' chañ'esañob i bʌ jini xyʌc'ʌjelob. Mi' ch'ʌlob i bʌ yic'ot nichim. Mi' boñob i jol ti perfume. Mi' cha'leñob q'uiñijel. Mi caj i jilel i ñuclel yic'ot i ch'ʌjlil.

Jeremias 3:3

Jini cha'an ma'anic ja'al, jamʌl to pañimil. Ma'anic tsac choco tilel jini ñaxan bʌ ja'al. Lajalet bajche' sts'i'lel bʌ x'ixic mach bʌ yomic i cʌy i mul. Mach a wujilic quisin come tsa' wersa tsʌts'esa a pusic'al.

Ezequiel 30:6

Come lac Yum woli' yʌl: Muq'uix i jilelob ti guerra jini woli bʌ i coltañob Egipto. Ti pejtelelob mi caj i peq'uesʌntelob c'ʌlʌl ti Migdol yic'ot ti Sevene, che'en lac Yum Dios.

Ezequiel 33:28

Mi caj c sutq'uin ti te'el jini tejclum. Mi caj i jilel i t'ojlʌwel pejtel jini wits tac ti Israel. Jochol mi caj i cʌytʌl. Ma'anix majch mi caj i chʌn ñumel.

Ezequiel 7:24

Mi caj c pʌy tilel jini xjontolilob ti yambʌ tejclum tac cha'an mi' lu' chilbeñob i yotot. Che'i mi caj c peq'uesan jini ñuco' bʌ ti pañimil. Mi caj cʌc' ti bib'esʌntel i yotlel tac i diosob.

Daniel 4:37

Jini cha'an, joñon Nabucodonosor, mic ch'ujutesan, mic ñuq'uesan, mij q'uel ti ñuc jini Yumʌl am bʌ ti panchan. Pejtelel chuqui mi' mel utsat, toj ja'el. An i p'ʌtʌlel cha'an mi' peq'uesan jini mu' bʌ i chañ'esañob i bʌ. Che' tsi' yʌlʌ Nabucodonosor.

Sofonias 3:11

Ti jim bʌ q'uin ma'anix mi caj la' wubin quisin cha'an pejtel chuqui tsa' la' mele che' bʌ tsa' la' contrajiyon. Ti jim bʌ ora mi caj c jisan jini chan bʌ mi' melob i bʌ. Che' jini ma'anix ti la' tojlel majqui mi' chañ'esan i bʌ ti ch'ujul bʌ c wits.

Lucas 4:25

Ti isujm mic subeñetla an cabʌl meba' x'ixicob ti Israel ti' q'uiñilel Elías che' wen jamʌl pañimil ojlil i chʌmp'ejl jab, che' bʌ tsa' tili cabʌl wi'ñal ti pejtelel lum.

Deuteronomio 11:17

Mi che'ʌch mi la' mel che' bajche' tic'biletla, mi caj i mich'an lac Yum. Mi caj i ñup' jini tocal cha'an ma'anix mi' chʌn tilel ja'al. Ma'anix mi caj i colel pʌc'ʌbʌl. Che' jini mach jalix mi caj la' wajñel ti jini wen bʌ lum tsa' bʌ i yʌq'ueyetla lac Yum.

Deuteronomio 28:23

Jini panchan am bʌ ti chan lajal mi caj a q'uel che' bajche' lamina, yic'ot jini lum baqui añetla lajal mi caj a q'uel bajche' fierro.

1 Samuel 4:11

Jini filisteojob tsi' ch'ʌmʌyob majlel jini Arca i cha'an bʌ lac Yum. Tsa' tsʌnsʌntiyob jini cha'tiquil i yalobilob Elí, jiñʌch Ofni yic'ot Finees.

1 Samuel 4:3

Che' bʌ tsa' cha' sujtiyob jini israelob ya' ba' jijlemob i pi'ʌlob, jini ñoxobix bʌ tsi' yʌlʌyob: ¿Chucoch tsi' yʌc'ʌyonla ti jilel lac Yum ti' tojlel filisteojob? Conla ti Silo cha'an mi lac ch'ʌm tilel jini Arca ya' ba' lotol jini xuc'ul bʌ i t'an lac Yum. Che' jini lac Yum mi caj i tilel ti lac tojlel cha'an mi' coltañonla, cha'an mi lac loq'uel ti' p'ʌtʌlel laj contrajob, lon che'ob.