Levitico 26:17 - Chol: I T’an Dios

¹⁷ Mi caj j contrajiñetla. Mi caj la' puts'el ti' tojlel la' contrajob. Majqui jach ts'a' mi' q'ueletla, mi caj i p'ump'un tic'lañetla. Mi caj la' to'o cha'len bʌq'uen che' ma'anic majch woli' yajñesañetla.

Chol de Tumbalá Bible

¹⁷ Mi caj j contrajiñetla. Mi caj la' puts'el ti' tojlel la' contrajob. Majqui jach ts'a' mi' q'ueletla, mi caj i p'ump'un tic'lañetla. Mi caj la' to'o cha'len bʌq'uen che' ma'anic majch woli' yajñesañetla.

Jiñi Tsiji' bʌ Wen T'añ cha'añ Estudio

¹⁷ Ma'añic mi caj coltañetla. Mi caj la' puts'el ti' tojlel la' contrajob. Majqui jach ts'a' mi' q'ueletla, mi caj i p'ump'un tic'lañetla. Mi caj la' to'ol cha'len bʌq'uen che' ma'añic majch woli' yajñesañetla.”

Levitico 26:17 Iomraidhean Croise

Genesis 4:12

Che' ma' cajel ti e'tel ti jini lum, ma'anix chuqui mi caj a taj ti lum. Xputs'elet ti pejtelel ora. Stsuctsucniyelet ti pañimil, che'en lac Yum.

1 Reyob 8:33

Che' mi' yubiñob wocol a cha'año' bʌ ti' tojlel i contrajob cha'an tsi' ñusayob a t'an, mi tsi' cha' sutq'uiyob i bʌ ti a tojlel cha'an mi' c'ajtiñob i ñusʌntel i mul wʌ' ti' tojel a wotot, yom ma' ñich'tʌbeñob i t'an ya' ti panchan. Yom ma' ñusʌbeñob i mul. Cha' pʌyʌyob tilel ti jini lum tsa' bʌ a wʌq'ueyob i ñojte'elob.

2 Reyob 13:3

Jini cha'an lac Yum tsi' mich'le jini israelob. Tsi' yʌc'ʌyob ti' c'ʌb Hazael rey bʌ ti Siria yic'ot ti' c'ʌb Benadad (i yalobil Hazael).

2 Reyob 13:7

Hazael tsi' wen jisʌbe i p'ʌtʌlel Israel. Tsa' jach cʌleyob ti' wenta Joacaz lujuntiquil i yuxc'al (50) winicob yujilo' bʌ c'ʌchtʌl ti caballo, yic'ot lujuncojt carreta, yic'ot lujump'ejl ti mil soldadojob. Jini rey ti Siria tsi' jisa cabʌl israelob. Tsi' t'uchtayob che' bajche' jini ts'ubejn am bʌ ti lum.

Salmos 44:10

Tsa' wʌc'ʌyon lojon ti puts'el ti' tojlel j contrajob lojon. Jini mu' bʌ i ts'a'leñon lojon mi' xujch'iñob lojon c chubʌ'an.

Salmos 53:5

Cabʌl tsi' lon cha'leyob bʌq'uen a contrajob ya' ba' ma'anic bʌbʌq'uen bʌ. Come Dios mi caj i pam pucob ti guerra. Jatet tsa' wʌc'ʌyob ti quisin, come Dios tsi' chocoyob loq'uel.

Salmos 53:6

Uts'atax muq'uic i loq'uel tilel Dios ti Sion cha'an mi' coltan israelob. Ba' ora mi' cha' pʌy loq'uel i cha'año' bʌ ya' ba' ñup'ulob, Tijicñayob mi caj i yubiñob israelob.

Proverbios 28:1

Jini xjontolil mi' cha'len puts'el anquese ma'anic majch mi' yajñesan. Lajal i ch'ejlel i pusic'al jini tojo' bʌ bajche' bajlum.

Isaias 30:17

Juntiquil a contra mi caj i yajñesan jump'ejl mil ti la' tojlel. Jo'tiquil mi caj i yajñesañetla jinto pam pujquemetla ti jujuntiquiletla. Lajal mi caj la' cʌytʌl che' bajche' wʌjʌcña bʌ te' ti pam wits.

Isaias 63:10

Pero tsi' ñusayob a t'an. Tsi' yʌq'ueyob i ch'ijiyemlel i pusic'al jini Ch'ujul bʌ a wEspíritu. Jini cha'an tsa' sujtiyet ti' contra. Tsa' p'ojlesʌbeyob i wocol.

Jeremias 19:7

Joñon mi caj j contrajin Judá yic'ot Jerusalén ti guerra. Mi caj c jisañetla ti espada ti' c'ʌb la' contrajob. Talob i tsʌnsañetla. Joñon mi caj j coltañob. Jini te'lemut yic'ot bʌte'el mi caj i c'uxetla.

Jeremias 44:11

Jini cha'an p'isila ti la' wenta chuqui wolic subeñet, che'en i Yum Panchan yic'ot Pañimil, i Dios Israel. La' wilan la' contrajon. Mi caj c chocbeñetla tilel ñuc bʌ wocol cha'an mic junyajlel jisan pejtel jini ch'oyolo' bʌ ti Judá tsa' bʌ i ñusʌbeyoñob c t'an.

Lamentaciones 1:5

Añobix ti' wenta i contrajob. Woli' mʌjlel i cha'añob. Lac Yum woli' jultesʌben i pusic'al Judá cha'an ti' caj cabʌl i mul. Pʌybilob majlel ti to'ol e'tel i yalobilob. Tic'lʌbilob cha'an i contrajob.

Lamentaciones 2:4

Woli' sʌts' i jalʌjb yilal. Wa'alix woli' contrajin Sion. Tsi' yʌc'ʌ ti jisʌntel pejtel chuqui tac uts'atax ti' wut i yalobilob. Cʌlʌx jax i mich'ajel che' bajche' c'ajc.

Ezequiel 15:7

Mi caj j contrajiñob ti pejtelelob. Jini mu' bʌ i puts'tan c'ajc mi caj i jilel ti c'ajc. Mi caj la' ña'tan la' Yumon che' mij contrajiñob.

Levitico 17:10

Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Deuteronomio 28:25

Lac Yum mi caj i yʌq'uet ti puts'el ti' wutob a contrajob. Junts'ijt bij mi caj a loq'uel a taj a contra. Wucp'ejl bij mi caj a majlel ti puts'el ti' tojlel. P'ump'un jax mi caj a tic'lʌntel ti jujump'ejl a lumal.

Josue 7:4

Tsa' majliyob ti Hai uxp'ejl mil winicob, pero tsa' puts'iyob ti' tojlel jini ya' bʌ chumulob.

Juezob 2:14

Tsa' tili i mich'ajel lac Yum ti' contra Israel. Tsi' yʌc'ʌyob ti' c'ʌb xujch'ob tsa' bʌ i chilbeyob i chubʌ'an. Tsi' choñoyob ti' c'ʌb i contrajob año' bʌ ti' joytilel. Ma'anic tsa' mejliyob ti leto yic'otob i contra.

Juezob 3:14

Jini israelob tsa' ochiyob ti' wenta Eglón, i rey Moab. Añob ti' wenta waxʌclujump'ejl (18) jab.

Juezob 3:8

Jini cha'an lac Yum tsi' wen mich'leyob. Tsi' yʌc'ʌyob ti' c'ʌb jini rey Cusan Risataim, am bʌ ti Mesopotamia. Waxʌcp'ejl jab jini israelob tsa' ajniyob ti' wenta Cusan Risataim.

Juezob 6:2

Che' añobix ti' wenta Madián, tsi' q'ueleyob cabʌl wocol. Cha'an ti caj jini madiañob tsa' caji i sʌclañob ch'en tac ti wits ba' mi' yajñelob.

1 Samuel 12:15

Pero mi ma'anic mi la' wubiben i t'an lac Yum, mi mux la' ñusʌben i t'an, che' jini lac Yum mi caj i yʌq'ueñetla wocol che' bajche' tsi' yʌq'ueyob la' ñojte'el.

1 Samuel 31:1

Jini filisteojob tsi' cha'leyob guerra ti' contra israelob. Tsa' mʌjli i cha'añob. Tsa' puts'iyob jini israelob. Tsa' cʌleyob jini chʌmeño' bʌ ti wits i c'aba' Gilboa.

1 Samuel 4:10

Che' jini tsa' cha' cajiyob ti guerra jini filisteojob. Tsa' cha' mʌjliyob i cha'an. Pejtelel jini israelob tsi' chucuyob i puts'el. Cabʌl tsa' chʌmiyob. Tsa' jiliyob lujuntiquil i cha'c'al mil (30,000) israelob.