Levitico 26:15 - Chol: I T’an Dios

^15-16 mi tsa' jach caji' la' ñusan c mandar, mi tsa' caji' la' chañ'esan la' bʌ tic tojlel cha'an mi la' ñusan c t'an, yic'ot pejtelel j cʌntesa, joñon mi caj cʌq'ueñetla wocol. Mi caj cotsʌbeñetla la' bʌq'uen. Mi caj cʌq'ueñetla jini leco bʌ ojbal, yic'ot jini c'ajc tac c'ʌlʌl mi' yajpel la' wut, c'ʌlʌl mi' toj sajtel la' pusic'al. Che' jini lolom jach mi caj la' cha'len pac', come jini la' contrajob mi caj i c'uxbeñetla.

Chol de Tumbalá Bible

^15-16 mi tsa' jach caji' la' ñusan c mandar, mi tsa' caji' la' chañ'esan la' bʌ tic tojlel cha'an mi la' ñusan c t'an, yic'ot pejtelel j cʌntesa, joñon mi caj cʌq'ueñetla wocol. Mi caj cotsʌbeñetla la' bʌq'uen. Mi caj cʌq'ueñetla jini leco bʌ ojbal, yic'ot jini c'ajc tac c'ʌlʌl mi' yajpel la' wut, c'ʌlʌl mi' toj sajtel la' pusic'al. Che' jini lolom jach mi caj la' cha'len pac', come jini la' contrajob mi caj i c'uxbeñetla.

Jiñi Tsiji' bʌ Wen T'añ cha'añ Estudio

¹⁵ mi tsa' la' q'uele ti lolom c t'añ yic'ot mi tsa' la' ts'a'le c mandar, mi ma'añic tsa' caji la' mel che' bajche' añ tic mandar yic'ot mi tsa' la' jisʌbe i c'ʌjñibal jiñi xuc'ul bʌ c t'añ,

Levitico 26:15 Iomraidhean Croise

Genesis 17:14

Mi an juntiquil winic mach bʌ anic tsa' tsepbenti i pʌchʌlel i bʌc'tal, mi caj i chojquel loq'uel ti' tojlel i pi'ʌlob cha'an tsi' ñusa jini xuc'ul bʌ c t'an. Che' tsi' yʌlʌ Dios.

2 Reyob 17:15

Tsi' ñusʌbeyob i mandar lac Yum yic'ot jini xuc'ul bʌ t'an tsa' bʌ i mele yic'ot i ñojte'elob. Ma'anic tsi' jac'beyob i t'an. Tsa' jach i bajñel sajcayob jini lolom tac bʌ am bʌ ti pañimil. Tsa' sojquiyob. Lajal tsi' meleyob che' bajche' i tilel mi' melob jini mach bʌ i cʌñʌyobic Dios, anquese tic'bilob ti Dios.

2 Cronicas 36:16

Pero tsi' chʌn wajleyob jini subt'añob i cha'an lac Yum. Tsi' ñusʌbeyob i t'an. Tsi' ts'a'leyob x'alt'añob jinto lac Yum tsi' wen mich'leyob. Ma'anix tsi' chʌn coltayob.

Salmos 50:17

Wola' ts'a'len a cʌntesʌntel. Wola' ñusʌbeñon c t'an.

Exodo 19:5

Mi xuc'ul mi la ñich'tʌbeñon c t'an, mi uts'at mi la' jac' jini xuc'ul bʌ c t'an, mi caj la' wochel tic cha'an ti' tojlel pejtelel colem tejclum tac, come c cha'añʌch pejtelel pañimil.

Exodo 24:7

Tsi' ch'ʌmʌ jini jun cha'an xuc'ul bʌ t'an. C'am tsi' pejca ti' tojlel winicob x'ixicob. Tsi' jac'ʌyob: Mi caj c mel lojon ti pejtelel che' bajche' tsi' yʌlʌ lac Yum, che'ob.

Proverbios 1:30

Ma'anic tsi' jac'ʌyob c t'an. Tsi' ñusayob i tic'ol che' bʌ tsac tiq'uiyob.

Proverbios 1:7

Jiñʌch i cajibal lac ña'tʌbal che' mi lac bʌc'ñan lac Yum. Jini tontojo' bʌ ts'a' mi' yubiñob i cʌntesʌntel yic'ot i tic'ol.

Proverbios 5:12

Mi caj a wʌl: Obol jax c bʌ cha'an tsac ts'a'le j cʌntesʌntel. Tsac ñusa c tic'ol. Tsac tsʌtsesa c pusic'al.

Jeremias 11:10

Tsa'ix sujtiyob ti' bijlel i tatob tsa' bʌ i juch'teq'ueyob c t'an. Tsa' majli i ch'ujutesañob yambʌ dios tac. Jini chumulo' bʌ ti Judá yic'ot ti Jerusalén tsa'ix i ñusayob jini xuc'ul bʌ c t'an tsa' bʌ c mele yic'ot i tatob.

Jeremias 31:32

Mach i pi'ʌlic jini xuc'ul bʌ t'an tsa' bʌ c mele yic'ot i tatob che' bʌ tsac pʌyʌyob loq'uel ti jini lum Egipto. Tsi' jemeyob jini xuc'ul bʌ t'an tsa' bʌ c mele yic'otob anquese i ñoxi'alon, che'en lac Yum.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Ezequiel 16:59

Come lac Yum Dios woli' yʌl: Mi caj cʌq'ueñet a toj a mul tsa' bʌ a mele, come tsa' ñusa jini xuc'ul bʌ trato tsa' bʌ a mele quic'ot.

Levitico 26:11

Mi caj c chumtʌl ti' la' tojlel. Ma'anic mi caj c ts'a'leñetla.

Levitico 26:43

Tijicña mi caj i c'aj i yo jini lum che' jochocña mi' cʌytʌl. Che' jini mi caj i ña'tañob wersa tsi' tojoyob i mul cha'an ti' caj tsi' ñusayob c t'an. Ma'anic tsi' p'isiyob ti wenta c mandar.

Levitico 26:9

Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Malaquias 2:2

Mi ma'anic mi la' ñich'tʌbeñon c t'an, mi ma'anic mi la' wʌc' ti la' pusic'al, mi caj c chocbeñetla tilel castigo. Mi' caj ti jilel pejtelel jini uts'at tac bʌ woli bʌ la' q'uel. Mi caj la' taj cabʌl wocol. Ma'anic mi caj cʌq'ueñetla tijicña bʌ che' bajche' com. Wersa mi caj la' toj la' mul, come ma'anic tsa' la' p'isi ti wenta jini mu' bʌ c subeñetla.

Numeros 15:31

Come ma'anic tsi' jac'ʌ c t'an. Tsa' jach i t'uchta c mandar. Jini cha'an wersa yom mi' chojquel loq'uel jini winic. Bajñel an ti' wenta cha'an mi' toj i mul. Che' tsi' yʌlʌ lac Yum.

Hechos 13:41

Mi' yʌl: “Q'uelela sts'a'leyajet bʌ la. La' toj sajtic la' pusic'al. La' jiliquetla. Come joñon wolic mel junchajp e'tel ti a wut, mach bʌ anic mi caj la' ñop anquese an majqui mi' subeñetla”. Che' ts'ijbubil, che'en Pablo.

Romanos 8:7

Jini cha'an jini mu' bʌ i chʌn ña'tan chuqui yom i tsucul pusic'al woli' contrajin Dios. Ma'anic mi' jac'ben i mandar Dios. Mach mejlic i jac'ben.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

1 Tesalonicenses 4:8

Jini cha'an, majqui jach mi' ñusan ili mandar mach winiquic woli' ts'a'len. Woli' ts'a'len Dios mu' bʌ i yʌq'ueñonla Ch'ujul bʌ Espíritu.

Hebreos 8:9

Mach lajalic bajche' jini xuc'ul bʌ t'an tsa' bʌ c mele yic'ot i ñojte'elob, che' bʌ tsac chucbeyob i c'ʌb cha'an mic pʌyob loq'uel ti' lumal Egipto. Ma'anic tsi' wen jac'ʌyob. Jini cha'an tsac tʌts'ʌ c bʌ.

1 Samuel 12:15

Pero mi ma'anic mi la' wubiben i t'an lac Yum, mi mux la' ñusʌben i t'an, che' jini lac Yum mi caj i yʌq'ueñetla wocol che' bajche' tsi' yʌq'ueyob la' ñojte'el.