Levitico 26:14 - Chol: I T’an Dios

¹⁴ Pero mi ma'anic mi la' chʌn ubin jini c t'an, mi ma'anic mi la' chʌn jac'beñon c mandar,

Chol de Tumbalá Bible

¹⁴ Pero mi ma'anic mi la' chʌn ubin jini c t'an, mi ma'anic mi la' chʌn jac'beñon c mandar,

Jiñi Tsiji' bʌ Wen T'añ cha'añ Estudio

¹⁴ “Pero mi ma'añic mi la' wu'bibeñon c t'añ, mi ma'añic mi la' jac' pejtelel ili c mandar,

Levitico 26:14 Iomraidhean Croise

2 Reyob 22:13

Tsi' subeyob: Cucula c'ajtiben lac Yum chuqui yom mic mel cha'an mi' coltʌntelob pejtel jini tejclumob ti pejtelel Judá. Ma'anic tsa' lac jac'be i mandar ili jun. Ma'anic tsi' jac'ʌyob lac ñojte'el ja'el. Jini cha'an wen mich' lac Yum. Che' tsi' yʌlʌ Josías.

2 Cronicas 34:24

Mi caj c jisan ili tejclum yic'ot jini wʌ' bʌ chumulob. Mi caj i tajob pejtelel jini wocol ts'ijbubil bʌ ti ili jun tsa' bʌ i q'uele jini rey ti Judá.

2 Cronicas 7:19

Pero mi mach xuc'uleticla quic'ot, mi tsa' la' cʌyʌ la' jac'beñon c subal yic'ot c mandar cha'an mi la' ch'ujutesan jini mach bʌ diosic,

Salmos 81:12

Jini cha'an tsaj cʌyʌyob cha'an i tsʌtslel i pusic'alob, Cha'an mi' melob che' bajche' i bajñel yomob.

Proverbios 3:33

Mi' caj ti jilel i tijicñʌyel jini xjontolil yic'ot i tijicñʌyel i p'olbal cha'an ti' t'an lac Yum, pero cha'an ti' t'an lac Yum mi' caj ti p'ojlel i tijicñʌyel jini toj bʌ yic'ot i p'olbal.

Jeremias 11:8

Pero ma'anic tsi' jac'ʌyob, mach yomobic i ñich'tan. Ti jujuntiquil tsi' meleyob bajche' tsi' bajñel ña'tayob cha'an jontol i pusic'al. Jini cha'an tsac chocbeyob tilel wocol cha'an tsi' ñusayob c t'an, come ma'anic tsi' meleyob che' bajche' tsac subeyob, che'en.

Jeremias 17:27

Pero mi mach la' womic la' jac'beñon, mi mach ch'ujulic i yorajlel c'aj o ti la' wut, mi mux caj la' wersa ch'ʌm ochel la' cuch ti' ti' Jerusalén che' bajche' ti yan tac bʌ q'uin ti semana, che' jini mi caj c tsuc' c'ajc ti' ti' tac tejclum. Mux i pam ñumel cha'an mi' lu' jisan jini otot tac yic'ot ja'el i yotot tac reyob. Mach yajpic jini c'ajc”. Che' yom mi la' subeñob, che'en lac Yum.

Jeremias 26:4

Subeñob: “Lac Yum woli' yʌl: Machic mi la' ñicht'añon, machic mi la' jac'beñon c mandar tsa' bʌ cʌq'ueyetla,

Jeremias 28:8

Jini x'alt'añob tsa' bʌ i cha'leyob subt'an ti oñiyi c'ʌlʌl wʌle tsi' wʌn subuyob jini ñuc tac bʌ wocol tsa' bʌ tili i jisan cabʌl tejclum tac.

Jeremias 32:23

Wʌ' tsa' ochi jini c tat lojon. Tsi' ch'ʌmʌyob jini lum. Pero ma'anic tsi' jac'ʌyob a t'an. Ma'anic tsi' meleyob che' bajche' cʌntesʌbilob ti a mandar. Ma'anic chuqui tsi' wis meleyob ti uts'at ti' tojlel a mandar. Jatet wola' chocbeñob tilel ili wocol cha'an ti' cajob i mul.

Jeremias 40:2

Pero tsi' yʌc'ʌ ti colel Jeremías. Tsi' sube: A Yum Dios tsi' choco tilel ili wocol ti jini tejclum.

Lamentaciones 1:18

Sion woli' yʌl: Toj lac Yum ti pejtelel i melbal, pero an c mul cha'an tsac ñusʌbe i t'an. Ubin c t'an che' jini, pejtel winicob. Q'uele c wocol. Majlemobix ti to'ol e'tel jini calobilob, jini xch'ocob yic'ot ch'itoñob c'uxbibilo' bʌ c cha'an.

Lamentaciones 2:17

Pero jiñʌch lac Yum tsa' bʌ i mele Jerusalén che' bajche' tsi' wʌn alʌ. Tsi' ts'ʌctesa i t'an che' bajche' tsi' yʌlʌ wajali. Tsi' chocoyet jubel. Ma'anic tsi' p'untayet. Tsi' colta a contrajob. Jini cha'an chan woli' melob i bʌ ti a tojlel, tijicñayob i pusic'al.

Daniel 9:13

Pejtel ili wocol tsa' tili tic tojlel lojon che' bajche' ts'ijbubil ti' mandar Moisés. Pero ma'anic tsac sʌclayet lojon, c Yum Dios. C'ʌlʌl wʌle ma'anic wolij cʌy lojon c mul. Ma'anic wolic p'is lojon ti wenta mi xuc'ul a t'an.

Oseas 7:12

Pero baqui jach mi' majlelob mic yʌcob che' bajche' te'lemut. Mi caj i yajlelob ti' caj i mul. Mi caj cʌq'ueñob i toj che' bajche' c'amel an i jontolil.

Levitico 26:18

Pero mi ma'anic mi la' cha' sutq'uin la' bʌ cha'an ili wocol tac, che' jini mu' to cʌq'ueñetla yambʌ wucyajl wocol cha'an i tojol la' mul.

Malaquias 2:2

Mi ma'anic mi la' ñich'tʌbeñon c t'an, mi ma'anic mi la' wʌc' ti la' pusic'al, mi caj c chocbeñetla tilel castigo. Mi' caj ti jilel pejtelel jini uts'at tac bʌ woli bʌ la' q'uel. Mi caj la' taj cabʌl wocol. Ma'anic mi caj cʌq'ueñetla tijicña bʌ che' bajche' com. Wersa mi caj la' toj la' mul, come ma'anic tsa' la' p'isi ti wenta jini mu' bʌ c subeñetla.

Hechos 3:23

Majqui jach mi' ñusʌben i t'an jini x'alt'an, mi caj i chojquel loq'uel ti' tojlel i pi'ʌlob cha'an mi' jilel”, che'en.

Hebreos 12:25

Tsajiletla ame la' ñusan lac Yum woli bʌ ti t'an. Come tsi' wersa tojoyob i mul jini israelob che' bʌ tsi' ñusʌbeyob i t'an Moisés i winic Dios wʌ' ti pañimil. Ñumen mi caj lac toj joñonla mi woli lac ñusan Dios mu' bʌ i pejcañonla ya'ti panchan.

Josue 23:15

Pero che' bajche' tsa'ix ts'ʌctiyi ti la' tojlel pejtel jini t'an tsa' bʌ i wʌn subeyetla lac Yum Dios, che'ʌch mi mejlel i yʌq'ueñet la' wubin pejtelel jini wocol tac c'ʌlʌl mi' jisañetla loq'uel ti ili uts'at bʌ lum tsa' bʌ i yʌq'ueyetla.

Juezob 2:15

Baqui jach tsa' majliyob, lac Yum tsa' ajni ti' contra cha'an mi' yubiñob wocol, come che'ʌch tsi' yʌlʌ lac Yum. Cabʌl tsi' yubiyob wocol che' bajche' tsi' wʌn alʌ lac Yum.

1 Samuel 12:15

Pero mi ma'anic mi la' wubiben i t'an lac Yum, mi mux la' ñusʌben i t'an, che' jini lac Yum mi caj i yʌq'ueñetla wocol che' bajche' tsi' yʌq'ueyob la' ñojte'el.