Levitico 26:11 - Chol: I T’an Dios

¹¹ Mi caj c chumtʌl ti' la' tojlel. Ma'anic mi caj c ts'a'leñetla.

Chol de Tumbalá Bible

¹¹ Mi caj c chumtʌl ti' la' tojlel. Ma'anic mi caj c ts'a'leñetla.

Jiñi Tsiji' bʌ Wen T'añ cha'añ Estudio

¹¹ “Mi caj c chumtʌl ti' la' tojlel, ma'añic mi caj c ts'a'leñetla.

Levitico 26:11 Iomraidhean Croise

2 Samuel 7:7

Che' bʌ tsac pi'leyob majlel baqui jach tsac sube jini israelob, ¿tsa' ba j c'ajtibeyob cotot jini año' bʌ i ye'tel ti' tojlel israelob? Ma'anic tsac sube mi juntiquilic cha'an mi' melbeñon cotot ti ch'ujte'”.

1 Reyob 6:13

Mi caj c chʌn ajñel ti' tojlel pejtelel israelob. Ma'anic mi caj j cʌyob, che'en.

1 Reyob 8:27

¿Isujm ba mi' caj ti ajñel Dios ti pañimil? Awilan mach ñuquic ma' q'uel panchan cha'an ya' ma' chumtʌl. Ch'o'ch'oc jax jini otot tsa' bʌ c wa'chocobeyet.

Salmos 106:40

Jini cha'an lac Yum tsi' mich'le i cha'año' bʌ. Tsi' ts'a'leyob.

Salmos 76:2

Ya' chumul Dios ti Jerusalén, Ya'an i chumlib ti Sion.

Salmos 78:59

Dios tsi' q'uele, tsa' mich'a. Tsi' wen ts'a'le' israelob.

Exodo 25:8

Com mi' mel israelob jump'ejl Tabernáculo, jiñʌch ch'ujul bʌ otot cha'an mi cajñel yic'otob.

Exodo 29:45

Joñon mi caj c chumtʌl ti' tojlel jini israelob. Mi caj cochel ti' Dios.

Exodo 29:46

Che' jini mi caj i ña'tañob cha'an joñoñʌch i Yumoñob i Diosoñob tsa' bʌ c loc'sayob ti' lumal Egipto cha'an mi cajñel quic'otob. Joñon i Yumoñob yic'ot i Diosoñob, che'en lac Yum.

Jeremias 14:21

Mach ma' ts'a'leñon lojon. Pʌsʌ a bʌ ti ñuc tic tojlel lojon, ame p'ajlecon lojon che' mach chʌn tsiquilix a ñuclel. Chʌn ña'tañon lojon. Mach ma' q'uextan jini xuc'ul bʌ a t'an.

Lamentaciones 2:7

Tsi' ts'a'le i pulʌntib yic'ot ch'ujul bʌ i yajñib. Tsi' yʌc'ʌ ti jisʌntel jini colem otot tac ti' c'ʌb i contrajob. Tsi' cha'leyob oñel ya' ti' yotot lac Yum che' bajche' ti' yorajlel q'uiñijel.

Joel 2:27

Mi caj la' ña'tan wʌ' añon ti' tojlel winicob x'ixicob ti Israel. Joñon jach la' Yumon la' Dioson. Ma'anix ba' ora mi caj la' chʌn tic'lʌntel.

Levitico 20:23

Mach yomic mi la' mel jini lolom jax tac bʌ che' bajche' jini winicob mu' bʌ caj c choc loq'uel ti la' tojlel, come jontol jax pejtel chuqui mi' melob. Jini cha'an wolij contrajiñob.

Levitico 26:15

mi tsa' jach caji' la' ñusan c mandar, mi tsa' caji' la' chañ'esan la' bʌ tic tojlel cha'an mi la' ñusan c t'an, yic'ot pejtelel j cʌntesa, joñon mi caj cʌq'ueñetla wocol. Mi caj cotsʌbeñetla la' bʌq'uen. Mi caj cʌq'ueñetla jini leco bʌ ojbal, yic'ot jini c'ajc tac c'ʌlʌl mi' yajpel la' wut, c'ʌlʌl mi' toj sajtel la' pusic'al. Che' jini lolom jach mi caj la' cha'len pac', come jini la' contrajob mi caj i c'uxbeñetla.

Levitico 26:43

Tijicña mi caj i c'aj i yo jini lum che' jochocña mi' cʌytʌl. Che' jini mi caj i ña'tañob wersa tsi' tojoyob i mul cha'an ti' caj tsi' ñusayob c t'an. Ma'anic tsi' p'isiyob ti wenta c mandar.

Levitico 26:44

Anquese cabʌl tsi' ñusʌbeyoñob c mandar, anquese ya'ix añob ti' lumal i contrajob, ma'anic mi caj c junyajlel chocob. Ma'anic mi caj c jisʌben i c'ʌjñibal c trato ti' tojlelob, come joñoñʌch i Yumon i Dioson.

Zacarias 11:8

Ti jump'ejl jach uw tsac choco loq'uel uxtiquil jontol bʌ xcʌntayajob tsa' bʌ i ts'a'leyoñob, come tsac wen mich'leyob.

Efesios 2:22

Ti lac Yum wa'chocobiletla ja'el ti jump'ejl chumlibʌl ba' mi' chʌmtʌl Dios ti Espíritu.

Deuteronomio 32:19

Lac Yum tsi' q'uele chuqui woli' melob. Lac Yum tsi' ts'a'leyob, Tsa' caji i mich'len i yalobilob.

Josue 22:19

Mi mach wʌ'ic an lac Yum ti la' tojlel ti ili lum tsa' bʌ la' ch'ʌmʌ, yom mi la' c'axel ya' ba'an i lum lac Yum ya' ba' wa'chocobil jini Tabernáculo. Ch'ʌmʌla lum tic tojlel lojon. Mach yomic mi la' chan'esan la' bʌ ti' tojlel lac Yum mi tic tojlel lojon, come che'ʌch woli la' mel che' mi la' bajñel mel i pulʌntib i majtan Dios. Anix i pulʌntib i majtan lac Yum Dios.

Josue 22:31

Finees tsi' yʌlʌ: Wʌle cujil lojon wʌ'ʌch an lac Yum la quic'ot. Ma'anic chuqui jontol tsa' la' mele ti' tojlel lac Yum. Ma'anic tsa' la' xic'beyob israelob ti mulil cha'an mi' yʌq'uentelob wocol ti' tojlel lac Yum, che'en.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.

Apocalipsis 7:15

Jini cha'an wʌ' añob ti' tojel i buchlib Dios. Mi' cha'libeñob i ye'tel ti q'uiñil ti ac'ʌlel ti mal i Templo. Jini buchul bʌ ti' yumʌntel mi caj i yajñel yic'otob.