Levitico 24:5 - Chol: I T’an Dios

^5-8 Yom ma' chajpan jini harina, cha'an ma' pʌs jini lajchʌnq'uejl waj, jujunq'uejl jini waj yom ojlil latu jini harina. Yom cha'tsolom mi la' wʌc' jini waj tic tojlel ya' ti mesa melbil bʌ ti oro yic'ot jini pom ya' ti' pam. Che' jini wen xojocña mi' tsictiyel i yujts'il jini pom che' mi la' pulbeñon. Ti jajayajl che' ti' q'uiñilel c'aj o yom ma' tsole' tic tojlel jini c majtan mu' bʌ i yʌq'ueñoñob israelob. Che'ʌch yom mi la' mel c'ʌlʌl ti pejtelel ora.

Chol de Tumbalá Bible

^5-8 Yom ma' chajpan jini harina, cha'an ma' pʌs jini lajchʌnq'uejl waj, jujunq'uejl jini waj yom ojlil latu jini harina. Yom cha'tsolom mi la' wʌc' jini waj tic tojlel ya' ti mesa* melbil bʌ ti oro yic'ot jini pom ya' ti' pam. Che' jini wen xojocña mi' tsictiyel i yujts'il jini pom che' mi la' pulbeñon. Ti jajayajl che' ti' q'uiñilel c'aj o yom ma' tsole' tic tojlel jini c majtan mu' bʌ i yʌq'ueñoñob israelob. Che'ʌch yom mi la' mel c'ʌlʌl ti pejtelel ora.

Jiñi Tsiji' bʌ Wen T'añ cha'añ Estudio

⁵ “Mi caj a ch'ʌm harina cha'añ ma' mel lajchʌnq'uejl waj; ti jujunq'uejl jiñi waj yom chʌmp'ejl kilo yic'ot ojlil.

Levitico 24:5 Iomraidhean Croise

1 Reyob 18:31

Tsi' ch'ʌmʌ lajchʌmp'ejl xajlel jujump'ejl i wentajlel jujunmojt i p'olbal Jacob, jini Jacob tsa' bʌ cha' otsʌbenti i c'aba' Israel che' bajche' tsi' yʌlʌ Dios.

1 Cronicas 23:29

Tsi' chajpayob waj ja'el mu' bʌ i pʌsbentel Dios, yic'ot i ñich harina cha'an majtañʌl, yic'ot jini waj mach bʌ paj'esʌbilic, yic'ot ch'ilbil tac bʌ, yic'ot jini woch'esʌbil tac bʌ. Che' ja'el tsi' chajpayob jini p'isoñib tac.

1 Cronicas 9:32

An ti' wenta lamital i p'olbal Coat cha'an mi' chajpañob jini waj mu' bʌ i pʌsbentel lac Yum ti jujump'ejl semana che' i yorajlel c'aj o.

2 Cronicas 13:11

Mi' pulbeñob i majtan lac Yum ti jujump'ejl sʌc'ajel yic'ot ti jujump'ejl ic'ajel. Mi' pulob jini pom, mi' yʌc'ob waj ti ch'ujul bʌ mesa, mi' ts'ʌbob c'ajc ya' ti' yajñib ti jujump'ejl ic'ajel che' bajche' yom Dios. Joñon lojon mic chʌn jac' lojon chuqui mi' yʌl lac Yum Dios, pero jatetla tsa'ix la' cʌyʌ.

Nehemias 10:33

Cha'an mi' yʌq'uentel Dios jini waj, yic'ot i majtan melbil bʌ ti harina ti jujump'ejl q'uin, yic'ot jini pulbil bʌ i majtan ti jujump'ejl q'uin, yic'ot i culto che' ti' q'uiñilel c'aj o, yic'ot che' mi' pasel uw, yic'ot che' mi lac cha'len q'uiñijel che' bajche' ts'ijbubil. Cha'an mi' yʌq'uentel Dios chuqui tac ch'ujul yic'ot jini tsʌnsʌbil tac bʌ i majtan cha'an i tojol i mul israelob, yic'ot pejtel anto bʌ yom cha'an jini e'tel ti' yotot Dios.

Nehemias 10:34

Tsa' lac cha'le yajcaya ti alas ti mojt ti mojt, jini motomajob, yic'ot levíjob, yic'ot i pi'ʌlob ti Israel, cha'an mi lac ch'ʌm majlel si' ti' yotot lac Dios cha'an tsʌnsʌbil bʌ i majtan. Ti jujump'ejl otot mux lac ch'ʌm majlel jini si' che' lac wentajix ti jab ti jab cha'an mi' pulel ti pam i pulʌntib i majtan lac Yum Dios che' bajche' ts'ijbubil ti mandar.

Exodo 25:30

Yom mi la' wʌc' jini pan ya' ti mesa cha'an mi' yajñel tic tojlel ti pejtelel ora.

Exodo 40:23

Ya'i Moisés tsi' yʌc'ʌ tac jini waj che' bajche' yom ti' tojlel lac Yum, che' bajche' lac Yum tsi' sube.

Exodo 40:4

Yom ma' wotsan jini mesa. Yom ma' wʌc' ya' ti mesa jini mu' bʌ i c'ʌjñel tac. Yom ma' wotsan ja'el jini lámpara. Yom ma' tsuc'ben i c'ʌc'al.

Numeros 4:7

Mi caj i tajsiñob ti yʌjyʌx bʌ pisil jini mesa cha'an ch'ujul bʌ waj mu' bʌ c pʌsbentel. Ya' ti pisil mi caj i yʌc'ob jini plato tac yic'ot i yajñib pom, yic'ot vaso tac, yic'ot jini ch'ujul bʌ waj.

Mateo 12:4

Tsa' ochi ti' yotot Dios, tsi' c'uxu jini waj tsa' bʌ ajq'ui ti mesa, anquese tic'bil mi' c'uxob winicob. Cojach jini motomajob mi mejlel i c'uxob.

Hechos 26:7

Che'ʌch mi' ñopob ja'el jini lajchʌnmojt i p'olbal Israel mu' bʌ i ch'ujutesañob Dios ti jump'ejl i pusic'al ti q'uiñil yic'ot ti ac'ʌlel. Rey Agripa, che'ʌch wolic ñop ja'el. Jini cha'an jini judíojob woli' jop'beñoñob c mul.

Hebreos 9:2

Tsa' mejli pisil bʌ otot. Ya' ti ñaxan bʌ i mal i c'aba' Ch'ujul bʌ Ajñibʌl an lámpara yic'ot mesa, yic'ot waj tsa' bʌ ajq'ui ti mesa.

Santiago 1:1

Santiagojon, x'e'telon i cha'an Dios yic'ot lac Yum Jesucristo. Mic ts'ijbubeñetla ili jun i p'olbalet bʌ la jini lajchʌntiquil i yalobil Israel, pujquemet bʌ la ti pejtelel pañimil. Mi cʌq'ueñetla cortesía.

1 Samuel 21:6

Jini cha'an jini motomaj tsi' yʌq'ue jini ch'ujul bʌ caxlan waj, come ma'anic yambʌ waj, jini jach mu' bʌ i pʌsbentel lac Yum. Ujtel to i tʌts'ob ili waj cha'an tsi' yʌc'ʌyob yambʌ waj ticʌw bʌ ti' tojlel lac Yum.

1 Samuel 21:7

Ti jim bʌ q'uin ya' woli' sʌq'uesan i bʌ ti' tojlel lac Yum juntiquil i yaj e'tel Saúl ch'oyol bʌ ti Edom, i c'aba' Doeg. Jiñʌch ñaxan bʌ xcʌnta wacax i cha'an Saúl.