Levitico 22:22 - Chol: I T’an Dios

²² Mach yomic mi la' wʌq'ueñon tic majtan jini xpots' bʌ, jini c'ʌscujem bʌ, jini lojwem bʌ, mi jinic am bʌ i c'amʌjel. Mach mejlic la' pulbeñon che' bajche' jini.

Chol de Tumbalá Bible

²² Mach yomic mi la' wʌq'ueñon tic majtan jini xpots' bʌ, jini c'ʌscujem bʌ, jini lojwem bʌ, mi jinic am bʌ i c'amʌjel. Mach mejlic la' pulbeñon che' bajche' jini.

Jiñi Tsiji' bʌ Wen T'añ cha'añ Estudio

²² Mach yomic mi la' wʌq'ueñon tic majtañ juncojt alʌc'ʌl xpots' bʌ, mi c'ʌscujem bʌ, mi lojwem bʌ, mi jiñic am bʌ i pʌc', mi jiñic woli bʌ ti sal o jayquexan bʌ i pʌchʌlel. Mach mejlic la' pulbeñon ti' pam jiñi pulʌntib jiñi c majtañ.

Levitico 22:22 Iomraidhean Croise

Levitico 1:13

Mi caj i ñaxan pocbeñob ti ja' i soyta' yic'ot i yoc. Che' jini, jini motomajob mi caj i pulob ti' pejtelel, come tijicña mij q'uel pulbil bʌ c majtan.

Levitico 1:9

Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Levitico 22:20

Mach yomic mi la' wʌq'ueñon alʌc'ʌl che' an i c'amʌjel, come che' jini ma'anic mic ch'ʌm.

Levitico 22:21

Che' ja'el che' an juntiquil mu' bʌ i yʌq'ueñon c majtan cha'an i tijicñʌyel i pusic'al cha'an mi' ts'ʌctesan jini tsa' bʌ i wʌn ña'ta, mi tilem ti' bajñel pusic'al mi yʌc' ña' wacax, mi ña' tiñʌme', yom juncojt mach bʌ wis anic i c'amʌjel cha'an uts'at mij q'uel.

Levitico 22:23

Che' tilem ti la' bajñel pusic'al mi la' wʌq'ueñon tat wacax mi i tat tiñʌme', uts'at mi mejlel la' wʌc' che' c'ax ñuc o che' c'ax ch'o'ch'oc i bʌc'tal ti junwejl, pero mach uts'atic mi tsa' la' wʌc'ʌ cha'an i tojol jini majtañʌl che' wʌn subil bʌ la' cha'an.

Levitico 3:3

Ya' tic tojlel mi caj i pulbeñoñob i lewil ya' bʌ ñotol ti' soyta', yic'ot jini cha'p'ejl i chujyib i pich, yic'ot i lewil, yic'ot i chañelal i yolmal. Mic wen mulan.

Malaquias 1:8

Tsa' la' lon ña'ta uts'at mi la' wʌq'uen la' Yum jini xpots' bʌ alʌc'ʌl, yic'ot mach bʌ wenic i yoc, yic'ot c'am bʌ. Mi la' lon al: “Mach mulilic ti' wut Dios”, che'etla. Mi tsa' wʌq'ue i majtan ñuc bʌ yumʌl che' bajche' iliyi, ¿mu' ba caj i mulan? che'en i Yum Panchan yic'ot Pañimil.