Levitico 22:19 - Chol: I T’an Dios

¹⁹ mi caj j q'uel ti uts'at mi tsi' yʌq'ueyon alʌc'ʌl mach bʌ wis anic i c'amʌjel, mi tat wacax, mi tat tiñʌme', mi ña' chivo.

Chol de Tumbalá Bible

¹⁹ mi caj j q'uel ti uts'at mi tsi' yʌq'ueyon alʌc'ʌl mach bʌ wis anic i c'amʌjel, mi tat wacax, mi tat tiñʌme', mi ña' chivo.

Jiñi Tsiji' bʌ Wen T'añ cha'añ Estudio

¹⁹ mi caj j q'uel ti uts'at mi tsi' yʌq'ueyon i tat alʌc'ʌl mach bʌ wis añic i c'am-ʌjel, mi' tat wacax, mi' tat tʌñʌme', o mi' tat chivo.

Levitico 22:19 Iomraidhean Croise

Exodo 12:5

Yom juncojt tiñʌme' mach bʌ i p'ajomalic. Yom i tat bʌ am bʌ jump'ejl i jabil, mi tiñʌme' mi chivo.

Levitico 1:10

Mi tiñʌme', mi chivo jini ofrenda mu' bʌ i yʌq'ueñoñob, che' jini yom i tat bʌ mach bʌ wis anic i chʌmel.

Levitico 1:2

Tsi' sube cha'an mi' yʌq'ueñob mandar jini israelob. Tsi' yʌlʌ: Che' mi la' tsʌnsʌbeñon c majtan, yom mi la' c'ʌn alʌc'ʌl tac loq'uem bʌ ti la' wacax yic'ot ti la' tiñʌme'. Mi mux la' wʌq'ueñon wacax, yom mi la' yajcan juncojt i tat bʌ mach bʌ wis anic i c'amʌjel. Yom mi la' pʌy tilel ti' ti' jini Tabernáculo ba' mi caj i ch'ʌmob jini motomajob.

Levitico 21:18

Mach mejlic i ñochtañon mi juntiquilic winic mach bʌ c'oq'uic, mi xpots' bʌ, mi jinic q'uichq'uichña bʌ i yoc, mi jinic mach bʌ wenic i wut, mi juntiquilic mach bʌ c'oq'uic.

Levitico 4:32

Che' ja'el mi tsi' pʌyʌ tilel juncojt alʌ tiñʌme' cha'an i ñusʌntel mulil, yom juncojt i ña'al bʌ tiñʌme' mach bʌ wis anic i c'amʌjel mi i lojwemal.

Mateo 27:19

Che' ja'el, che' buchul Pilato ti meloñibʌl, i yijñam tsi' chocbe tilel t'an. Tsi' yʌlʌ: Mach yomic chuqui ma' tumben jini toj bʌ winic, come sajmʌl tsa cubi cabʌl wocol tic ñajal cha'an jini winic, che'en.

Mateo 27:24

Pilato tsi' ña'ta ma'anic chuqui tsa' mejli i cha'an, come woli' tejchelob ti cabʌl leto. Jini cha'an tsi' ch'ʌmʌ ja'. Tsi' poco i c'ʌb ti' tojlelob. Tsi' yʌlʌ: Ma'anic c mul joñon cha'an i ch'ich'el jini toj bʌ winic. Anix ti la wenta, che'en.

Mateo 27:4

Tsi' yʌlʌ: Tsa'ix c cha'le mulil che' bʌ tsa cʌc'ʌ ti la' c'ʌb jini mach bʌ anic i mul, che'en Judas. Tsi' subeyob: Mach c wentajic lojon. Bajñel q'uele a bʌ, che'ob.

Mateo 27:54

I yaj capitán jo'c'al soldadojob yic'ot i soldadojob ya' bʌ añob woli' q'uelob Jesús. Tsi' cha'leyob bʌq'uen che' bʌ tsi' q'ueleyob i yujquel lum yic'ot pejtelel tsa' bʌ ujti. Tsi' yʌlʌyob: Isujm jiñʌch i Yalobil Dios, che'ob.

Lucas 23:14

Tsi' subeyob: Tsa'ix la' pʌyʌ tilel ili winic ba' añon, come mi la' wʌl woli' soc winicob x'ixicob. Awilan, joñon tsa'ix j c'ajtibe ti' la' tojlel chuqui tac tsi' mele. Tsac ña'ta ma'anic mi junchajpic i mul woli bʌ la' wʌl ti' contra ili winic.

Lucas 23:41

Ti isujm che'ʌch yom mi lac chʌmel cha'an jontol lac melbal. Pero ili winic ma'anic chuqui jontol tsi' cha'le, che'en.

Lucas 23:47

Che' bʌ tsi' q'uele chuqui tsa' ujti i yaj capitán jo'c'al soldadojob, tsi' subu i ñuclel Dios. Tsi' yʌlʌ: Isujm tojʌch ili winic, che'en.

Juan 19:4

Pilato tsa' cha' loq'ui i pejcañob. Tsi' subeyob: La' wilan wolic pʌybeñetla tilel jini winic cha'an mi la' ña'tan ma'anic i mul che'en.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

Efesios 5:27

Cristo mi caj i cʌntan i cha'año' bʌ cha'an i t'ojol jax mi' q'uejlelob ya' ti' tojlel che' ma'anic i pʌjq'uemal tac mi i sojwic'lel tac mi i mul mi yambʌ i bibi'lel, che' ch'ujulob.

Deuteronomio 15:21

Mi mach c'oq'uic jini alʌc'ʌl mi xpots', mi mach wenic i yoc, mi yambʌ mach bʌ uts'at, mach yomic mi la' wʌq'uen lac Yum Dios.

Hebreos 9:14

Ñumen i c'ʌjñibal i ch'ich'el Cristo. Come mi' poc loq'uel ti lac pusic'al jini tsucul bʌ lac melbal cha'an mi lac melben i ye'tel jini cuxul bʌ Dios. Ti' p'ʌtʌlel jini Espíritu mach bʌ ajnic mi' jilel, Cristo tsi' yʌc'ʌ i bʌ che' bajche' ch'ujul bʌ i majtan Dios mach bʌ anic i mul.

1 Pedro 1:19

Pero mʌmbiletla ti' ch'ich'el Cristo, letsem bʌ i tojol, che' bajche' juncojt alʌ tat tiñʌme' mach bʌ anic i chʌmel mi i bibi'lel.

1 Pedro 3:18

Come Cristo ja'el ti junyajlel tsi' yubi wocol cha'an mulil. Jini Toj bʌ tsi' yʌc'ʌ i bʌ ti chʌmel cha'an jini mach bʌ tojobic, cha'an mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtiyi ti jini espíritu.