Levitico 21:1 - Chol: I T’an Dios

¹ Lac Yum tsi' sube Moisés: Subeñob jini motomajob i yalobilob Aarón: Mach yomic mi la' tʌl jini xchʌmel ame bib'aquetla.

Chol de Tumbalá Bible

¹ Lac Yum tsi' sube Moisés: Subeñob jini motomajob i yalobilob Aarón: Mach yomic mi la' tʌl jini xchʌmel ame bib'aquetla.

Jiñi Tsiji' bʌ Wen T'añ cha'añ Estudio

¹ Lac Yum tsi' su'be Moisés: “Pejcañob jiñi motomajob i yalobilob Aarón, yic'ot su'beñob cha'añ mach yomic mi' bi'b-esañob i bʌ che' mi' tʌlob xchʌmel ti' tojlel i pi'ʌlob,

Levitico 21:1 Iomraidhean Croise

Ezequiel 44:25

Mach yomic mi' ñochtañob i bʌc'tal jini chʌmen bʌ cha'an mi' bib'esañob i bʌ, pero mi mejlel i majlel i q'uel i tat, yic'ot i ña', yic'ot i yalobil, yic'ot i yeran, yic'ot i chich mi maxto ñujpuñemic.

Oseas 5:1

Ñich'tanla jini t'an, motomajob yic'ot yumʌlob ti Israel, yic'ot jini rey yic'ot i pi'ʌlob. Ti pejteletla mi caj la' toj la' mul, come tsa' la' soco winicob x'ixicob ya' ti Mizpa yic'ot ti Tabor. Tsa' la' cʌntesayob lot cha'an mi' ch'ujutesañob dioste' tac.

Levitico 19:28

Mach mi la' low la' bʌc'tal cha'an i ch'ijiyemlel la' pusic'al che' an majqui mi' chʌmel. Mach mi la' wotsan i marcajlel tac chuqui tac an ti pañimil ya' ti la' bʌc'tal, come la' Yumon.

Levitico 21:11

Mach ma' wochel ba'an ch'ujlelʌl, anquese a tat a ña'.

Malaquias 2:1

Ubinla motomajob. Wolic pejcañetla.

Malaquias 2:4

Che' jini mi caj la' ña'tan joñoñʌch tsa' bʌ c chocbeyetla tilel ili t'an cha'an mi la' sutq'uin la' bʌ, cha'an mi la' jac' jini mandar tsa' bʌ cʌq'ue la' tat Leví, che'en i Yum Panchan yic'ot Pañimil.

Numeros 19:11

Majqui jach mi' tʌlben i bʌc'tal chʌmen bʌ, bibi' mi' cʌytʌl tic wut wucp'ejl q'uin. La' i sʌq'uesan i bʌ ti ja' che' ti yuxp'ejlel q'uin yic'ot ti wucp'ejlel q'uin. Che' jini mi' cha' sʌc'an, pero mi ma'anic tsi' sʌq'uesa i bʌ che' ti yuxp'ejlel q'uin yic'ot ti wucp'ejlel q'uin, bibi' to mi' cʌytʌl.

Numeros 19:14

Che' an majqui mi' chʌmel ti pisil bʌ otot, bibi'ob tic wut jini ya' bʌ añob ti otot yic'ot jini mu' bʌ i yochelob ba'an xchʌmel. Wucp'ejl q'uin an i bibi'lel tic wut.

Numeros 19:16

Majqui jach mi' tʌl winic tsʌnsʌbil bʌ ti bij yic'ot jini yan tac bʌ xchʌmel, mi i bʌquel xchʌmel, mi mucoñibʌl, wucp'ejl q'uin bibi' mi' cʌytʌl tic wut.

Numeros 6:6

Che' woli to ti ajñel bajche' nazareo tic tojlel, mach mejlic i ñochtan ch'ujlelʌl, anquese mi tsa' chʌmi i tat i ña' mi i yʌscun mi i chich. Mach mejlic i lʌc'tesan i bʌ ame bib'ac, come tsa'ix i yotsa i bʌ ti nazareo tic tojlel.