Levitico 20:8 - Chol: I T’an Dios

⁸ Yom mi la' chʌn jac'beñon pejtelel c t'an cha'an chʌn c'ajal la' cha'an ti pejtelel ora, come joñoñʌch la' Yumon la' Dioson mu' bʌ c sʌq'uesañetla.

Chol de Tumbalá Bible

⁸ Yom mi la' chʌn jac'beñon pejtelel c t'an cha'an chʌn c'ajal la' cha'an ti pejtelel ora, come joñoñʌch la' Yumon la' Dioson mu' bʌ c sʌq'uesañetla.

Jiñi Tsiji' bʌ Wen T'añ cha'añ Estudio

⁸ Yom mi la' chʌn jac'beñon c mandar yic'ot yom mi la' mel che' bajche' mic su'beñetla, come Joñoñʌch la' Yumon, mu' bʌ c sʌc-esañetla.”

Levitico 20:8 Iomraidhean Croise

Ezequiel 20:12

Tsa cʌq'ueyob ja'el i q'uiñilel c'aj o i yejtal c xuc'ul bʌ t'an tsa' bʌ c mele yic'otob cha'an pʌybilob c cha'an. Joñon i cha'añoñob, i Dioson.

Ezequiel 37:28

Ti pejtelel pañimil che' mi' q'uelob ya'an c Templo, mi caj i ña'tañob joñon wolij cʌntan jini israelob come tsac yajcayob”. Che' tsi' yʌlʌ lac Yum.

Levitico 19:19

Yom chʌn c'ajal la' cha'an ili mandar tac. Mach la' wʌc' ti chujquel la' wacax yic'ot yambʌ alʌc'ʌl. Mach yomic mi la' xaj bʌ pʌc' la' pʌc'ʌb ya' ti la' lum. Mach yomic xʌbʌl tsuts yic'ot lino ti la' pislel.

Levitico 19:37

Yom mi la' jac' pejtelel c t'an yic'ot pejtelel c mandar ti pejtelel ora, come la' Yumon.

Levitico 20:26

Yom ch'ujul mi la' wajñel tic tojlel, come joñon la' Yumon, ch'ujulon. Ma'anic tsac yajca yambʌ winicob x'ixicob. Tsac yajcayetla cha'an mi la' wochel tic cha'an bʌ.

Levitico 21:8

Ch'ujul mi caj la' wajñel cha'an mi la' wʌq'ueñon c majtan tac, come ch'ujulon mu' bʌ c sʌq'uesañetla.

Levitico 22:32

Mach yomic mi la' lon pejcan j c'aba'. Yom mi la' ñuq'uesañon. Yom mi la' ch'ujutesañon ti' tojlel israelob. Come joñoñʌch mu' bʌ c sʌq'uesañetla. Tsac loc'sayetla ti Egipto cha'an mi la' wochel tic cha'an. Joñon la' Yumon, che'en.

Mateo 12:50

Come majqui jach mi' cha'len chuqui yom c Tat am bʌ ti panchan jiñʌch quijts'in, quijti'an yic'ot c ña', che'en Jesús.

Mateo 23:17

¡Tontojetla! ¡Xpots'etla! ¿Baqui bʌ ñumen ñuc ma' wʌl? ¿Jim ba jini oro? ¿Mach ba jinic Templo ba' mi' taj i c'ʌjñibal jini oro ti' ye'tel Dios?

Mateo 5:19

Jini cha'an mi an majch mi' ñusan jump'ejl ch'o'ch'oc bʌ mandar, mi tsi' cʌntesa winicob cha'an mi' ñusañob ja'el, ma'anic mi caj i taj i ñuclel ti' yumʌntel panchan. Pero jini mu' bʌ i jac' jini mandar, mu' bʌ i cʌntesañob cha'an mi' jac'ob, mi caj i taj i ñuclel ti' yumʌntel jini am bʌ ti panchan.

Mateo 7:24

Ti jujuntiquil mu' bʌ i yubibeñon c t'an, mu' bʌ i jac'beñon, lajalʌch bajche' winic am bʌ cabʌl i ña'tʌbal. Tsi' mele i yotot ti' pam xajlel.

Juan 13:17

Mi la' wujilʌch chuqui tsac subeyetla, tijicñayetla che' mi la' mel.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

1 Tesalonicenses 5:23

Jini Dios mu' bʌ i yʌq'ueñonla i ñʌch'tilel lac pusic'al la' i lu' sʌq'uesañetla. La' cʌntʌntic la' ch'ujlel yic'ot la' pusic'al yic'ot la' bʌc'tal cha'an ma'anic la' mul che' mi' tilel lac Yum Jesucristo.

2 Tesalonicenses 2:13

Hermanojob, c'uxbibilet bʌ la i cha'an lac Yum, yom mic chʌn suben lojon Dios wocolix i yʌlʌ cha'añetla. Come ti' cajibal pañimil Dios tsi' yajcayetla cha'an mi la' coltʌntel. Ti' p'ʌtʌlel jini Espíritu woli' yotsañetla ti ch'ujul, come woli la' ñopben i sujmlel Dios.

Santiago 1:22

Chʌn melela chuqui mi' yʌl jini wen t'an. Mach yomic to'o che' jach mi la' wubin. Mach mi la' lon ña'tan woli la' ñop mi ma'anic woli la' jac'.

Apocalipsis 22:14

Tijicñayob mu' bʌ i wuts'ob i pislel cha'an mi' c'uxbeñob i wut jini te' i yejtal bʌ i cuxtʌlel. Mi caj i yochelob ti' ti' tejclum.