Levitico 20:5 - Chol: I T’an Dios

⁵ che' jini, joñon mi caj j contrajiñet yic'ot pejtelel a pi'ʌlob. Mi caj c choquet loq'uel tic tejclum yic'ot a pi'ʌlob woli bʌ i tsajcañob jini dioste' Moloc.

Chol de Tumbalá Bible

⁵ che' jini, joñon mi caj j contrajiñet yic'ot pejtelel a pi'ʌlob. Mi caj c choquet loq'uel tic tejclum yic'ot a pi'ʌlob woli bʌ i tsajcañob jini dioste' Moloc.

Jiñi Tsiji' bʌ Wen T'añ cha'añ Estudio

⁵ che' jiñi, joñon mi caj j contrajin jiñi wiñic yic'ot año' bʌ ti yotot, yic'ot mi caj c chocob loq'uel ti' tejclum yic'ot pejtelel i pi'ʌlob woli bʌ i tsajcañob jiñi dios Moloc.”

Levitico 20:5 Iomraidhean Croise

2 Cronicas 21:11

Joram tsi' mele tac pulʌntib ya' ti' witsilel Judá. Tsi' xiq'uiyob jini año' bʌ ti Jerusalén yic'ot jini chumulo' bʌ ti Judá cha'an mi' ch'ujutesañob dioste'.

Salmos 106:39

Tsa' sojquiyob che' leco i melbalob. Cabʌlob i mul tsi' cha'leyob ts'i'lel.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Jeremias 3:2

Pam q'uele jini bujtʌl tac. ¿Am ba jump'ejl bujtʌl ba' mach tic'lʌbiletic? Tsa' pijta a pi'ʌlob ti' t'ejl bij che' bajche' mi' mel árabe ti jochol bʌ lum. Tsa' bib'esa jini lum ti a ts'i'lel yic'ot a jontolil.

Jeremias 32:39

Mi caj cʌq'ueñob jump'ejl i pusic'al yic'ot jump'ejl i bijlel, cha'an mi' bʌc'ñañoñob ti pejtelel ora. Che' jini tijicñayob mi caj i chumtʌlob. Tijicñayob ja'el i yalobilob ti pejtelel ora.

Jeremias 44:11

Jini cha'an p'isila ti la' wenta chuqui wolic subeñet, che'en i Yum Panchan yic'ot Pañimil, i Dios Israel. La' wilan la' contrajon. Mi caj c chocbeñetla tilel ñuc bʌ wocol cha'an mic junyajlel jisan pejtel jini ch'oyolo' bʌ ti Judá tsa' bʌ i ñusʌbeyoñob c t'an.

Oseas 2:13

Mi caj cʌq'uen i toj i mul cha'an tsi' pulbe pom jini Baal dios. Tsi' ch'ʌlʌ i bʌ ti ujʌl yic'ot mʌtc'ʌb wen letsem bʌ i tojol. Tsa' majli i sʌclan i winic. Ma'anix tsi' chʌn ña'tayon. Jini cha'an mi caj i toj i mul. Jiñʌch laj cʌntesʌntel ti lac Yum.

Oseas 2:5

Come i ña' tsi' cha'le i ts'i'lel. Come tsi' yʌlʌ: “Muq'uix c majlel yic'ot winicob cha'an mi' yʌq'ueñoñob chuqui mij c'ux yic'ot chuqui mic jap yic'ot chuqui mic lʌp”, che'en. Quisintic jax tsi' mele.

Levitico 17:10

Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Levitico 17:7

Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Levitico 20:4

Mi tsa' q'uele woli' majlel winic cha'an mi yʌc' i yalobil ba'an Moloc, mi che' jach tsa' q'uele, mi ma'anic tsa' tsʌnsa,

Levitico 20:6

Che' ja'el jini winic mu' bʌ i majlel ba'an payxo x'alt'añob yic'ot ba'an xwujtob cha'an mi' tsajcʌbeñob i melbal, mi caj j contrajin jini winic. Mi caj c choc loq'uel ti' tojlel i pi'ʌlob.