Levitico 20:3 - Chol: I T’an Dios

³ Joñon ja'el mi caj j contrajin jini winic. Mi caj c choc loq'uel ti' tojlel i pi'ʌlob, come tsa'ix i yʌc'ʌ i yalobil cha'an i majtan Moloc. Tsa'ix i bib'esa jini Ch'ujul bʌ Ajñibʌl. Tsi' juch' teq'ue jini ch'ujul bʌ j c'aba'.

Chol de Tumbalá Bible

³ Joñon ja'el mi caj j contrajin jini winic. Mi caj c choc loq'uel ti' tojlel i pi'ʌlob, come tsa'ix i yʌc'ʌ i yalobil cha'an i majtan Moloc. Tsa'ix i bib'esa jini Ch'ujul bʌ Ajñibʌl. Tsi' juch' teq'ue jini ch'ujul bʌ j c'aba'.

Jiñi Tsiji' bʌ Wen T'añ cha'añ Estudio

³ Joñon mi caj j contrajin jiñi wiñic, mi caj c choc loq'uel ti' tojlel i pi'ʌlob, come tsa'ix i yʌc'ʌ juntiquil i yalobil cha'añ i majtañ Moloc; tsa'ix i bi'b-esa jiñi Ch'ujul bʌ Ajñibʌl yic'ot tsa'ix i q'uele ti lolom jiñi ch'ujul bʌ j c'aba'.

Levitico 20:3 Iomraidhean Croise

Exodo 30:33

Majqui jach mi' mel pom lajal bʌ bajche' iliyi mi caj i chojquel loq'uel ti' tejclum. Che'ʌch mi caj i yujtel ti' tojlel jini mu' bʌ i c'ʌn i bon joch winic”. Che' yom ma' subeñob israelob. Che' tsi' yʌlʌ lac Yum.

Ezequiel 20:39

Israelob, lac Yum Dios woli' yʌl: Cucula ch'ujutesan la' dioste' tac mi mach la' womic la' jac' chuqui mic subeñetla, pero mach mi la' wʌq'ueñon c majtan tac cha'an mi la' bib'esan j c'aba'.

Ezequiel 5:11

Mic subeñetla ti isujm, mi caj c jisañetla cha'an tsa' la bib'esa jini Templo yic'ot pejtel chuqui ts'a'lebil c cha'an. Ma'anix mi caj c chʌn ñusan la' mul. Ma'anic mi caj c p'untañetla.

Levitico 15:31

Jini cha'an che'ʌch yom mi' la' sʌq'uesan jini israelob che' woli' q'uelob i c'amʌjel cha'an ma'anic mi' chʌmelob che' mi' yochelob tic Tabernáculo am bʌ ti la' tojlel.

Levitico 17:10

Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Levitico 18:21

Mach ma' lon ac' a walobil cha'an i majtan dios Moloc. Mach ma' pul ti' pulʌntib. Mach ma' p'ajben i c'aba' Dios come la' Dioson, la' Yumon.

Levitico 19:12

Mach la' lon wa'chocon la' t'an cha'an jini mach bʌ isujmic, ame che'ic mi la' juch' tec'beñon j c'aba', come la' Yumon, la' Dioson.

Levitico 20:4

Mi tsa' q'uele woli' majlel winic cha'an mi yʌc' i yalobil ba'an Moloc, mi che' jach tsa' q'uele, mi ma'anic tsa' tsʌnsa,

Levitico 21:6

Yom ch'ujuletla tic tojlel. Mach mi la' juch'tec' j c'aba', come an ti la' wenta la' wʌq'ueñon c majtan, come la' Yumon la Dioson.

Levitico 7:20

Pero jini motomaj mu' bʌ i c'ux c majtan che' mic subentel wocolix cʌlʌ, mi max to sʌq'uesʌbilic jini motomaj tic wut, wersa yom mi' chojquel loq'uel ti' tojlel i pi'ʌlob.

Levitico 7:21

Majqui jach mi' tʌl chuqui bibi' tic wut mi i bibi'lel winic, mi i bibi'lel alʌc'ʌl tac, mi' taj i bibi'lel ja'el. Mi tsi' c'uxu jini majtañʌl tac aq'uebilon bʌ cha'an mic subentel wocolix cʌlʌ, wersa yom mi' chojquel loq'uel ya' ti' tojlel i pi'ʌlob, come tsi' bib'esa jini ch'ujul bʌ, che'en lac Yum.

Numeros 19:13

Jujuntiquil winic mu' bʌ i tʌlben i bʌc'tal ch'ujlelʌl wersa mi' sʌq'uesan i bʌ. Mi ma'anic tsi' sʌq'uesa i bʌ, tsa'ix i bibesa ja'el c Tabernáculo. Mi caj i chojquel loq'uel ti Israel. Come ma'anic tsi' c'ʌñʌ ja' mu' bʌ i sʌq'uesan. Bibi' mi' cʌytʌl. I bajñel an ti' wenta i mul.

Numeros 19:20

Che' an juntiquil bibi' bʌ mach bʌ anic tsi' sʌq'uesa i bʌ, isujm mic subeñetla mi' caj ti chojquel loq'uel ti Israel, come muq'uix i bib'esan jini cotot, cha'an ti' caj ma'anic tsa' tsijcʌnti ti jini ja' xʌbʌl bʌ ti' tʌñʌl wacax mu' bʌ i yʌc' ti ñusʌntel mulil. Jini cha'an bibi' mi' yajñel.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

1 Pedro 3:12

Come lac Yum woli' wen q'uel jini tojo' bʌ. Mi' yubibeñob i yoración. Pero mi' contrajin jini mu' bʌ i melob jontolil”.