Levitico 2:9 - Chol: I T’an Dios

⁹ Jini motomaj mi caj i pul lamital jini majtañʌl cha'an c ña'tʌntel. Mi caj c ch'ʌm ti wenta ti' pejtelel.

Chol de Tumbalá Bible

⁹ Jini motomaj mi caj i pul lamital jini majtañʌl cha'an c ña'tʌntel. Mi caj c ch'ʌm ti wenta ti' pejtelel.

Jiñi Tsiji' bʌ Wen T'añ cha'añ Estudio

⁹ Jiñi motomaj mi caj i pul lamital jiñi majtañʌl cha'añ c ña'tʌntel, jiñʌch pulbil bʌ majtañʌl xojocña bʌ i yujts'il mi cu'bin.

Levitico 2:9 Iomraidhean Croise

Exodo 29:18

Yom ma' pul pejtelel jini tat tiñʌme' cha'an pulbil bʌ i majtan a Yum. Jiñʌch yom bʌ mi' pulel, jini mu' bʌ c ch'ʌm tic wenta.

Isaias 53:10

Anquese tsa' tic'lʌnti ti' c'ʌb winicob, che'ʌch yom i pusic'al lac Yum. Lac Yum tsi' yʌq'ue i yubin ch'ijiyem bʌ. Che' bʌ tsa'ix i yʌc'ʌ i bʌ ti chʌmel i wenta tsʌnsʌbil bʌ i majtan Dios cha'an mi' toj mulil, mi caj i q'uel i p'olbal. Cuxul mi caj i yajñel ti pejtelel ora. Ti' caj i ye'tel mi caj i yujtel ti uts'at chuqui yom lac Yum.

Levitico 1:9

Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Levitico 2:16

Che' jini, jini motomaj mi caj i pul lamital jini juch'bil bʌ trigo. Yom xajc'ubil yic'ot aceite yic'ot jini pom che' ma' wʌq'ueñon.

Levitico 2:2

La' i yʌq'ueñob i yalobilob Aarón. Juntiquil motomaj mi caj i ch'ʌm junmujch' majtañʌl loq'uem bʌ ya' ba' chajpʌbil cha'an mi' pule' yic'ot pom. Mic mulan ili majtañʌl.

Levitico 2:8

Che' jini yom ma' ch'ʌmbeñon tilel pejtelel majtañʌl tac, mi tiq'uesʌbil, mi ch'ilbil. Yom ma' wʌq'uen jini motomaj cha'an mi' yʌq'ueñon ya' ti pulʌntib.

Levitico 4:31

Yom mi' loc'sʌbentel pejtelel i lewil che' bajche' tsa' loc'sʌnti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pam jini pulʌntib. Mi caj c mulan jini c majtan. Che'ʌch yom mi' mel jini motomaj cha'an mi' tojbentel i mul ili winic. Mi caj i ñusʌbentel i mul.

Levitico 5:12

Mi caj i ch'ʌmben tilel jini motomaj mu' bʌ caj i ch'ʌm junmujch' harina cha'an mi' pule' ya' ti pam jini pulʌntib ba' mi' pulbeñon c majtan. Jiñʌch majtañʌl mu' bʌ i yʌjq'uel cha'an mulil.

Levitico 6:15

Jini motomaj mi caj i ch'ʌm junjojp harina mu' bʌ cʌq'uentel tic majtan yic'ot aceite yic'ot pom. Che' jini la' i pulbeñon c majtan ya' ti pulʌntib. Xojocña i yujts'il mi cubin.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.

Numeros 5:26

Mi caj i jop junmujch' jini majtañʌl woli bʌ i yʌc' jini x'ixic cha'an mi' yʌc' ti pulel ya' ti pulʌntib. Ti wi'il muq'uix i yʌq'uen i jap jini ja' jini x'ixic.

Romanos 12:1

Jini cha'an hermanojob, a wocolic mic subeñetla cha'an tsi' p'untayetla Dios, aq'uenla Dios la' bʌc'tal che' bajche' tsʌnsʌbil bʌ i majtan Dios anquese cuxulet to la. Jiñʌch ch'ujul bʌ i majtan Dios, uts'at bʌ mi' q'uel. Jiñʌch i ch'ujutesʌntel Dios ti isujm.

Romanos 15:16

yic'ot i yutslel i pusic'al cha'an mic sub Cristo Jesús ti' tojlel gentilob. Mic subeñob i wen t'an Dios cha'an mi cʌq'uen Dios jini gentilob cha'an i majtan. Jiñʌch yom bʌ i ch'ʌm Dios, jini sʌq'uesʌbilo' bʌ ti Ch'ujul bʌ Espíritu.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

Filipenses 2:17

Tsa'ix la' ñopo Cristo tsa' bʌ i yʌc'ʌ i bʌ i wenta tsʌnsʌbil bʌ i majtan Dios. Mi che'ʌch yom mic chʌmel ja'el cha'an xuc'ul mi la' ñop, tijicñayon mi tsa' mejli c ñuq'uesʌbeñetla la' pusic'al.

Filipenses 4:18

Tsa'ix la' wʌq'ueyon pejtelel chuqui yom. An i ñumel. Jasʌlix. Epafrodito tsi' ch'ʌmbeyon tilel ti pejtelel. La' wofrenda, xojocña i yujts'il yilal, lajal bajche' pulbil bʌ i majtan Dios mu' bʌ i mulan, uts'at bʌ mi' q'uel.