Levitico 2:12 - Chol: I T’an Dios

¹² Mi mejlel la' wʌq'ueñon yic'ot ñaxan bʌ i wut pʌc'ʌbʌl, pero mach yomic mi la' wʌc' ti' pulʌntib yic'ot xojocña bʌ c majtan.

Chol de Tumbalá Bible

¹² Mi mejlel la' wʌq'ueñon yic'ot ñaxan bʌ i wut pʌc'ʌbʌl, pero mach yomic mi la' wʌc' ti' pulʌntib yic'ot xojocña bʌ c majtan.

Jiñi Tsiji' bʌ Wen T'añ cha'añ Estudio

¹² Mi' mejlel la' wʌq'ueñon cha'b yic'ot jiñi levadura lajal bajche' ñaxan bʌ i wut pʌc'ʌbʌl, pero mach yomic mi la' wʌc' ti' pulʌntib majtañʌl che' bajche' xojocña bʌ c majtañ.”

Levitico 2:12 Iomraidhean Croise

Genesis 23:17

Jini jamil i cha'an Efrón, ya' ti Macpela ti' tojel Mamre, tsa' chombenti Abraham yic'ot jini ch'en yic'ot te'el am bʌ ti jamil ti' petol. Tsi' mʌñʌ Abraham ti' tojlel heteojob, ti' tojlel pejtelel mu' bʌ i yochelob ti tejclum. Che'i tsa' ochi Abraham ti' yum jini lum.

2 Cronicas 31:5

Che' bʌ tsa' pam pujqui ili t'an, pejtel israelob tsa' caji i ch'ʌmob tilel jini ñaxan bʌ i wut i pʌc'ʌb, yic'ot vino, yic'ot olivo aceite, yic'ob chab, yic'ot pejtelel i wut pʌc'ʌbʌl. Tsi' laj ch'ʌmʌyob tilel i diezmo loq'uem bʌ ti pejtelel i pʌc'ʌb. Wen on tsi' yʌc'ʌyob. Jini israelob ya' bʌ chumulob ti Judá yic'ot i p'olbal Judá tsi' pʌyʌyob tilel ja'el i diezmojlel i wacax yic'ot i tiñʌme'. Tsi' ch'ʌmʌyob tilel ja'el i diezmojlel yan tac bʌ majtañʌl cha'an mi' yʌq'ueñob Dios. Che' jini cabʌl tsa' tempʌyi.

Exodo 22:29

Che' i yorajlelix c'ajbal mach mi' jal'an c majtan mu' bʌ caj a wʌq'ueñon, i diezmojlel tac pejtel i wut lum. Aq'ueñon ja'el jini ascuñʌl bʌ a walobilob.

Exodo 23:19

Yom mi la' tuc' ochel ti cotot jini ñaxan bʌ i wut la' pʌc'ʌb, jini yajcʌbil bʌ. Mach mejlic la' ch'ʌx alʌ tiñʌme' mi chivo ti' ya'lel i chu' i ña'.

Exodo 34:22

Yom mi la' melben i q'uiñilel semana tac, yic'ot ñaxan tac bʌ i wut la' trigo mu' bʌ la' tuc', yic'ot i q'uiñilel la' c'ajbal ti tsijib jabil tac.

Levitico 23:17

Ch'ʌmbeñon tilel cha'q'uel waj tilem bʌ ti la' wotot. Yom mi la' jʌmts'un tic tojlel. Yom mi la' mel yic'ot ojlil lata harina yic'ot levadura chajpʌbil bʌ yic'ot jini ñaxan bʌ i wut jam.

Levitico 7:13

Yom mi cʌq'uentel ili majtañʌl temel yic'ot caxlan waj am bʌ i levadurajlel che' mi la' subeñon wocolix cʌlʌ.

Numeros 18:12

La' cha'añʌch ja'el jini ñaxan bʌ i wut pʌc'ʌbʌl jini c'ax wen bʌ mu' bʌ i yʌq'ueñoñob: jiñʌch aceite olivo, yic'ot i ya'lel ts'usub yic'ot trigo.

1 Corintios 15:20

Pero isujm tsa'ix tejchi ch'ojyel Cristo ba'an chʌmeño' bʌ. Jiñʌch ñaxan bʌ tsa' bʌ ch'ojyi.

Deuteronomio 26:10

Jini cha'an wʌle tsac ch'ʌmʌ tilel ili ñaxan bʌ i wut c pʌc'ʌb ti a tojlel, c Yum”. Che' yom ma' suben lac Yum. Ya' yom ma' wʌc' ti' tojlel lac Yum Dios. Yom ma' ch'ujutesan lac Yum Dios.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.