Levitico 2:1 - Chol: I T’an Dios

¹ Che' an juntiquil yom bʌ i yʌq'ueñon trigo tic majtan, la' i ch'ʌm tilel wen juch'bil bʌ trigo yic'ot olivo aceite yic'ot i pomil.

Chol de Tumbalá Bible

¹ Che' an juntiquil yom bʌ i yʌq'ueñon trigo tic majtan, la' i ch'ʌm tilel wen juch'bil bʌ trigo yic'ot olivo aceite yic'ot i pomil.

Jiñi Tsiji' bʌ Wen T'añ cha'añ Estudio

¹ “Che' añ juntiquil yom bʌ i yʌq'ueñon trigo tic majtañ, la' i yʌq'ueñon wen juch'bil bʌ trigo yic'ot olivo aceite yic'ot pom.

Levitico 2:1 Iomraidhean Croise

Exodo 29:2

Chajpan waj mach bʌ paj'esʌbilic, yic'ot pan mach bʌ paj'esʌbilic, tiq'uesʌbil bʌ ti aceite, yic'ot galleta mach bʌ paj'esʌbilic, ts'ajbilix bʌ ti aceite. Yom mi la' c'ʌn harina melbil bʌ ti trigo wen juch'bil bʌ.

Isaias 43:23

Mach ti pejtelelic a pusic'al tsa' wʌq'ueyon jini tsʌnsʌbil bʌ c majtan. Ma'anic tsaj c'ajtibeyet cabʌl c majtan. Ma'anic tsaj c'ajtibeyet pom.

Isaias 66:20

Mi caj i lu' pʌyob tilel la' pi'ʌlob loq'uemo' bʌ ti pejtelel tejclum tac, i wenta i majtan lac Yum. Mi caj i sujtelob ti caballo, ti carreta, yic'ot ti ab, yic'ot ti mula, yic'ot ti camello, ti ch'ujul bʌ wits ti Jerusalén, che'en lac Yum. C majtañʌch che' bajche' i wut jam tsa' bʌ i ch'ʌmbeyoñob tilel israelob cha'an mi' yotsañob tic Templo.

Joel 1:9

Jilemix i wut jam yic'ot i ya'lel ts'usub mu' bʌ i ch'ʌmob ochel ti mal Templo cha'an i majtan lac Yum. Jatetla motomajob, x'e'telet bʌ la i cha'an lac Yum, yom mi la' mel la' pusic'al.

Joel 2:14

Tic'ʌl mi che' jini ma'anic mi caj i choquetla. Tic'ʌl mi caj i yʌq'ueñetla i yutslel i pusic'al lac Yum cha'an mi la' cha' aq'uen trigo yic'ot i ya'lel ts'usub.

Levitico 14:10

Che' ti yijc'ʌlal (jiñʌch i waxʌcp'ejlel q'uin) la' i pʌy tilel cha'cojt tat tiñʌme', mach bʌ wis anic i c'amʌjel mi i lojwel, yic'ot juncojt xch'oc tiñʌme' am bʌ jump'ejl i jabilel mach bʌ wis anic i c'amʌjel mi i lojwel, yic'ot lujump'is jini harina wen juch'bil bʌ, xajc'ubil bʌ yic'ot olivo aceite, yic'ot ojlil litro olivo aceite.

Levitico 5:11

Mi p'ump'un jini winic, mi mach mejlic i yʌc' cha'cojt xpuruwoc mi cha'cojt x'ujcuts, yom mi' ch'ʌm tilel jump'is juch'bil bʌ harina cha'an i ñusʌntel i mul. Mach yomic mi' xajc'un yic'ot aceite. Mach yomic mi' yʌq'uen pom, come majtañʌlʌch cha'an mulil.

Levitico 6:7

Jini motomaj mi caj i yʌq'ueñon tsʌnsʌbil bʌ c majtan cha'an i tojol i mul jini winic. Che' jini mi caj i ñusʌbentel pejtelel i mul, che'en.

Levitico 9:17

Ti wi'il tsi' ch'ʌmʌ junmujch' trigo bʌ majtañʌl. Tsi' pulu ya' ti pulʌntib yic'ot i majtan lac Yum mu' bʌ i pulbentel ti jujump'ejl sʌc'ajel.

Levitico 9:4

Che' ja'el pʌyʌla tilel juncojt i tat wacax yic'ot tat tiñʌme' cha'an mi la' tsʌnsʌben lac Yum cha'an mi la' taj i tijicñʌyel la' pusic'al. Yom i ñujp ti ac'ol, jiñʌch majtañʌl bʌ harina xajc'ubil bʌ yic'ot olivo aceite. Come lac Yum mi caj i pʌs i bʌ ti la' tojlel wʌle”. Che' yom mi la' subeñob israelob, che'en Moisés.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

Numeros 18:9

Jini majtañʌl bʌ harina yic'ot jini majtañʌl tac cha'an mulil yic'ot majtañʌl tac cha'an jontolil a cha'añʌch. Ch'ujul pejtelel jini majtañʌl tac.

Numeros 28:5

Che' ma' wʌc' jujunyajl pulbil bʌ c majtan, aq'ueñon ja'el majtañʌl bʌ harina, uxp'ejl litro juch'bil bʌ harina xajc'ubil yic'ot ojlil i cha'p'ejl litro aceite, che'en lac Yum.

Numeros 29:18

Ti jujuncojt alʌc'ʌl yom i ñujp ti ac'ol, jiñʌch majtañʌl bʌ harina, yic'ot jini japbil bʌ majtañʌl.

Numeros 7:13

Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

Numeros 7:19

Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

Numeros 8:8

Che' ujtemix jini, la' i pʌyob tilel juncojt alʌ tat wacax, yic'ot majtañʌl bʌ harina wen chʌmen juch'bil bʌ yic'ot aceite. Muq'uix a pʌy tilel yambʌ alʌ tat wacax cha'an ma' tsʌnsan cha'an mulil.

Juan 6:35

Jesús tsi' subeyob: Joñon Wajon mu' bʌ i yʌq'ueñetla la' cuxtʌlel. Jini mu' bʌ i tsajcañon ma'anic ba' ora mi caj i yubin wi'ñal. Jini mu' bʌ i ñopon ma'anic ba' ora mi caj i tiquin i ti'.

1 Juan 2:20

Pero tsa'ix tili jini Ch'ujul bʌ Espíritu ti la' tojlel. Jini cha'an mi la' cʌmben i sujmlel ti la' pejtelel.

1 Juan 2:27

Tsa'ix aq'uentiyetla jini Ch'ujul bʌ Espíritu woli bʌ i chʌn ajñel ti jatetla. Jini cha'an mach wersajic mi' cʌntesañetla yambʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.

Judas 1:20

Jatetla c'uxbibilet bʌ la, xuc'chocon la' bʌ ti jini ch'ujul bʌ t'an woli bʌ la' ñop. Pejcanla Dios ti jini Ch'ujul bʌ Espíritu.

Apocalipsis 8:3

Tsa' tili yambʌ ángel. Tsa' wa'le ti' tojel i pulʌntib i majtan Dios, chucul i cha'an i yajñib pom melbil bʌ ti oro. Tsa' aq'uenti cabʌl pom cha'an mi' xʌb yic'ot i yoración pejtelel i cha'año' bʌ Dios. Tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.