Levitico 19:5 - Chol: I T’an Dios

⁵ Che' mi la' wʌq'ueñon c majtan cha'an i tijicñʌyel la' pusic'al, ac'ʌla che' bajche' yom cha'an mic ch'ʌme' tic wenta.

Chol de Tumbalá Bible

⁵ Che' mi la' wʌq'ueñon c majtan cha'an i tijicñʌyel la' pusic'al, ac'ʌla che' bajche' yom cha'an mic ch'ʌme' tic wenta.

Jiñi Tsiji' bʌ Wen T'añ cha'añ Estudio

⁵ “Che' ba' ora mi la' wʌc' majtañʌl cha'añ i ñʌch'tʌlel la' pusic'al tic tojlel, ac'ʌla che' bajche' yom cha'añ mic ch'ʌm tic wenta.

Levitico 19:5 Iomraidhean Croise

2 Cronicas 31:2

Ezequías tsi' cha' t'oxbeyob i ye'tel motomajob yic'ot levíjob cha'an mi' q'uexob i bʌ ti e'tel ti jujunmojt cha'an mi' melob jini e'tel ti chajp ti chajp. An mu' bʌ i pulbeñob i majtan lac Yum. An mu' bʌ i yʌq'ueñob majtañʌl cha'an i ñʌch'tʌlel i pusic'al. Mi' yʌq'ueñob wocolix i yʌlʌ lac Yum. Mi' ñuq'uesañob lac Yum ti' ti' tac i yotot.

Exodo 24:5

Tsi' choco majlel ch'iton winicob cha'an mi' pulbeñob i majtan Dios. Tsi' tsʌnsʌbeyob alʌ tat wacax cha'an mi' yʌq'ueñob Dios wocolix i yʌlʌ.

Ezequiel 46:12

Baqui jach bʌ ora mi' yʌc' yambʌ majtañʌl jini yumʌl cha'an pulbil bʌ c majtan o mi cha'an mi' subeñon wocolix cʌlʌ, yom mi' poj jajmel jini puerta am bʌ ti' pasibal q'uin cha'an mi' yochel i yʌc' jini majtañʌl tac che' bajche' ti' yorajlel c'aj o. Che' loq'uemix mi caj i cha' ñujp'ejl i puertajlel.

Ezequiel 46:2

Jini yumʌl mi caj ti ochel ti corredor am bʌ ti jumpat cha'an mi' majlel ti' ts'ajquil am bʌ ti mal. Che'ʌch yom mi' mel ba' ora jini motomaj woli' pulbeñob c majtan yic'ot majtañʌl cha'an mi' subeñon wocolix cʌlʌ. Mi caj i ch'ujutesañon ya' ti' mal corredor. Che' jini mi caj i cha' loq'uel ba' tsa' ochi. Ma'anic mi' bʌc' ñujp'ejl i ti' jinto mi' bʌjlel q'uin.

Levitico 19:6

Ti jini jach bʌ q'uin yom mi la' c'ux, mi ti yijc'ʌlal. Pero mi anto i colobal che' ti yuxp'ejlel q'uin yom mi' pulel ti c'ajc.

Levitico 22:19

mi caj j q'uel ti uts'at mi tsi' yʌq'ueyon alʌc'ʌl mach bʌ wis anic i c'amʌjel, mi tat wacax, mi tat tiñʌme', mi ña' chivo.

Levitico 22:21

Che' ja'el che' an juntiquil mu' bʌ i yʌq'ueñon c majtan cha'an i tijicñʌyel i pusic'al cha'an mi' ts'ʌctesan jini tsa' bʌ i wʌn ña'ta, mi tilem ti' bajñel pusic'al mi yʌc' ña' wacax, mi ña' tiñʌme', yom juncojt mach bʌ wis anic i c'amʌjel cha'an uts'at mij q'uel.

Levitico 22:23

Che' tilem ti la' bajñel pusic'al mi la' wʌq'ueñon tat wacax mi i tat tiñʌme', uts'at mi mejlel la' wʌc' che' c'ax ñuc o che' c'ax ch'o'ch'oc i bʌc'tal ti junwejl, pero mach uts'atic mi tsa' la' wʌc'ʌ cha'an i tojol jini majtañʌl che' wʌn subil bʌ la' cha'an.

Levitico 22:29

Che' ma' tsʌnsʌbeñon c majtan che' bajche' yom a pusic'al cha'an ma' subeñon wocolix cʌlʌ, aq'ueñon wen sʌc bʌ cha'an uts'at mij q'uel jini a wofrenda. Ti jini jach bʌ q'uin yom mi' laj c'uxtʌl, mach yomic mi' cʌytʌl c'ʌlʌl ti' yijc'ʌlal. Joñoñʌch a Yumon.

Levitico 7:16

Pero mi an juntiquil mu' bʌ i yʌc' majtañʌl tilem bʌ ti' pusic'al che' bajche' tsi' ña'ta i yʌc', mach bʌ cha'anic wocolix cʌlʌ, mi tsa' to colobaji, mi mejlel i cha' c'uxtʌl che' ti yijc'ʌlal.