Levitico 19:3 - Chol: I T’an Dios

^3-4 Yom c'ajal la' cha'an i q'uiñilel c'aj o. Mach yomic mi la' cʌyon cha'an mi la' ch'ujutesan jini dioste' tac. Mach yomic mi' la' mel dios tac. Come joñoñʌch la' Yumon, la' Dioson.

Chol de Tumbalá Bible

^3-4 Yom c'ajal la' cha'an i q'uiñilel c'aj o. Mach yomic mi la' cʌyon cha'an mi la' ch'ujutesan jini dioste' tac. Mach yomic mi' la' mel dios tac. Come joñoñʌch la' Yumon, la' Dioson.

Jiñi Tsiji' bʌ Wen T'añ cha'añ Estudio

³ “Ti jujuntiquil yom mi la' q'uel ti ñuc la tat la' ña'.” “Yom mi la' q'uel ti ñuc i q'uiñilel c'aj-o, come Joñon, la' Yumon, la' Dioson.”

Levitico 19:3 Iomraidhean Croise

Genesis 48:12

José tsi' chucbeyob i c'ʌb i yalobilob. Tsi' ñucchoco i bʌ ya' ti' tojel Israel. Tsi' loc'sayob ti' pix.

Nehemias 9:14

Tsa' pʌsbeyob bajche' yom mi' c'uxbiñetob ti jini ch'ujul bʌ q'uin a cha'an che' mi' c'ajob i yo. Tsa' sube a winic Moisés pejtel a ley yic'ot a mandar yic'ot a cʌntesʌbal cha'an mi' cha' subeñob winicob x'ixicob.

Exodo 16:29

Ña'tanla, tsa'ix cʌq'ueyetla jump'ejl q'uin cha'an mi la' c'aj la' wo. Che' ti' wʌcp'ejlel q'uin on mi cʌq'ueñetla waj cha'an cha'p'ejl q'uin. Yom mi la' cʌytʌl ti la' chumlib ti jujuntiquiletla che' ti wucp'ejlel q'uin. Mach yomic mi la' loq'uel cha'an mi la' sʌclan i bʌl la' ñʌc' mi juntiquileticla, che'en lac Yum.

Exodo 20:12

C'uxbin a tat a ña' cha'an ma' jalijel ti jini lum tsa' bʌ i yʌq'ueyet a Yum Dios.

Exodo 20:8

Yom ma' chʌn p'is ti a wenta i yorajlel c'aj o. Yom ma' q'uel ti ch'ujul jini q'uin.

Exodo 21:15

Majqui jach mi' jats' i tat i ña' wersa mi' caj ti chʌmel.

Exodo 21:17

Majqui jach mi' p'aj i tat i ña' mi caj i tsʌnsʌntel.

Proverbios 1:8

Calobil, ch'ujbiben i cʌntesa a tat. Mach a cʌy a jac'ben i mandar a ña'.

Proverbios 23:22

Ubiben i t'an a tat tsa' bʌ i p'oloyet. Mach a ts'a'len a ña' che' ñoxix.

Proverbios 30:11

An mu' bʌ i p'aj i tat. An mach bʌ mi' wen pejcan i ña'.

Proverbios 30:17

Mi' caj ti chʌmel jini ch'iton mu' bʌ i wajlen i tat mu' bʌ i ts'a'liben i cʌntesʌbal i ña'. Jini xta'jol mi caj i ch'ojch'oben loq'uel i bʌc' i wut. Mi caj i c'uxob i yalob xiye'.

Isaias 58:13

Mi ñuc ma' q'uel i q'uiñilel c'aj o, mi ma'anic ma' mel chuqui ma' bajñel ña'tan a mel, mi tijicña ma' q'uel i q'uiñilel caj o che' ma' wʌc'on ti c'uxbintel, mi muc'ʌch a quep cʌy a we'tel, yic'ot jini mu' bʌ i bajñel mulan a pusic'al, yic'ot to'ol t'an cha'an ma' wʌc' ti ñuc jini q'uin,

Ezequiel 20:12

Tsa cʌq'ueyob ja'el i q'uiñilel c'aj o i yejtal c xuc'ul bʌ t'an tsa' bʌ c mele yic'otob cha'an pʌybilob c cha'an. Joñon i cha'añoñob, i Dioson.

Levitico 11:44

Come joñon la' Yumon, la' Dioson. Jini cha'an cʌntan la' bʌ cha'an mi la' wajñel ti ch'ujul, come ch'ujulon. Yom tsajiletla cha'an ma'anic mi la' pʌc' la' bʌ ti' chʌñil tac pañimil jexecña bʌ yic'ot tip'tip'ña bʌ mi' majlel tac ti lum.

Levitico 19:25

Che' ti' jo'p'ejlel jab mi mejlel la' c'uxben i wut jini te', come joñoñʌch la' Yumon la' Dioson.

Levitico 19:30

Yom c'ajal la' cha'an i q'uiñilel c'aj o. Yom mi la' p'is ti wenta jini ch'ujul bʌ cotot, come la' Yumon.

Levitico 19:31

Mach majliquetla ba'an jini payxo x'alt'añob cha'an mi la' c'ajtiben i sujmlel chuqui tac mi' yujtel, come joñoñʌch la' Yumon la' Dioson.

Levitico 19:34

Yom lajal mi la' q'uel jini ñajt bʌ tilem che' bajche' mero la' pi'ʌl. Yom c'ux mi la' wubin che' bajche' mi la' bajñel c'uxbin la' bʌ, come ti yambʌ ora ya' añetla ti Egipto ba' mach mero la' lumalic. Joñoñʌch la' Yumon la' Dioson.

Levitico 23:3

Wʌcp'ejl jach q'uin yom mi la' cha'len e'tel. Che' ti' wucp'ejlel q'uin yom mi la' c'aj la' wo, come jiñʌch ch'ujul bʌ q'uin. Mach yomic mi la' mel mi junchajpic la' we'tel, come i q'uiñilelʌch c'aj o ti' tojlel baqui jach chumuletla”.

Levitico 26:2

Chʌn ña'tanla i q'uiñilel c'aj o. Q'uelela ti ñuc jini cotot. Joñoñʌch la' Yumon.

Malaquias 1:6

Jini ch'iton mi' q'uel ti ñuc i tat. Jini x'e'tel mi' q'uel ti ñuc i yum. Ubinla motomajob, la' taton. ¿Chucoch ma'anic mi la' c'uxbiñon? La' Yumon. ¿Chucoch ma'anic mi la' q'uelon ti ñuc? che'en i Yum Panchan yic'ot Pañimil. Mi la' lon al: “¿Bajche' tsac ts'a'lebeyet a c'aba'?” che'etla.

Deuteronomio 27:16

“La' aq'uentic wocol jini mach bʌ anic mi' p'is ti wenta i tat i ña'”. Pejtelel jini año' bʌ ti tejclum mi caj i yʌlob: “Amén”, che'ob.

Deuteronomio 5:16

Q'uele ti ñuc a tat a ña' che' bajche' tsi' subeyet lac Yum Dios, cha'an uts'at pejtelel chuqui mi' yujtel ti a tojlel, cha'an ja'el ma' taj cabʌl a jabilel ti ili lum mu' bʌ i yʌq'ueñet lac Yum Dios.

Hebreos 12:9

Come lac tatob ti pañimil tsi' ju'sʌbeyonla lac pusic'al. Tsa' lac chʌn q'ueleyob ti ñuc. ¿Mach ba yomic ñumen mi lac ch'ujbiben i t'an lac Tat ti panchan cha'an cuxul mi la cajñel?