Levitico 19:26 - Chol: I T’an Dios

²⁶ Mach mi la' c'ux jini we'elʌl yic'ot i ch'ich'el. Mach mi la' lon ñop winic mu' bʌ i sub chuqui mi caj ti ujtel tac. Mach mi la' wotsan la' bʌ ti xwujt.

Chol de Tumbalá Bible

²⁶ Mach mi la' c'ux jini we'elʌl yic'ot i ch'ich'el. Mach mi la' lon ñop winic mu' bʌ i sub chuqui mi caj ti ujtel tac. Mach mi la' wotsan la' bʌ ti xwujt.

Jiñi Tsiji' bʌ Wen T'añ cha'añ Estudio

²⁶ “Mach mi la' c'ux we'elʌl yic'ot i ch'ich'el.” “Mach yomic mi la' cha'len wujt mi yomic mi la' to'ol al chuqui tac mi cajel ti ujtel.”

Levitico 19:26 Iomraidhean Croise

Genesis 44:5

Jiñʌch mu' bʌ i c'ʌn c yum che' mi' jap. Añʌch i c'ʌjñibal cha'an mi' wʌn ña'tan chuqui mi' caj ti ñumel. Jontol chuqui tsa' la' cha'le”. Che' yom ma' subeñob, che'en.

Genesis 9:4

Pero mach la' c'ux yic'ot i ch'ich'el come tic'bil. Jiñʌch i cuxtilel.

2 Reyob 17:17

Tsi' puluyob ti c'ajc jini ch'iton bʌ yic'ot xch'oc bʌ i yalobilob cha'an i majtan Moloc. Tsi' pejcayob jini xch'ʌcojelob yic'ot xtic'layajob. Tsi' junyajlel cʌyʌyob i bijlel Dios cha'an mi' melob chuqui leco ti' wut lac Yum cha'an mi' techbeñob i mich'ajel.

2 Reyob 21:6

Tsi' pulu juntiquil ch'iton bʌ i yalobil ti pulʌntib cha'an i majtan dioste'. Tsi' pejca xch'ʌcojelob. Tsi' wa'choco xwujtob yic'ot jini año' bʌ i ña'tʌbal tilem bʌ ti xiba. Tsi' yutsi mele chuqui tac leco ti' wut lac Yum. Tsi' techbe i mich'ajel lac Yum.

2 Cronicas 33:6

Manasés tsi' pulu ti c'ajc i yalobilob cha'an i majtan dioste' ya' ti joctʌl i c'aba' Hinom. Tsi' wen q'uele ti ñuc jini xwujtob yic'ot xtic'layajob yic'ot jini xpejca xibajob. Tsi' xiq'uiyob ti' ye'tel. Tsi' yutsi p'ojlesʌbe i mich'ajel lac Yum cha'an jontol jax i melbal.

Exodo 7:11

Faraón tsi' pʌyʌ tilel jini año' bʌ i ña'tʌbal yic'ot xwujtob año' bʌ ti Egipto. Lajal tsi' meleyob cha'an ti leco tac bʌ i ña'tʌbal.

Exodo 8:7

Pero lajal tsi' meleyob xwujtob yic'ot mucul bʌ i ña'tʌbal. Tsi' pʌyʌyob tilel xpequejc ti' lumal Egipto.

Jeremias 10:2

Mach che'ic yom ma' ñop bajche' yan tac bʌ tejclum mu' bʌ i chʌcʌ q'uelob jini ec' ti panchan cha'an mi' ña'tañob chuqui tac tal. Mach a bʌc'ñan jini ec' che' bajche' yaño' bʌ.

Daniel 2:10

Jini año' bʌ i ña'tʌbal tsi' yʌlʌyob: Ma'anic mi juntiquilic lac pi'ʌl mi xwujt mi xch'ʌcojel mu' bʌ mejlel i subeñet chuqui tsa' ñajle. Ma'anic yambʌ rey ti pejtelel pañimil mu' bʌ i wersa c'ajtibeñob i winicob che' bajche' iliyi.

Levitico 19:25

Che' ti' jo'p'ejlel jab mi mejlel la' c'uxben i wut jini te', come joñoñʌch la' Yumon la' Dioson.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Levitico 7:26

Mach mejlic la' c'ux mi ts'ita'ic i ch'ich'el alʌc'ʌl mi te'lemut. Che' an juntiquil winic mu' bʌ i c'uxben i ch'ich'el alʌc'ʌl mi te'lemut, wersa mi caj i chojquel loq'uel ti' tojlel i pi'ʌlob, che'en lac Yum.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Hechos 15:20

Cojach yom mi la' ts'ijbubeñob ti jun cha'an mi' cʌyob i c'ux chuqui tac aq'uebil dioste', yic'ot chuqui tac milbil yic'ot i ch'ich'el, cha'an mi' cʌyob i ts'i'lel ja'el.

Deuteronomio 12:16

Cojach mach yomic mi la' c'uxben i ch'ich'el. Yom mi' la' bec' che' bajche' mi' la' bec' jini ja'.

Deuteronomio 12:23

Pero yom tsajiletla cha'an ma'anic mi' la' c'uxben i ch'ich'el, come i ch'ich'el i cuxtʌlelʌch. Jini cha'an mach yomic mi' la' c'uxben i cuxtʌlel yic'ot i bʌc'tal.

Deuteronomio 15:23

Mach yomic mi la' c'uxben i ch'ich'el. Beq'ue ti lum che' bajche' mi la' bec' ja'.

1 Samuel 14:32

Che' bʌ tsa' bʌjli q'uin jini winicob tsa' caji' ch'ʌmob i chubʌ'anob i contrajob. Tsi' ch'ʌmʌyob tiñʌme' tac, yic'ot wacax, yic'ot alʌ wacax. Tsa' caji' tsʌnsañob cha'an mi' bʌc' c'uxob yic'ot i ch'ich'el.

1 Samuel 14:33

Tsa' tili winic i suben Saúl: Jini winicob woli' cha'leñob mulil ti' contra lac Yum. Woli' c'uxob we'elʌl yic'ot i ch'ich'el, che'en. Saúl tsa' caji i tic' i winicob: Woli la' cha'len mulil. La'la ts'ʌlbeñon letsel ñuc tac bʌ xajlel wʌ'i, che'en.

1 Samuel 15:23

Jini mu' bʌ i ñusʌben i t'an Dios lajalʌch i mul bajche' xwujt. Lajal i mul jini tsʌts bʌ i pusic'al bajche' jini mu' bʌ i ch'ujutesan dioste' tac. Tsa'ix a ñusʌbe i t'an lac Yum. Jini cha'an chojquemetix loq'uel ti a yumʌntel. Ma'anix mi caj a chʌn ajñel ti rey, che'en.