Levitico 19:19 - Chol: I T’an Dios

¹⁹ Yom chʌn c'ajal la' cha'an ili mandar tac. Mach la' wʌc' ti chujquel la' wacax yic'ot yambʌ alʌc'ʌl. Mach yomic mi la' xaj bʌ pʌc' la' pʌc'ʌb ya' ti la' lum. Mach yomic xʌbʌl tsuts yic'ot lino ti la' pislel.

Chol de Tumbalá Bible

¹⁹ Yom chʌn c'ajal la' cha'an ili mandar tac. Mach la' wʌc' ti chujquel la' wacax yic'ot yambʌ alʌc'ʌl. Mach yomic mi la' xaj bʌ pʌc' la' pʌc'ʌb ya' ti la' lum. Mach yomic xʌbʌl tsuts yic'ot lino ti la' pislel.

Jiñi Tsiji' bʌ Wen T'añ cha'añ Estudio

¹⁹ “Yom mi la' chʌn jac' ili mandar tac.” “Mach la' wʌc' ti chujquel la' wacax yic'ot yam bʌ alʌc'ʌl.” “Mach yomic xajbuctic la' pac' mu' bʌ la' pʌc' ya' ti la' lum.” “Mach yomic mi la' lʌp pisil xʌbʌl bʌ yic'ot yan tac bʌ puy.”

Levitico 19:19 Iomraidhean Croise

Genesis 36:24

I yalobilob Zibeón: Aja yic'ot Aná. Jiñʌch Aná tsa' bʌ i taja ticʌw bʌ cuxul bʌ ja' ti tiquin bʌ lum che' bʌ tsi' buc'sa burro tac i cha'an Zibeón i tat.

2 Samuel 13:29

Che'ʌch tsi' meleyob jini x'e'telob i cha'an Absalón che' bajche' tsa' subentiyob. Pejtelel jini yaño' bʌ i yalobilob rey ti ora jach tsa' loq'uiyob ti puts'el ti mula tac. Che' woli to i xʌñob sujtel ya' ti bij, ju'ucñayob ti t'an. Tsa' caji i yubin jini rey David. Woli' yʌlob: Absalón tsi' laj tsʌnsa i yalobilob jini rey. Ma'anix tsa' cʌle mi juntiquilic, che'ob.

2 Samuel 18:9

I winicob David tsa' bʌc' c'oti i q'uelob Absalón. C'ʌchʌcña woli' tilel Absalón ti mula. Tsa' caji ti puts'el Absalón, pero che' bʌ tsa' ñumi jini mula ti yebal juntejc te' ba' cabʌl jax i c'ʌb, tsa' joc' cʌle i tsutsel i jol ti' xʌc' jini te'. Tsa' ts'uy cʌle che' ñumenix jini mula.

1 Reyob 1:33

David tsi' subeyob: Pʌyʌla majlel Salomón yic'ot jini xcʌntayajob c cha'an. Yom c'ʌchʌl mi' majlel Salomón tic mula. Pʌyʌla majlel ti Gihón.

Esdras 2:66

Tsi' pʌyʌyob majlel 736 caballo yic'ot 245 mula, yic'ot 435 camello, yic'ot 6,720 burro.

Levitico 18:4

Yom mi la' chʌn mel pejtelel jini c mandar. Pejtelel jini c t'an yom mi la' chʌn jac' ti pejtelel q'uin. Come joñoñʌch la' Yumon la' Dioson. Jini winic mu' bʌ i wen jac', cuxul mi' yajñel. Yumʌloñʌch.

Levitico 19:37

Yom mi la' jac' pejtelel c t'an yic'ot pejtelel c mandar ti pejtelel ora, come la' Yumon.

Levitico 20:8

Yom mi la' chʌn jac'beñon pejtelel c t'an cha'an chʌn c'ajal la' cha'an ti pejtelel ora, come joñoñʌch la' Yumon la' Dioson mu' bʌ c sʌq'uesañetla.

Levitico 22:31

Wen ch'ujbinla pejtelel jini c mandar. Joñoñʌch a Yumon.

Lucas 5:36

Tsi' subeyob ja'el jini lajiya: Ma'anic majch mi' c'ʌn tsijib pisil cha'an mi' lʌw tsucul bʌ i pislel. Mi che'ʌch mi' mel, mi' tsijlel majlel tsucul bʌ pisil ba'an jini tsiji' bʌ i lʌjwil. Mach i t'ojolic tsiji' bʌ pisil yic'ot tsucul bʌ pisil.

Romanos 11:6

Dios tsi' yajcayob ti' yutslel i pusic'al, mach cha'anic wen bʌ i melbalob. Tsa'ic i yajcayob cha'an wen bʌ i melbalob, jiñʌch i tojol i ye'tel, mach i majtanic.

Deuteronomio 4:1

Jini cha'an, israelob, wen ñich'tanla jini mandar yic'ot la' tic'ol. Jac'ʌla ti uts'at jini woli bʌ c subeñetla cha'an chʌn cuxul mi la' wajñel, cha'an mi la' wochel ti chumtʌl ti jini lum mu' bʌ caj i yʌq'ueñetla lac Yum.

Deuteronomio 4:5

Tsa'ix j cʌntesayetla i mandar lac Yum che' bajche' tsi' subeyon, cha'an ts'ʌcʌl mi la' jac' che' ya'ix añetla ti jini lum baqui mi la' majlel la' ch'ʌm.