Levitico 19:18 - Chol: I T’an Dios

¹⁸ Mach mi la' q'uextan jontolil. Mach mi la' mich'len la' pi'ʌlob. C'uxbinla, come la' Yumon.

Chol de Tumbalá Bible

¹⁸ Mach mi la' q'uextan jontolil. Mach mi la' mich'len la' pi'ʌlob. C'uxbinla, come la' Yumon.

Jiñi Tsiji' bʌ Wen T'añ cha'añ Estudio

¹⁸ “Mach mi la' q'uextan jontolil, mi yomic mi la' lot la' mich'ajel ti' tojlel la' pi'ʌlob, pero yom mi la' c'uxbiñob che' bajche' mi la' bajñel c'uxbin la bʌ, come Joñon, la' Yumon.”

Levitico 19:18 Iomraidhean Croise

Genesis 4:23

Lamec tsi' sube i yijñamob: Ada yic'ot Zila, ubibeñonla ili c t'an. Lamecon. Jatetla quijñametla. Tsac tsʌnsa winic tsa' bʌ i jats'ʌyon. Mic tsʌnsan ch'iton bʌ winic mi tsi' jats'ʌyon. Tsa' subenti Caín wucyajl mi caj i q'uextʌbentel i mul majqui jach mi' tsʌnsan. Isujm lujunyajl i chʌnc'al yic'ot wucp'ejl mi caj i q'uextʌbentel i mul jini mu' bʌ i tsʌnsañon, che'en Lamec.

2 Samuel 13:22

Absalón ma'anic tsi' letsa i t'an ti' contra Amnón, pero mich' i pusic'al cha'an tsa' pi'lebenti i yijts'in.

2 Samuel 13:28

Absalón tsi' sube jini x'e'telob i cha'an: Yom mi la' chʌcʌ q'uel Amnón che' wen tijicña jax woli' yubin che' woli' jap vino. Che' mic subeñetla: “Tsʌnsanla Amnón”, mi cho'on, ti ora jach yom mi la' tsʌnsan. Mach yomic mi la' wis cha'len bʌq'uen, come joñon woliyon ti mandar. Tsa'ix c subeyetla, ch'ejl'esan la' bʌ, che'en.

Salmos 103:9

Mach ti pejtelelic ora mi caj i tic'onla. Ma'anic mi' cʌntan i mich'ajel ti pejtelel ora.

Exodo 20:16

Mach a cha'len jop't'an ti' contra a pi'ʌl.

Proverbios 20:22

An mu' bʌ i yʌl: Mu' to caj j q'uextan jontolil, che'en, pero mach che'ic yom. Pijtan lac Yum. An ti' wenta lac Yum cha'an mi' mel.

Levitico 19:34

Yom lajal mi la' q'uel jini ñajt bʌ tilem che' bajche' mero la' pi'ʌl. Yom c'ux mi la' wubin che' bajche' mi la' bajñel c'uxbin la' bʌ, come ti yambʌ ora ya' añetla ti Egipto ba' mach mero la' lumalic. Joñoñʌch la' Yumon la' Dioson.

Mateo 19:16

Awilan, tsa' tili juntiquil ba'an Jesús. Tsi' yʌlʌ: Wen bʌ Maestro, ¿chuqui yom mic cha'len cha'an mic taj j cuxtʌlel mach bʌ anic mi' jilel? che'en.

Mateo 19:19

Q'uele ti ñuc a tat a ña'. C'uxbin a pi'ʌlob che' bajche' ma' bajñel c'uxbin a bʌ, che'en.

Juan 13:34

Mi cʌq'ueñetla tsijib mandar: C'uxbin la' bʌ. Che' bajche' tsaj c'uxbiyetla, che' yom mi' la' c'uxbin la' bʌ.

Hechos 16:28

C'am tsi' cha'le t'an Pablo. Tsi' sube: Mach a tic'lan a bʌ. Umba'añon lojon tic pejtelel lojon che'en.

Romanos 12:17

Mach mi la' q'uextan jontolil. Ña'tan la' mel chuqui toj ti' wut pejtelel winicob x'ixicob.

Romanos 12:19

C'uxbibilet bʌ la, mach mi la' bajñel q'uextʌben jontol bʌ i melbal la' pi'ʌlob. La' i q'uextʌbeñob Dios ti' mich'ajel. Come ts'ijbubil: “Joñon mij q'uextan jontolil. Joñon mi cʌq'ueñob i tojol i mul”, che'en lac Yum.

Romanos 13:4

Come jini am bʌ i ye'tel i winicʌch Dios cha'an mi' cʌntañet. Mi wola' mel jontolil, cha'len bʌq'uen come mach lolomic jach an i yespada. An i ye'tel, aq'uebil bʌ i cha'an Dios, cha'an mi yʌq'uen i toj i mul jini mu' bʌ i cha'len jontolil.

Romanos 13:9

Come mi' yʌl jini mandar: “Mach a cha'len ts'i'lel, mach a cha'len tsʌnsa, mach a cha'len xujch', mach a tsʌjyun chubʌ'anʌl”, che'en. Jini mandar tac yic'ot pejtelel yan tac bʌ mandar mi' ts'ʌctiyel che' mi lac jac' ili jump'ejl mandar: “C'uxbin a pi'ʌlob che' bajche' ma' bajñel c'uxbin a bʌ”.

Gálatas 5:14

Come uts'at woli la' jac' jini mandar ti pejtelel che' mi la' jac' ili t'an: “C'uxbin a pi'ʌlob che' bajche' ma' c'uxbin a bʌ”, che'en.

Gálatas 5:20

Mi' ch'ujutesañob dios tac, mi' cha'leñob wujt, yujilob ts'a'leya yic'ot leto. Tsʌytsʌyña jax i pusic'al cha'an chubʌ'añʌl. Yujilob mich'ajel yic'ot a'leya. Mi' t'oxob i bʌ ti leto yic'ot ti yambʌ i ñopbal.

Efesios 4:31

Cʌyʌla ti junyajlel: ts'a'leya, mich'ajel, a'leya, mich' bʌ t'an, u'yaj t'an, yic'ot pejtelel jontolil.

Deuteronomio 32:25

Ti pat i yotot an i contrajob mu' bʌ caj i tsʌnsañob ti espada. Ti mal i yotot an leco bʌ c'amʌjel. Mi caj i yubiñob bʌq'uen winicob yic'ot xch'ocob, Yic'ot alʌlob yic'ot xñoxob.

Deuteronomio 32:35

Joñon mi caj j q'uextʌbeñob i mul i contrajob. Mi caj cʌq'ueñob castigo. Mach jalix mi caj i yajlelob, che'en.

Colosenses 3:8

Pero wʌle cʌyʌla pejtelel jini: mich'ajel, a'leya, u'yaj t'an, jop' t'an, yic'ot bibi' t'an mu' bʌ i loq'uel ti la' wej.

Hebreos 10:30

La cujil jiñʌch lac Yum tsa' bʌ i yʌlʌ: “Joñon mij q'uextan jontolil. Joñon mi caj cʌq'uen i toj”. Tsi' cha' alʌ: “Lac Yum mi caj i mel i cha'año' bʌ”.

Santiago 2:8

Yom mi la' jac' ti isujm ili c'ax ñuc bʌ mandar ti' Ts'ijbujel Dios: “C'uxbin a pi'ʌlob che' bajche' ma' bajñel c'uxbin a bʌ”, che'en. Mi woli la' jac' jini mandar toj woli la' mel.

1 Pedro 2:1

Jini cha'an cʌyʌla pejtelel la' jontolil yic'ot lotiya yic'ot i cha'chajplel la' pusic'al, yic'ot tsʌytsʌyña bʌ la' pusic'al cha'an i wenlel la' pi'ʌlob, yic'ot pejtelel u'yaj t'an.

1 Juan 4:21

Dios tsi' yʌq'ueyonla ili mandar: Jini mu' bʌ i c'uxbin Dios, la' i c'uxbin i yermano ja'el.